الغردقه

[soteer10]

حد معاه معلومات عن طريق الغردقه

اذا كان اما ن ولا فيه قلق و فيه عليه جيش و شرطه و مرور وكلام من ده ولا الواحد ياجل السفر

واخبار الرادار عليه ايه

[abdoumahros]

من 3 شهور

انا سافرت عليه من 3 شهور رايح جاي بس بالنهار طبعا
الطريق امان وعليه كماين ومرور وفيه اكتر من رادار بس خللي بالك في منطقه خطره في السواقه وحاطين يفط تحذيريه لازم تمشي فيها بسرعه هاديه شويه
وبالسلامه ان شاء الله

[mohamed1979]

مفيش قلق من امان الطريق الحمد لله انا رايح جاى عليه مرتين كل اسبوع شغلى فى رأس غارب
الرادار فى القطاميه و انت رايح مفيش قبل كمين الغردقه بيكون فى رادار
و انت راجع بعد البوابات فى نهايه طريق القطاميه بيكون فى رادار خلى بالك منه

[hanosh]

حد معاه معلومات عن طريق الغردقه

اذا كان اما ن ولا فيه قلق و فيه عليه جيش و شرطه و مرور وكلام من ده ولا الواحد ياجل السفر

واخبار الرادار عليه ايه

السلام عليكم
لو حتسافر يبقى تسافر بعد الفجر على طوول نهار يهنى بلاش الليل والطريق بعد القطامية عند العين السخنة لحد الزعفرانة ملفات كتيرة وخطيرة والطريق رايج جاى بعد الزعفرانة الطريق بيرتاح ويبقى الرايح ليه طريقه واللى جاى ليه طريقه عند رأس غارب ساعات بيكون فيه رادار وقبل كمين الغردقة ساعات برضه

[Haitham Basha]

الطريق زي الفل يا باشا بس اطلع بالنهار بلاش باليل ... وربنا يوصلك بالسلامة إن شاء الله ...

[ahmed_h_g]

الطريق أمان متقلقش

[soteer10]

شكرا لكل الناس اللي ردت

انا باذن الله النهارده نازل بالليل احضر العربيه للسفر

1-تغيير زيت و فلتر
2- زوايا و ترصيص و نتروجين
3- تغيير مياه خضرا
واي حاجه تاينه افتكرها

وباذن الله مسافر الصبح