صوت الموتور

[soteer10]

مساء الفل

انا عندي صوت غريب في الموتور
الصوت ده مش دايما بس بسمعه غالبا لما اكون ماشي علي الهادي واحاول ادي بنزين
بيسموها (تكرك)

المهم الصوت ده صوت حاد شويه مش نفس الصوت بتاع الموتور وبيروح و يجي

الناس قالت ااكتر من سبب

1- قالولي بنزين وده اسمه تسقيف
2- قالولي بسبب الزيت (اول مره احط موبيل )
3- قالولي كهربا وان ممكن بوجيهيات


سوال تاني
ال abs
مبقاش يشتغل الا لما اضغط جامد اوي ده ممكن ان التيل عايز يتغير
ولا ايه

[eng.m7md.ali]

اول حاجة لو العربية فيها تسقيف اول ما بتدوس بنزين يبقى البنزين وحش .. حاول تنضف رشاشات

وال abs مبيشتغلش غير لما تكون دايس جامد

[Silent~Dream]

الكركره او التسقيف ده من البنزين طبعا و نظف دوره البنزين و غير فلتر البنزين و ال abs اكيد مش هيشتغل غير دوسه مفاجئه و جامده غير كده مدام الكاوتش مقفلش هيشتغل ليه ؟

[ahmed_h_g]

التكه بتظهر مره واحده وبتختفي ولا بتفضل تتكرر طول ما العربية ماشيه ؟

[soteer10]

الكركره ظهرت بعد الاتي عشان الناس تبقي عارفه كل حاجه

انا كنت رابح الغردقه من شهر
وكنت عند ناس قرايبي في القاهره فنزلت اغير زيت و فلتر و ازود المياه الخضرا والحاجات دي يعني

انا متعود علي توتال بس للاسف ملقتش غير موبيل وحطيته مضطر للاسف :(

وزودت مية وحاجات من دي

تاني يوم وصلت الغردقه والدنيا تمام بالليل نزلت مشوار لقيت العربيه وقفت مره واحده و جابت 120 ولقيت الرادياتير فاضي

ربنا ستر الحمد لله والموضوع عدي علي خير

بس من ساعتها وانا شاكك في العربيه تقدروا تقولوا بتلككلها

بعد كده كمان حطيت بنزبن خربان لدرجه ان الدواره بقت بتطول اوي

ومن ساعتها وانا سامع الصوت الغريب ده

ناس قالولي انه بسبب الزيت وان الدوره مش نضيفه
وناس تانيه قالت بنزين وناس تانيه قالت بسبب الزيت

المهم

الصزت بيجي غالبا والعربيه لسة بارده وبيقل بعد كده لكن مبيروحش

وبيظهر مع الدوس المفاجي اكتر

[soteer10]

علي الفيس بوك
في ناس قالت ان السبب ممكن يكون بسبب نوع فلتر الزيت
ان انا جايب بتاع ميتسوبيشي مش الاصلي بتاع التوكيل

[DESIGNER105]

شوف... انت عندك اكتر من احتمال ...الاول انو بنزين وده هيبان بعد تفوليه او اتنين ويفضل تغير الفلتر ...وممكن بردو من الزيت ...زيت موبل غير مناسب لبروتون اطلاقاً ..جربتو مره وغيرتو قبل معادو بكتير ..حط توتال ال5 او ال10 ...

الصوت ده صوت كهربة زيادة فى الموتور ...والعربية دى موبينه على اسلاك علطول مفهاش اسبراتير وابلاتين والكلام ده ..يعنى مفهاش زبط كهربة ...فى احتمال يكن فى سلك ضارب والعربية متلته ...اكشف على السلوك ...والبوجيهات طبعا

.....بس انت بتقول العربية سخنت ...السخنية دى مع زيت موبيل الى غالبا كان مضروب حاجه غير مبشرة ...لو معندكش اعراض وش السلندر المعروفه ..اعمل كشف كبس موتور ...شوف كبس المكنة جايب كام ...لو مهربة كبس يبقى وش السلندر وومكن بردو وش السلندر يعمل الصوت ده بس نادرا وحصلت معايا نادرا دى :)) ...بس متقلقش الوش بيتعمل عادى .... بس انشاء الله تطلع حاجه بسيطة غير الوش .....