الجين 2 لما بتسخن من الزحمة بتقف مني

[wesdahab]

السلام عليكم
أنا معايا جين 2 أوتوماتيك موديل 2008
أنا عندي مشكلة إن لما أمشي بالعربية في الزحمة لفترة حوالي نص ساعة العربية بتبطل مني أضطر أريحها عشر دقائق وبعدين تمشي بدون مشاكل طالما مافيش زحمة
أنا لسة مغير البطارية لأن الموضوع ده حصل معايا قبل كده وكنت فاكر المشكلة في البطارية

[a7mad_mo7amad6]

اعتقد ده مشكلة كهربا
محتاجه تتحط على الجهاز ويتكشف عليها..
ياريت تروح لعصام صفا

[exact]

اعتقد ان دي بوبينة

[eng.m7md.ali]

هيا العربية بتسخن ولا طبيعية؟

[wesdahab]

شكراً لكل اللي رد
آنا شاكك في الكهرباء والموبينة بالذات
بس أنا رحت لعصام صفا وقالي مافيهاش حاجة
والعربية لما بفتح الكابوت بتكون السخونة الطبيعية بس مش عارف بتقف ليه

مش عارف أروح التوكيل بس إنتوا بتخوفوني منه

[DESIGNER105]

هى العربية بتسخن ولا مؤشر الحراره ثابت قبل التسعين ؟... وممكن يكون طربمة البنزين لما بتسخن بتفصل ..احتمال ؟

[wesdahab]

مؤشر الحرارة ثابت قبل التسعين وعمره ما عداه

[mastr_n]

ان شاء اللة بسيطة
راجع دورة التبريد وروح لكهربائى

[D . a .\ AYMAN]

الموضوع كدة بإذن الله ما يخرجش عن البوبينة أو طرمبة البنزين ... حاجة منهم لما تسخن بتفصل .. وجرب الطرمبة الأول لأن البوبينة الإلكتروني بتاعة البروتون مشاكلها قليلة