موتور الواجا ولع وانا على طريق برج العرب

[anos_waja]

السلام عليكم
وانا راج من مطار برج العرب قبل العيد ب5 ايام كنت بجيب الحج والحجه من المطار وفجاه لقيت العربيه مش عايزة تزود عن 90 وبدات تقل لحد لما لقيت صوت حديد في حديد فضلت مكمل مرضتش اقف عشان بليل والطريق ده كلو تثبيت لحد لما لقيت صوت فرقعه ودخان فضيع من الموتور ووقفت فتحت الكبوت ومش شايف الموتور من كتر الدخان ولقيت زيت طالع من غطا الموتور وجبت كساحه وروحت ومفضيتش اصلحها عشان كان فرحي بعدها باسبوع ودلوقتي كلمت المكنيكي وقالي الموتور راح في داهيه وعايزيين موتور اجيب منين وسعرو كام واعمل ايه

[husseinthemaster]

انا اعرف ان موتور الواجا هو اللانسر البومة

[د.هشام]

هو فيه كدة؟ لله يطمنك

[eng.m7md.ali]

قدر الله ماشاء فعل

طيب هل الميكانيكي عرف السبب ايه؟ الموتور قفش عشان الزيت؟

انصحك بال 1600 كامبرو هو نفس القواعد وكمان سعره حنين بالنسبة للمايفك بما انك داخل على جواز

[tutankhamoun]

واضح من الوصف هو الزيت السبب ........ انت غلطان انك ما وقفتش أول ما سمعت تخبيط الحديد بس اللي حصل حصل و الحمد لله و قدر الله و ما شاء فعل .

بُص بقى أنت قدامك خيارات كتيرة و زي ما فيليكس باشا أقترح ... هات موتور كامبروا بتاع الجين 2 و الواجا من أول 2009 .

و لو لقيت موتور أي أف أم يبقى تمسك فيه و تجيبه أحسن من الكامبروا القديم في السحب على سرعات قليلة .

التكلفة كام ... مش عارف ... و أعتقد أنك هاتحتاج تجيب معاه كمبيوتر الجين 2 اللي هو ecu
لأن موتور الواجا القديم مختلف عن موتور الكامبروا
الأول ميتسوبيشي
الأرخص بقى أنك تركب موتور ميتسوبيشي زي اللي عندك و خلاص .

ربنا يكون في عونك ......... بس انت لازم تخلي الميكانيكي يقولك على تفاصيل أكتر و إذا كان فيه امكانية التصليح .

[DESIGNER105]

كده المكنة قفشت عشان الزيت كان المفروض تقف فورا ...بس هو نصيبك بقى ...
والموتور لما بيقش بسبب زيت صعب يتصلع مهما تصرف عليها وتعملو فى عمرات عمرو مهيرجع زى الاول ..فالافضل موتور جديد ...ويفضل تجيبنفس الموتور الى راكب فى العربية ..عشان متحتاجش تعدل حاجة فى كنترول العربية والدفيرة ..

فهات الموتوربتعا وركبو وريح دماغك ...الاسعار بقى مش عارف بس انزل الحرفين واسئل عند ملك البروتون حتى لو مش عندو هيقولك تجيبو منين ...

بس بردو مهم تعرف ايه السبب الى الى خلى الزيت يطلع بره الموتور ... وهل لمبة الزيت منورتش وانت ماشى قبل ميحصل اى حاجه ؟؟