رابطه مالكى الواجا

[m.aligamal]

السلام عليكم ورحمه الله و بركاته
من خلال تواجدى على المنتدى وبالاخص قسم البروتون لاحظت وجود شكوى عامه من ندره الموضوعات عن الواجا او وجود موضوع مفصل فقط عن الواجا ليس للتعارف انما لتبادل الراى و المشوره بخصوص اى مشكله واجهت احد الاعضاء سواء كانت قطع غيار او قطع غيار مكافئه لموديل سياره تانى مماثل او اماكن صيانه
لذلك شفت اننا ممكن نعمل موضوع يخص مالكى الواجا او من يمتلكون خبره فى التعامل مع تلك السياره لتبادل الخبره وياريت يكون تركيزنا فى هذا الموضوع حول شىء واحد وفقط وهو تبادل الخبره الحقيقيه يعنى الى جرب او شاف بنفسه

لوقتى انا هطرح شويه اسئله للساده الاعضاء كبدايه عن الحاجات الى محتاج اى حد يعرفها بخصوص العربيه

1-كارتيره الى فوق الكاوتش الامامى للسياره اليمين و الشمال
2-دلايات السياره الاماميه و الخلفيه -الى بتبقى تحت فى نهايه الرفرف
3-العفشه هل تتشابه مع الانسر -يعنى مقصات وبيض و ياى و مساعدين وياريت الموديل
4-فلتر بنزين
5-فلتر الهواء
6-ردياتير الواجا
7-علبه الدركسيون
8-فلتر الزيت ب
9 -وحده الرفع بتاعه الزجاج
10 -الكبوت
12-الاكصدام امامى و خلفى
13-الرفرف الامامى و الخلفى
14-فانوس امامى
15-فانوس خلفى
16-فوانيش شبوره

والى عنده استفسار او معلومه يتفضل بطرحها عايزين نقول وداعا لمشاكل الواجا للابد

[m.aligamal]

ايه يا جماعه هوا مفيش واجا خالص هنا ولا ايه

[m.aligamal]

مش معقوله محدش عنده معلومات - يا جماعه مفيش موضوع مفصل عن الواجا فقط محتاجين نعمل موضوع متجدد عن قطع الغيار وده موجود فى كل الصفحات الاخرى للانواع المختلفه من السيارات -
محتاجين موضوع متجدد فى كل شىء عن الواجا

[SOBHY_D]

والله ياباشا انا متابع موضوع من اول لما نزل وكنت مستنى انا كمان حد يرد عليك علشان اعرف شوية حاجات كنت بردو بسال عليها انا فى حدود خبرتى المحدودة هقولك على شوية الحاجات الى اعرفها
1-كارتيره الى فوق الكاوتش الامامى للسياره اليمين و الشمال الكارتيرات دى موجودة فى اغب محلات بروتون ( مكة - المدينة - اشرف منصور ) وتقريبا تمنها يبدا من 120 لحد 180 بس للاسف كل الخامات الى شوفتها مش كويسة زى الفبربيكة ومجتهاش للسبب دة لانها شهر وهتبوظ
2-دلايات السياره الاماميه و الخلفيه -الى بتبقى تحت فى نهايه الرفرف سالت عليها بردو فى المحلات سالفة الذكر وكانت موجودة بس مش فاكر الاسعار بس الى اعرفة انها كانت بتتباع ال 4 مع بعض
3-العفشه هل تتشابه مع الانسر -يعنى مقصات وبيض و ياى و مساعدين وياريت الموديل العفشة كان عندى فيها مشاكل ومازالت بس ال اعرفة ان المساعدين هى kyb موجوده وكويسة ناس كتير بتشكر فيها ياريت انت لو عرفت تفاصيل اكتر تبقى تقولنا
4-فلتر بنزين فلتر البنزين غيرتة اول لما جبت العربية وكان ب 110 ج فى عصام وصفا وكانوا قايلين انة الاصلى
5-فلتر الهواء مغيرتوش قبل كدة بس مش هيعدى ال 60 ج كنت شوفتة عن محل الامير كان عارضة على الفيس بوك
6-ردياتير الواجا معنديش خلفية
7-علبه الدركسيون مشوفتش حد موفق ليها من عربية تانية بس اغلب الناس بتجيبها استيراد من الحرفيين
8-فلتر الزيت انا بركب مع غيار الزيت الفلتر بتاع الانسر ب 27 ج
9 -وحده الرفع بتاعه الزجاج لو تقصد ماكينة الزجاج فناس كتير قالت بتعدلها بماكينة كرولا بس انا اكتشفت اخيرا ان ف ماكينة ليها بتنزل حديد مش فيبر وعاملة 650 ج وشكلى هاجيبها للجانب الشمال عندى
10 -الكبوت معرفش
12-الاكصدام امامى و خلفى معرفش
13-الرفرف الامامى و الخلفى معرفش
14-فانوس امامى الامامى الاصلى اعتقد صعب تلاقية بردة التوكيل شوفت ليها فوانيس كتير متعدلة بس معرفش سعرها كام
15-فانوس خلفى الفانوس الخلفى ماركة ديبو عامل من 150 لحد 175
16-فوانيش شبوره الشابورة ماركة ديبو عامل من 225 لحد 250
والله هى دى كل المعلومات الى عندى عن العربية و لو فى حاجة قلتها غلط يبقى اكيد وصلت ليا كدة
بجد احنا محتاجين تنشيط كبير فى المنتدى بخصوص العربية لانى ساعات بحس ان العربية كل حاجة ليها موجودة ومعروفة بس الواحد مش عارف الطريق ( للامانة سالت كتير ناس فى المنتدى على حاجات وكانت بتدلنى منهم الاخ فيليكس ) بس اعتقد لو قدرنا نوصل لاماكن صنايعية نضيفة الموضوع كلة هيتحل انا كل مشاكلى حاليا عايز عفشجى نضيف وميكانيكى وياسلام بقى على لستة صنايعية محترمة كدة يبقى تمام
وياريت اكون قدرت اوضح ليك الصورة

[m.aligamal]

تسلم يباشا على ردك ونتمنى من الاعضاء الى عندها معلومات ان تضيف بجد محتاجين تعاون اكتر من كده والجميع سيستفيد من تجارب الاخرين

[m.aligamal]

بالنسبه للواجا الشكل القديم
فلتر زيت اللانسر البومة بيركب عليها و فلتر الهوا زيه بردوا بس موديلات حتى 2004 تقريبا للانسر.
و طبعا ناقل الحركة مانيوال أو أتوماتيك هوا بتاع اللانسر قبل 2004 و كمان مجموعة سير الكاتينة هيا هيا.

[m.aligamal]

اسم قطعة الغيار:Timing Kit (البلية والسير)
نوع السيارة المكافئة/ناقل الحركة/الموديل:Mitsubishi Lancer/Manual,Auto/1995
السعر التقريبي: 75+45 جنية بالتترتيب

[m.aligamal]

سم قطعة الغيار:'الغفشة والمقصات والكبالن والمساعدين
نوع السيارة المكافئة/ناقل الحركة/الموديل:ميتسوبيشي لانسر كريستالة /Man,Auto/1996:2000

[m.aligamal]

أسم قطعة الغيار:طلمبة السيرفو
نوع السيارة المكافئة/ناقل الحركة/الموديل:فولفو S40
/Man,Auto/1999:2000
السعر التقريبي: 600جنية
أسم قطعة الغيار: العفشة الخلفية والطنابير الخلفية
نوع السيارة المكافئة/ناقل الحركة/الموديل:فولفو اس 40 /Man,Auto/1999:2000

[m.aligamal]

اسم القطعة : القنطرة الطولية

السيارة : واجا

السيارة المتوافقة : لانسر كريستالة

السعر : عند اي حد بتاع لانسر ب 160 جنيه تايواني وعند اي حد بتاع بروتون من 300-400 برده تايواني ونفس الشكل ونفس الورقة اللي عليها ونفس الكيس ونفس كل حاجة

القواعد بتاعتها : 300 جنيه في التوكيل للقاعدة الواحدة - محلات بروتون الجوز ب 300 حنيه - محلات متسو ب 120 جنيه للجوز