تجربتي مع طلمبة البنزين

[eng.m7md.ali]

that moment .. امبارح كان عندي فرح في دار "المدفعجية" في شارع الثورة

خلصت اليوم روحت اركب العربية ادور مش عايزة تدور .. حاولت معاها كتير مفيش فايدة .. قولت يبقى اكيد فلتر البنزين شكله عملها خصوصاً اني مغيرتوش بقالي كتير

قعدت اكارك بنزين لحد ما دارت العربية قولت كدة اتظبطت خلاص

وانا ماشي في طريقي وفي بنزينة وطنية جمب سيتي ستارز دخلت احط بنزين وبغبائي بطلت العربية

طبعا العربية مدارتش تاني بعد ماعملت قرد ونزلت تحت العربية وفكيت فلتر البنزين وقولت اسلكه بالهوا وقد كان .. بس مفيش فايدة لقيت العربية مش عايزة تدور

فكرت في طلمبة البنزين هيا السبب بس لقيتها شغالة وبتعمل زنة .. بصيت على البطارية وسلوك البوجيهات وكل حاجة طبعاً انا كنت لوحدي والوقت كان داخل على حظر ومفيش ميكانيكي في البنزينة قولت اركنها لحد تاني يوم
النهاردة روحت وخدت اساحبي يحيي معايا عشان نشوف ايه الكلام .. في اللحظة دي مبقاش في صوت طلمبة بنزين تحس انها ميتة .. وكمان المارش مبيلفش .. ولما اجي ادور العربية اسمع تكتكة كأن البطارية نايمة !!!!!!

جبت عربية خدت منها وصلة لقيت التكتكة اختفت والمارش شغال عادي يبقى ناقص نشوف الطلمبة

جبت ميكانيكي من المحطة بص عليها قال دي طلمبة فاصلة روحت طيران على شارع دمشق جبت قلب الطلمبة بتاعت كريستالة 99 ب 100 جنيه والاختلاف بسيط بينها وبين الاصلية هتتحل بــ" ترامل " وجبت سلك وعدة وروحت راجع للعربية

طبعاً فك الطلمبة معجزة واللي ساعدني اكتر ان يحيي صاحبي عنده خلفية في الكلام ده .. وقد تم فك الطلمبة بنجاح
نيجي بقى لفك القلب وده المستحيل في حد ذاته .. وبعد محاولات كتير مني ومنه معرفناش نوصل لحل

يحيي اقترح ان بعد الترزيع في الطلمبة والخبط ومحاولة الفك ده انه ياخد وصلة من الطلمبة للبطارية علطول وفعلا تم والمفاجأة ان الطلمبة سليمة

بعد كدة نيجي لعملية التركيب المتعبة جداً واصعب من فكها بس الحمد لله تم التركيب بنجاح نيجي نوصل الفيشة بتاعت الكهربة مش شغالة .. طب ايه يا عم يحيي هنعمل ايه قالك ناخد وصلة تاني نجرب هتشتغل ولالا خصوصاً ان مستحيل افك الطلمبة تاني بعد التركيب

وبعد ماخدت الوصلة لقيتها اشتغلت والبنزين نازل من مكان الخرطوم

نيجي بقى للحاجة الغريبة جداً وهيا دي لب الموضوع .. طلع في اخر اليوم ده ان العيب من "الارضي" بتاع الطلمبة .. وتم حل المشكلة اني خدت حتة سلك من الفيشة بتاعت الطلمبة وتم توصيلها بمسمار تثبيت الحزام في الكنبة

نيجي بقى للسؤال الصعب .. ايه اللي يخلي الارضي يفصل ؟ وازاي ؟ واشمعنا ؟

معلش انا طولت بس قولت احكي كل حاجة بالتفصيل عشان لو حد لاقدر الله وقع في المشكلة دي

[mohamed ragab]

للاسف يا باشا سلك الارضي والكهربا بتوع الطرمبه بيكونوا ماشيين من تحت العربيه وعوامل الجو والتراب بيبوظ السلك انا مريت بنفس التجربه من 4 شهور بس انا جربت وصله من البطاريه الاول قبل ما افك بس الحمد لله وصلت لنفس الحل الي حضرتك وصلتله مسمار تثبيت الكنبه بس نصيحه روح للكهربائي يعملك وصله كهربا خارجيه علشان السلك لما بيبوظ بيبوظ ورا بعض علي طول والكهربا ملهاش حل العربيه بتقف مش بتتحرك انا ابتدي معايا الموضوع بسلك الكهربا وبعدين سلك الارضي بعديه علطول

[أحمد جودة]

الف شكر على نقل التجربة

أنا عربيتي غير عربيتك أنا عندي الطلمبة فى الحوض عند الموتور

واللى فهمتة من حضرتك الارضي فصل من داخل الطلمبة نفسها ودة وراد بس الله ينور عليك قدرت تتصرف وتحل المشكلة

تمنياتي بالتوفيق

[DESIGNER105]

شكرا على نقل التجربة ...وفعلا فك الطربمة ده من اصعب الحجات ..كان ليا تجربة مره مع مكانيكى المفرود انو بيفهم معرفش يطلعها من التنك نهائيا ......

[eng.m7md.ali]

للاسف يا باشا سلك الارضي والكهربا بتوع الطرمبه بيكونوا ماشيين من تحت العربيه وعوامل الجو والتراب بيبوظ السلك انا مريت بنفس التجربه من 4 شهور بس انا جربت وصله من البطاريه الاول قبل ما افك بس الحمد لله وصلت لنفس الحل الي حضرتك وصلتله مسمار تثبيت الكنبه بس نصيحه روح للكهربائي يعملك وصله كهربا خارجيه علشان السلك لما بيبوظ بيبوظ ورا بعض علي طول والكهربا ملهاش حل العربيه بتقف مش بتتحرك انا ابتدي معايا الموضوع بسلك الكهربا وبعدين سلك الارضي بعديه علطول

ربنا يسترها .. العربية بقالها 4 سنين يعني مفيش زمن عدى عليها ولا حاجة زي العربيات القديمة .. بس اللي كنت قلقان منه ان لو سلك الارضي فصل يبقى العربية تبطل لوحدها وهيا ماشية وده خطر طبعاً عشان كدة ثبته على قد مااقدر وربنا يسترها لحد مااشوف كهربائي يتصرف فيها ويكون بيفهم

الف شكر على نقل التجربة

أنا عربيتي غير عربيتك أنا عندي الطلمبة فى الحوض عند الموتور

واللى فهمتة من حضرتك الارضي فصل من داخل الطلمبة نفسها ودة وراد بس الله ينور عليك قدرت تتصرف وتحل المشكلة

تمنياتي بالتوفيق

تحت امرك

الطلمبة اللي في الحوض امرها بيبقى سهل عن النظام اللي عندي

انا جسمي مكسر لان طول الوقت كنت مقرفص على الكنبة اللي ورا عشان احاول افكها انا ويحيي صاحبي
وكمان موضوع الارضي ده جيه بالصدفة البحتة جداً لان فيشة الطلمبة فيها 4 اسلاك بالترامل بتاعتهم .. جربت الارضي والكهربة وركبت كل سلك لوحده لحد ماوصلنا لان الارضي هو اللي فاصل مش عارف هل هتكون المشكلة من ناحية علبة الفيوزات مثلا ولا من تحت العربية وده صعب جداً الوصول ليها

شكرا على نقل التجربة ...وفعلا فك الطربمة ده من اصعب الحجات ..كان ليا تجربة مره مع مكانيكى المفرود انو بيفهم معرفش يطلعها من التنك نهائيا ......

الله يخليك

انا بقيت خبرة لو حابب افكهالك انا معنديش مانع

[D . a .\ AYMAN]

ما شاء الله شغل عالي

بس كان لازم تجرب الأول توصل توصيل خارجي قبل ما تفك .. عموما الحمد لله

مش فاهم إزاي العربية عمرها اربع سنين وبتعمل كل الحركات النص كم دي

[eng.m7md.ali]

ما شاء الله شغل عالي

بس كان لازم تجرب الأول توصل توصيل خارجي قبل ما تفك .. عموما الحمد لله

مش فاهم إزاي العربية عمرها اربع سنين وبتعمل كل الحركات النص كم دي

الله يخليك يا دكتور

الموضوع ده مجاش في بالي خالص .. مجاش في بالي ان المشكلة تبقى تافهة كدة من سلك الارضي الا لما جربنا نوصل كل سلك لوحده من ال4 سلوك اللي موجودين في فيشة الطلمبة وركزت على الكهربة والارضي لقيت ان الارضي فاصل بعد ماوصلت الكهربة وخدت ارضي لوحده .. على العكس لما توصل الارضي بتاع الطلمبة مع وصلة من البطارية هتلاقي نفسك معملتش حاجة

[S O P H O S]

الحمد الله ان الموضوع اتحل