لسه شاري كاوتش جديد

[yousefsemsem]

امبار ح وانا مروح بركن قدام البيت وفجاه كده الفردتين اللي قادام علي الارض وتراب طالع من قدام العربيه
نزلت ابص لقيت الفردتين علي الارض ومش نافعين بالرغم انهم بقالهم سنه معايا عاملين 15 الف كيلو
كنت جايب بيرم اللي بينزل في الرينو لوجان بس فرده كانت مزعجه كنت مركب قبلها ال جي تي افضل منهم بككتير
فروحت النهارده الصبح ادور واشتري لفيت علي حاجات كتير بس لقيت فرده سمها سونار فرده كويسه وطريه وملهاش اي صوت بصراح طلعت جربت عربيه الراجل اللي بشتري منه لانه مركبهم لقتهم ممتازين بصراحه لا صوت ولا نشفان وناعمه علي الطريق وفراملها كويسه اوي
توكلت علي الل وركبتهم لان برضه الحاجه جت مفاجه والماديات مكنتش مساعده اوي بصراحه ماندمتش جربت العربيه لقيتها ممتازه ربنا يسهل واغير اللي اتنين اللي ورا كمان يومين كده بالرغم انهم لسه مافهومش ولا خرم وسلام عاملين 15 الف

[yousefsemsem]

::: SONAR Rubber Tire ::: id
هي ديه الفرده الي انا جايبها

[bondok20002002]

مبروك ياباشا بس اى تفاصيل كده بكام ومقاس إيه وصناعة إيه والذى منه

[yousefsemsem]

مقاس 14 185/65 صناعته تيوان جبت الفرده ب380

[S O P H O S]

مبروك يا باشا

[yousefsemsem]

الله يباركلكو يارجاله

[bondok20002002]

هيا مش المفروض يكون مقاس 15 ولا ايه

[yousefsemsem]

ﻻ الويرا 14

[M I D O]

الف مبروك يا باشا وربنا يحفظلك العربية

[tutankhamoun]

مبروك يا باشا و ربنا يستر طريقك .

[yousefsemsem]

الله يباركلك ساغالي وتسلم بس فعاا جربته في السفر مالوش اي صوت وناعم لغايه سرعه 150

[Al-Farooq]

ألف مبروك ، ان شاء الله تكون حلوة فى الفرامل ومبتزحفش وتكون بتاعة ال All-seasons.

[yousefsemsem]

والله ياباشا لغايه دلوقتي كويسه وكان عندي سرخه في الفرامل راحت وكنت ماشي علي 150 فراملها كويسه الحمد لله بصراحه مش ندمان اني جبتهم

[D . a .\ AYMAN]

الف مبروك ياباشا ... بإذن الله تكون كويسة

بس حاول بقى تغير اللى ورا معاهم وممكن تعمل واحدة منهم استبن لو هما كويسين والاستبن عندك نفس المقاس .. لأن الاختلاف في النقشة بيفرق فرق كبير جدا في اتزان وثبات العربية ..

[Mohtofy]

ربنا يباركلك فيهم وفى العربية ياباشا ...... أنا كمان المفروض أغير الكاوتشات بتاعة الساجا اليومين دول وبصراحه مش عارف أجيب ايه وكمان مش عارف لو غيرت المقاس من 14 185/60 وأجيب مقاس عالى سنه زى المقاس 14 185/65 هل هتكون مشكلة والعفشة هتتأثر. لو حد يعرف حاجة عن الموضوع ده ياريت يقولى ياجماعة .