صوت مع التكييف في جين 2

[GBadr]

ياجماعه انا لسه شاري العربيه جديده... بس ملاحظ صوت كده عالي بيطلع لما اشغل التكييف بيروح ويجي ( مش عارف ده كمبروسور ولا مروحه) بس كنت فاكر حيروح او يخف بعد صيانه الالف لكن هو لسه موجود... ده طبيعي ومبيروحش؟ ولا محتاج اعمله حاجه... هو مزعج شويه خصوصا لو ماشي في الزحمه

وشكرا وكل سنه وانتم طيبين

[saddam]

صديقي المواطن
لما رحت صيانة اﻷلف محدش شافه ﻷن أنا مش عارف طبيعة الصوت ممكن يكون صوت نشوفية سير أو بلية شداد أو بلية كباس أو بلية رملة وبالتوفيق ودمتم للنضال

ملحوظة اﻷصوات دي مينفعش يتشخص عطلها بالوصف لازم نسمعها.أو نشوفها

[Arch Mohamed S]

لو صوت بيروح و يجي يبقا صوت الكومبريسور هو عالي عندنا شوية عادي

[bondok20002002]

حاول تشغل التكييف وتفتح الكبوت وتقف قدامه حتلاقى ده صوت المروحة شوية تشتغل وشوية تفصل لو هو ده يبقى طبيعى جداً لو مش هو حاول تدور على الصوت

[tutankhamoun]

طبعا الأخوة الافاضل قبلي ردوا على حضرتك .... انا حاسس انه صوت الكباس .والكباس في الجين 2 صوته عالي شوية .

ملحوظة على الماشي :

الكباس في عربيات بروتون من ماركة سندن اليابانية و هي شركة عالمية و يتم تركيب الكباسات الخاصة بها في ماركات عالمية كثيرة و لكن أغلب الشركات اليابانية بتستعين بها .
الكباس سندن اللي راكب في الجين 2 و البروتون عموما هو صناعة ماليزية من مصنع سندن في ماليزيا .

[D . a .\ AYMAN]

حاول تشغل التكييف وتفتح الكبوت وتقف قدامه حتلاقى ده صوت المروحة شوية تشتغل وشوية تفصل لو هو ده يبقى طبيعى جداً لو مش هو حاول تدور على الصوت

هو فعلا بيكون غالبا صوت المروحة ركز معاها كدة وانت فاتح الكبوت .. هي المروحة مشكلة صوتها معروفة

[GBadr]

ش
متشكر جدا على الردود
انا كنت مسافر فمعرفتش اجرب بس لسه مجرب النهارده ولفيت فعلا انها المروحه التانيه بس صوتها مزعج جدا
حد جرب حاجه تخلي صوتها ارحم من كده

وكل عام وانتم بخير