مساعدين خلفى

[DESIGNER105]

يا جماعة انا كان عندى دربكة فى العربيه من ورا ..وهز فى المطبات ...طلعو من المساعدين الخفلى كانو ضيعين . بعد متفكو كنت بنزلهم بايدى مبيطلعوش تانى ...!

غيرتهم و ركبت اتنين مساعد خلفى بتوع لانسر يابانى kyb..بس اقصر من بتاع بروتون سم ونص تقريبا او اقل...
بس مفيش فرق فى الاداء والعربية ثابته اكتر والدربكه راحت من ورا ...

قولت افيدكو بالتجربة البسيطه دى .....

[saddam]

صديقي المواطن
مبروك وبالتوفيق ولكن الناس بتطول في المساعدين وحضرتك بتقصرهم عشان لما نركب علايات مسافة المساعد بتقل فتقل كفائته والصح إنك تفكهم وتروح للخراط يعمل لها وصلة تطوالة كده بسيطة قول 5 سم أو 3 سم وتريح العربية وبالتوفيق
ودمتم للنضال

[DESIGNER105]

صديقي المواطن
مبروك وبالتوفيق ولكن الناس بتطول في المساعدين وحضرتك بتقصرهم عشان لما نركب علايات مسافة المساعد بتقل فتقل كفائته والصح إنك تفكهم وتروح للخراط يعمل لها وصلة تطوالة كده بسيطة قول 5 سم أو 3 سم وتريح العربية وبالتوفيق
ودمتم للنضال

هو الى ركبهم قالى مش هيفرقو فى العربيه ..ولو عايز تطولهم نبقى نطولهملك ..بس انا بجرب دلوقتى ومش حاسس بفرق كبير... بالعكس حاسس بثابت اكتر على السرعات...مش عارف بقى لو راكب حد معايا ورا هيفرق كتير ولا لا ....؟؟؟؟

[eng.m7md.ali]

الف مبروك يا ريس

بس كدة العربية اوطى من ورا عن العادي ولا زيها؟

[abdoumahros]

الف مبروك

يا جماعة انا كان عندى دربكة فى العربيه من ورا ..وهز فى المطبات ...طلعو من المساعدين الخفلى كانو ضيعين . بعد متفكو كنت بنزلهم بايدى مبيطلعوش تانى ...!

غيرتهم و ركبت اتنين مساعد خلفى بتوع لانسر يابانى kyb..بس اقصر من بتاع بروتون سم ونص تقريبا او اقل...
بس مفيش فرق فى الاداء والعربية ثابته اكتر والدربكه راحت من ورا ...

قولت افيدكو بالتجربة البسيطه دى .....

مبروك ياباشا
ممكن نعرف مساعدين اللانسر بكام ومنين
وليه ماركبتش مساعدي جين 2 الاصلي ؟

[DESIGNER105]

مبروك ياباشا
ممكن نعرف مساعدين اللانسر بكام ومنين
وليه ماركبتش مساعدي جين 2 الاصلي ؟

الله يبارك فيك ..
المساعدين من محل مكه فى ش دمشق .. ب600 جنيه الاتنين
مركبتش بتوع بروتون ليه ...عشان ديما مش موجودين .. ودول اقرب حاجه ليهم غير انهم يابانى ....
وسمعت ان مساعدين بروتون الى موجودي فى السوق معظمهم مضروب ..
هو الى ركبهملى شغال فى بروتون بس فاكيد فاهم العربية

[DESIGNER105]

الف مبروك يا ريس

بس كدة العربية اوطى من ورا عن العادي ولا زيها؟

وطيت شىء بسييط ..غير ملحوظ ..بس مش حاسس بمشكله والثبات اكتر فى السرعات و الملفات على سرعة ..

[tutankhamoun]

أولا ألف شكر على الموضوع الجميل ده و مشاركة تجربتك .
عايزين بقى تقييم حلو كدا بعد فترة من التركيب و تجريب العربية و معاك ناس في الخلف .

ربنا يبارك فيك و في عربيتك .

[D . a .\ AYMAN]

الف مبروك

وأعتقد إن الـ 1.5 سم دول مش هايبانوا خالص وانت لوحدك لكن ممكن تحس إن العربية بقت بتكحت في مطبات أكتر لو معاك حد راكب في العربية

وجزاك الله خيرا على نقل التجربة

[MOSTAFA.EID]

الف مبروووك محتاج اعمل زيك بالظبط .... ممكن اعرف العفشجي اللي عملت الشغل عنده هو متخصص بروتون .. وعلي فكره المساعدين عن اولاد منصور بسعر 570 ج

[DESIGNER105]

الف مبروووك محتاج اعمل زيك بالظبط .... ممكن اعرف العفشجي اللي عملت الشغل عنده هو متخصص بروتون .. وعلي فكره المساعدين عن اولاد منصور بسعر 570 ج

هو مش عفشجى بس هو ميكانيكى بس فاهم فى العفشه وشغال جين 2 بس اسمو عمرو السعدواى
فى ارض الواء .اطلع الكوبرى الى اخر جامعة الدول وانزل النزلا الشمال ..خليك علطول..الشارع الى بعد الجامع عالشمال ...واسال على عمر السعدوادى

[عزو]

انا عملت زيك بلظبط بس المشكلة ف الحمولة لكن مساعدين الانسر كفائه لكل شى مميزات وعيوب

[alaziz]

الكلام جميل طيب لو العربيه واجا تنفع المساعدين دى و الا دى للجين 2 بس ؟؟؟
لو حد عنده معلومه ياريت يعلق

[DESIGNER105]

اتصل بمحل مكه هتلاقى رقمو فى المواضيع المثبته عن اصحاب قطع الغيار ..وصاحب المحل ده معاه بروتون واجا اصلا يعنى هيقولك مالاخر ...