مساعده فى فرش جلد للواجا

[m.aligamal]

سيارتى واجا 2006 لون التابلوه بنى و الكراسى بيج و الابواب بنى فى بيج عايز اعمل فرش جلد عشان يستحمل
المهم ايه اقتراحتكم بخصوص لون الكراسى وكنت عايز اعمل الابواب كمان فرش جلد هل تكون على نفس لونها ولا فى تغيير للافضل وكما هعمل ارضيه جلد برضه اقتراحكم بخصوص اللون وهل اعمل الكراسى لون واحد ولا لونين مع بعض ولو لونين مع بعض يكون شكلهم ازاى
ياريت لو فى موديلات تم تنفيذها ممكن الاستعانه بها او صور خاصه بسيارات مشابهه اكون شاكر جدا

[Haitham Basha]

شوف يا باشا انا لسه عامل الموضوع ده عند جينز كار و شغلهم ميه ميه و خامات روعة ممكن تشوف التقرير الي أنا عامله بالصور عن الفرش بس أنا عربيتي النترا ... الفرش عندك لو اتعمل بني شوكولا في بيج و الخياطه دوبل بيج هيبقى وهميييييييييييييي و البيبان كمان بني شوكولا و الأرضيه صوده طبعاً تبقى كده عروسه ...

[m.aligamal]

شكرا يا جميل ممكن عنوان البوست بتاعك عشان اتفرج على الشغل -المشكله انى من المنصوره و مبعرفش امشى فى القاهره و مش بحب اسافر بعربيتى هناك عشان الظروف الامنيه فياريت لو ممكن اشوف الشغل الى عملته فى عربيتك و احاول و اجتهد مع السروجى الى هيعملى فى المنصوره المساله ازواق لكن بالنسبه للصنعه فى صنعه مقبوله رغم ان اصدقائى فى المنصوره عملوا فى جينز فعلا و بيشكروا فى الناس هناك و تعاملهم الراقى و الحرفيه العاليه بتاعتهم -بس اعمل ايه بس الظروف مش سامحه و ظروف الحظر برضه

[Haitham Basha]

يا باشا أنا تحت أمرك و خصوصاً إنك من المنصورة و أنا مقدرش أتأخر عن ناس المنصورة ... اتفضل يا باشا بس يا ريت لو تعرف تنز هيبقى اسحن بكتير من أي سروجي بس هنقول إيه منهم لله الي كانو السبب ... الموضوع اهو http://www.nilemotors.net/Nile/378530-2013.html

[m.aligamal]

معلش يباشا ذكرياتى سيئه بنزولى بسيارتى للقاهره مره اتقطع كوبى 6 اكتوبر علينا من بلاك بلوك ومره تانيه سطو مسلح على عربيه امامى مباشره على كوبى بنها الزراعى غير زحمه القاهره و انا معرفش فيها حاجه انا مره كنت رايح المطار و طلعت الدائرى من شبرا ومش واخد بالى ان النزلات على الدائرى بتكون على اليمين و تلف فضلت ماشى ومستنى فتحه على الدائرى فى الحاره الشمال وبعدين تهت كان يوم

[Haitham Basha]

يا غالي و لا يهمك و ربنا يستر طرقك إن شاء الله و لو عزت أي شيء من القاهرة أو نازل القاهرة و عوزت أي حاجة قولي بس و أنا في الخدمة ...

[m.aligamal]

متحرمش منك يا غالى

[odod]

لو سمحت ياباشا هوه جينز كار ليه فرع فى اسكندرية ولا لأ ؟!

[m.aligamal]

اعتقد ان جينز كار ملوش فرع فى اسكندريه فى موضوع مثبت اعلان عن جينز كار ممكن تتواصل معهم و تستفسر برضه
=---------------------------------------------------------------------------------
يا ترى فى حد عنده افكار فى الفرش

[gogohaggag]

السلام عليكم
ما شاء الله الفرش جميل ربنا يباركلك فيها ويكفيك شرها
انا محتاج مساعدتكم في اختيار الوان الجلد (لونين ) لفرش عربيتي بيرسونا لونا احمر دم غزال لون الطابلوه رصاصي

[Haitham Basha]

السلام عليكم
ما شاء الله الفرش جميل ربنا يباركلك فيها ويكفيك شرها
انا محتاج مساعدتكم في اختيار الوان الجلد (لونين ) لفرش عربيتي بيرسونا لونا احمر دم غزال لون الطابلوه رصاصي

شوف يا غالي أولاً ربنا يباركلك في عربيتك و كيفيك شر الطريق ... ثانياً لو عملت الفرش كلو إسود و الخياطة 9 دوبل حمرا هيبقى على العربية وهمي ...

[Haitham Basha]

لو سمحت ياباشا هوه جينز كار ليه فرع فى اسكندرية ولا لأ ؟!

للأسف يا باشا ملوش فرع تاني غير فرع الطيران . مدينة نصر ...