مروحة التكييف

[Arch Mohamed S]

كنت ماشي في امان الله واحد ربنا يسامحه معايا قعد يلعب في التكييف وانا مشغله فجأه الحرارة زادت قفلت التكييف رجعت للطبيعة تاني
فهل ده ممكن المروحة تكون معلقة مرة ولا حاجة ولا الفيوز خلاص راح ؟

[Ahmed Amin]

اللعب في التكييف من جوة مش هيبوظ المروحة,
بعدين أنت بتقول رجعت للطبيعي تاني يعني مفيش حاجة,
لو لسه قلقان وانا مش فاهم مشكلتك بالظبط ممكن تفتح علبة الفيوزات وتكشف علي الفيوز والريلاي بتاعها لو ليها.

[Arch Mohamed S]

المشكلة انها رجعت لطبيعتها لما قفلت التكييف مش و هو شغال ف متهيألي الفيوز بتاع مروحة التكييف حصله حاجة و مجربتش التكييف تاني
و اعرف ازاي الفيوز فيه حاجة ولا لا اكشف عليه ازاي ؟
معلش أنا لسة مبتدأ :d

[Ahmed Amin]

ولا يهمك, بص هتبطل العربية, وهتفتح الكبوت وهتلاقي قدامك علبة سودا مقفولة دي علبة الفيوزات,
هتشوف فين الفيوزات اللي مكتوب عليها 20A أمبير,
وهتطلعهم تبص عليهم تشوف واصلين من جوا ولا مقطوع, وبتاع المروحة المفروض أن هوا رقم 24 في الصورة
وسيبك من اللي أنا معلم عليهم,, دول كانو من موضوع تاني هنا,,

http://www.nilemotors.net/Nile/373351-a.html#post3875133150

بس هوا عمتاً لو مقطوع مكنتش هتشتغل معاك تاني, بس أنت شوف السلك ممكن يكون ملمس, وتبقي عرفت تكشف عليهم أزاي بعد كدا.

دا شكل الفيوز, وفيه حتة جواه واصلة بين الطرفين عاملة زي حرف n,
دي لو مقطوعة أو مش موجودة, يبقي الفيوز بايظ.

[Arch Mohamed S]

تمام يا باشا الصبح هجرب ان شاء الله

[abdoumahros]

ماينفعش

المشكلة انها رجعت لطبيعتها لما قفلت التكييف مش و هو شغال ف متهيألي الفيوز بتاع مروحة التكييف حصله حاجة و مجربتش التكييف تاني
و اعرف ازاي الفيوز فيه حاجة ولا لا اكشف عليه ازاي ؟
معلش أنا لسة مبتدأ :d

عزيزي
الفيوز لو ضرب مايرجعش يشتغل تاني ولازم يتغير ومدام التكييف رجع يشتغل تاني يبقا الفيوز سليم . ومدام المشكله حصلت لما صاحبك لعب في التكييف يبقا موش موضوع فيوز ممكن تكون حاجه تانيه زي بلف عاكس الدوره مثلا . نصيحتي مدام كل حاجه رجعت زي الاول ماتفكرش وانسي
وعموما مدام المروحه بتطلع هواء سخن او بارد يبقا المروحه سليمه وفيوزها سليم

[Arch Mohamed S]

طيب امبارح حصل نفس الكلام و برضو اول ما اقفلت التكييف الحرارة رجعت طبيعي و المروحة شفتها شغالة تمام

[DESIGNER105]

ممكن يكون عيب فى المروحه نفسها شغاله بس ضعيفة مش بتبرد كويس ..وممكن يكون نقص مية فى الرداتير انسداد بسيط فبيظهر مع تحميل التكييف ... شيك على دورة التبريد بالكامل

[moh2015]

الموضوع ده بيحصل معايا بالظبط
هاروح لعصام صفا يوم السبت ان شاء الله

[Ahmed Amin]

نسيت أقولك تفك الرادياتير وتنضف السربنتينة بتاعت التكييف من ورا, يعني الهواء يكون من ناحية الموتور مش من ناحية وش العربية,, وطبعاً تبقي تزود الرادياتير تاني مية مقطرة أو بنفس اللون والنوع اللي كان فيها وتسحب الهواء,,
لأن المسافة اللي ما بين الرادياتير والسربنتينة صغيرة جداً وهتلاقي بلاوي كتير محشورة ما بينهم من أول التراب لحد قصاصيش ورق وريش وهري كتير كدا.

دا في حالة لو الموضوع دا بيحصل معاك بعد فترة من المشي مع فتح التكييف, وبيروح أول لما بتفصل التكييف والحرارة بترجع طبيعية.

وأبقي قولي عال فرق.

[Arch Mohamed S]

انا لسة 2013 700 كم فأكيد مش تنضيف سربنينة ولا ريداتير ولا حاجة من دي :(
انا هروح ان شاء الله صيانة الألف يوم الحد في ابو رواش اشوف ايه النظام و كمان الفيشة بتاعت الولاعة مش شغالة هخليهم يظبطوها

[د.هشام]

ان شاء الله تطلع حاجة هايفة، ممكن يكون فيوز أو مشكلة في الوصلة بتاعة مروحة التكييف.
انت عندك مروحتين، واحدة فيهم بتشتغل أول ما التكييف بيتفتح )( اللي موجودة على ايدك الشمال وإنت قاعد في العربية)

[ELBERMAWY]

انا عندي نفس المشكله بالضبط حاسس انك بتكلم عن عربيتي .........ياريت تقولي على الحل ان شاء الله لما توصله.............جزاك الله خيرا

[Arch Mohamed S]

ان شاء الله رايح ابو رواش يوم الحد

[Arch Mohamed S]

روحت انهارده عند عصام صفا الصبح الأول نضف السربنتينة و مشيت دائري عادي اول ما وصلت الزحمة حصل نفس الكلام رجعت تاني خد هوا من دورة التبريد و بشمهندس جرب معايا في جسر السويس حصل نفس الحوار رجعنا تاني طلع ثرموستات شلته خالص و جربت الحرارة مظبوطة تمام و في الشتاء هيتركب تاني عادي