ايه رايكم في العربية من حيث

[Rsarabia]

مش عارف انا اللى كاتب بتوصل ل 100 فى 12 ثانية و 10 ثوانى هو احنا داخلين سباق ؟؟
محدش بيشترى عربية بيسأل هى بتوصل ل 100 فى قد ايه خالص
الكلام دا لو انت بتلعب بلاى ستيشن و عاوز تختار عربية تكسب بيها

فى حاجة اسمها اعتمادية و ثقة و كفاءة و جودة و سمعة
انا مش فاهم ليه بتقارن عربية يابانى بقالها خمسين سنة بعربية ماليزي لسه مولودة ؟؟
يعنى حتى السعر فى فرق كبير جدا اكيد حتى لو فى مجال للمقارنة كنت هتلاقى السعر واحد او على الاقل متقارب

[coolsh]

اسف للمقاطعه بس مفيش اي وجه للمقارنه بين لانسر شارك الجديده والجين 2 لا في التسارع ولا في الثبات ولا الادااء لان قريت في الموضوع ان الجين 2 ثبات اعلى من الانسر الجديد والقديم القديم مجربتهوش بس الجديد من سابع احلام الجين 2 وعن تجربه.....ده فئه والتانيه فئه تانيه خااالص عديت الجين 2 بمرااااااااحل....

[Rsarabia]

اسف للمقاطعه بس مفيش اي وجه للمقارنه بين لانسر شارك الجديده والجين 2 لا في التسارع ولا في الثبات ولا الادااء لان قريت في الموضوع ان الجين 2 ثبات اعلى من الانسر الجديد والقديم القديم مجربتهوش بس الجديد من سابع احلام الجين 2 وعن تجربه.....ده فئه والتانيه فئه تانيه خااالص عديت الجين 2 بمرااااااااحل....

يا نهار اسود و مهبب بس على فكرة هما بيتكلمو على مقارنة بين جين تو و لانسر البومة مش الشارك لأ مش للدرجة دى وسعت اوى

[AhmedGen2]

مش عارف انا اللى كاتب بتوصل ل 100 فى 12 ثانية و 10 ثوانى هو احنا داخلين سباق ؟؟

الحقيقة الأخ اللى أنا رديت عليه كان بيتسائل فى حالة السباق مين يكسب؟.

انا مش فاهم ليه بتقارن عربية يابانى بقالها خمسين سنة بعربية ماليزي لسه مولودة؟

المقارنة بالأرقام والتجربة واضحة لصالح الجين تو بين أداء كلا السيارتين ، فأنا مش شايف سبب يمنع المقارنة خاصة إن دة طلب صاحب الموضوع.

[coolsh]

يا Rsarabia باشا والله هوه ده المكتوب كاتبين ان الثبات اعلى من الانسر الجديد والقديم ده الي اتكتب رجاااءا الي مجربش الشارك بنفسه ميتكلمش بالسوء عنها والي يحب يجرب انا موجود..وانا بتكلم عن الشارك الكويتي مش المصري....

[tutankhamoun]

مش عارف انا اللى كاتب بتوصل ل 100 فى 12 ثانية و 10 ثوانى هو احنا داخلين سباق ؟؟

صاحب الموضوع هو اللي سأل و محدش رشح الجين 2 للسبب ده بس ..... لأن الأداء متقارب و إن كان يفرق فرق بسيط لصالح الجين 2

محدش بيشترى عربية بيسأل هى بتوصل ل 100 فى قد ايه خالص
الكلام دا لو انت بتلعب بلاى ستيشن و عاوز تختار عربية تكسب بيها

هو صحيح المقياس ده مش أساسي لتقييم عربية
إنما كل شركات العربيات الحقيقية بتعلن أرقامها و منهم ميتسوبيشي و بيعتبر مقياس لتسارع المحرك و لكنه ليس مقياس للأداء العام

و مش في البلايستاشين بس

فى حاجة اسمها اعتمادية و ثقة و كفاءة و جودة و سمعة
انا مش فاهم ليه بتقارن عربية يابانى بقالها خمسين سنة بعربية ماليزي لسه مولودة ؟؟

أنا أقدر أقولك و بالفم المليان الآتي
إعتمادية و ثقة و كفاءة و جودة = لانسر = جين 2
سمعة = لانسر أكتر من جين 2 علشان عقلية الياباني و الغير ياباني ( عوامل نفسية بحتة )
و أنا قلت قبل كدا قطع غيار متوفرة و سعر اعادة بيع على مدى قليل = لانسر

و مين قال لحضرتك إن لانسر بقالها خمسين سنة
إذا كانت الشركة اليابانية نفسها تم تأسيسها سنة 1973
يعني قبل بروتون بعشرة سنوات فقط
و بروتون أول ما أتأسست بدأت بالتعاون التقني مع ميتسوبيشي يعني اللانسر عمرها في العالم كعربية تحمل إسم لانسر هو 35 سنة فقط و ليس خمسين سنة
لأن عمر ميتسوبيشي نفسه ............ 35 سنة
و عمر لانسر اللي أحنا بنقارنها مع الجين 2 لا يتعدى 10 سنوات حسب تغيير الموديلات حيث أن اللانسر الموديل الأول يختلف كليا و جزريا عن اللانسر الحالي و مبني على شاسيه مختلف و مواتير مختلفة
و لو مشينا بالمبدأ بتاعك
يبقى معلش لانسر تركن على جنب لما نجيب سيرة أي عربية أقدم منها !!!!!!!
شوفت ازاي أنه مبدأ غلط ...
لأن اللانسر ممكن تبقى أحسن من عربيات أعرق منها في الماركة زي الفيات 131 مثلا ......... اللي أقدم منها بكتير
شركة فيات متأسسة من أكتر من 100 سنة و شركة ميتسوبيشي عمرها 35 سنة فقط

و العربية الماليزي مش لسة مولودة و لا حاجة يا سيدي الفاضل
العربية في السوق من سنة 2004 و اللانسر البومة مش أقدم منها و لا حاجة و إن كان المودجيل نفسه كإسم فقط عمره 35 سنة
و متنساش إن مصمم الجين 2 لوتس الإنجليزية اللي أقدم برضه من ميتسوبيشي و ده برضه مش عامل يخلي كل منتجات شركة لوتس أحسن من ميتسوبيشي

يعنى حتى السعر فى فرق كبير جدا اكيد حتى لو فى مجال للمقارنة كنت هتلاقى السعر واحد او على الاقل متقارب

أولا فرق السعر لصالج الجين 2 مش اللانسر
فرق السعر ده في مصر فقط لا غير
اللانسر ثمنها في انجلترا مثلا بيبدأ من 10000 استرليني و بينتهي ب 11500 استرليني
مثل الجين 2 تماما
الجين 2 بتبدأ من 10000 و تنتهي ب 11500

يعني فرق السعر ........... مفيش فرق سعر ......... يعني مصر بس

طيب حتى لو فيه فرق سعر
هل لو عربيتين بنفس المواصفات بسعرين مختلفين يبقى ما ينفعش يتقارنوا
لاءة ينفع و نص كمان
حتى لو واحدة بنص مليون جنيه و التانية بخمسين ألف

السعر عامل من عوامل المقارنة
و العربية اللي تديك نفس الأداء و الكماليات و الجودة بسعر أقل هي اللي تكسب من ناحية عامل السعر

[tutankhamoun]

نسيت كمان أقول
إستهلاك الجين 2 للبنزين أفضل من اللانسر بأرقام ملحوظة


فتيس اللانسر الأوتوماتيك 1600 إستجابته أحسن من فتيس الجين 2 الحالي اللي هو مش IAFM من لحظة الثبات فقط