قدر الله وما شاء فعل -عملتها البروتون فى العيد

[m.aligamal]

لسه حالا واصل البيت بعد رحله عزاب
البدايه العربيه قطعت وبطلت منى مرتين طبعا خفت تكون سير الكاتينه بعد ما قطعت المره الاولى و الحمد لله مطلعتش من السير
دارت ومشت تقريبا 3 كيلو وقطعت تانى
العربيه بعد كده بطلت وادور فيها حالفه مش تدور وقف سواق تاكسى وقد يجرب وقلى الرداخ بايظ طبعا بعد ما فك الكنبه الى ورا ومفيش اى صوت للرداخ الى فى التنك يخبط عليه مش برده يشتغل
قلى عيب رداخ -البنزين مش واصل للمكنه عشان كده مش بتدور
جريت العربيه وركنتها امام البيت -
بس فى صوت بسمعه تحت الكبوت من ورا البطاريه زى وره كده او مفتح الكونتاك
دلوقتى يا ترى الواجا 2006 الرداخ بتاعها يعمل كام وبيركبلها اى حاجه تانيه ولا لازم رداخ بروتون
وهل فعلا العيب بعد الى قلته ده رداخ ولا حاجه تانيه
العربيه كانها هتقوم خلاص لكن مش بتشتغل ------------
كل سنه و انتم طيبين -الان انا فى دمياط الجديده -هل الاقى قطع غيار هناك

[m.aligamal]

هوا الرداخ ده يختلف عن طرمبه البنزين

[draboeyad]

ممكن تسال في اوتو هاشم بالمنصوره صاحبها اسمه استاذ ماجد متخصص بروتون
01002898992

[elmkaneeki]

هو يقصد الطلمبة

[m.aligamal]

شكرا ياباشا على ردك وانا هكلم فعلا ماجد -بس انا عايز اتاكد الاول ان الطلمبه بايظه قلت ادور على الفيوز بتاعها مش عارف اوصله يا ترى هوا فين -وكمان اجيب نوعيه ايه لو فعلا طلمبه

[i_Am_Legend]

طرمبة

[فبريكا]

حمدلله على السلامة ويوم تشيلها ويوم تشيلك

كل سنه وانت طيب

[m.aligamal]

الان نزلت ادور العربيه دارت من اول مره -بعد ما ربطت كابل البطاريه بناء على نصيحه احد الزملاء الا ان العربيه دارت وبدت تقطع فى المشى و تتوقف ولازم اكون ساند العربيه بدوسه بنزين عشان الار بى ام بينزل على طول وسحب العربيه وحش -طبعا لما شلت الكنبه وشفت طلمبه البنزين لقيتها بتزن وشغاله -
ملحوظه كل ما تم كان بعد تفويل السياره ب50 لتر بنزين 92 -وحاسس العربيه لما تيجى تبطل اسندها بدوسه بنزين قويه الاقى العربيه بتسك وتكركر زى متكون فيها بنزين 80
مش عارف المشكله فيها ايه

[المنسي]

ممكن يكون البنزين مغشوش بدليل انها دارت معاك تانى انما لو طلمبة البنزين ودعت اظن انها مش هتدور من اساسه

[m.aligamal]

اعمل ايه دلوقتى فى البنزين الى فى العربيه

[aftr]

زود اكوتان بوستر وان شاء الله كله هكون تمام ومش اقل من 40 لتر بنزين

[m.aligamal]

دلوقتى انا نزلت للكهربائى الان وقلى بنزين مغشوش وقلى خلص التفويله و هتغير الرداخ -موتور الطرمبه عشان الميه اكيد اثرت عليه وقلى هنضف الرشاشات وخلاص على كده سالته امشى بيها قلى عادى وقلى الطرمبه بتاع الجين 2 غير الواجا وقلى الطرمبه دى زى الانسر كريستاله العربيه دلوقتى سحبها اتحسن شويه ومبقتش باسندها بدوسه بنزين عشان متبطلش هوا الار بى ام زاد بس مش زى الاول فى رعشه و هزه فى الدركسيون بس مش بتبطل
عامه هجرب ونشوف

[m.aligamal]

بعد عناء و عطله على الطريق الدولى تم تغير رداخ طلمبه البنزين والحمد لله الامور عادت الى مجراها