لمبات اوسرام نايت بريكر بلس اتش 4

[MOSTAFA.EID]

الاضاءه عندي تكاد تكون معدومه في الويرا روحت للحاج مصطفي محل المدينه لقيت عنده ماركه
لمبات اوسرام نايت بريكر بلس اتش 4 لكن هي سعرها غالي شويه 135 بس انا خايف اشتريها ولن اجد اي تغير في مستوي الاضاءه ....هو بلغني اني مش محتاج اركب الكتاوت بتاع الفوانيس .. رجاء الافاده

[mazagngi2010]

كنت مركبها فى المازدا وللاسف محسيتش بالفرق الواو اللى بيتقال عنه

[MOSTAFA.EID]

كنت مركبها فى المازدا وللاسف محسيتش بالفرق الواو اللى بيتقال عنه

وكان سعرها كام ؟؟

[hossamalsadik]

http://www.nilemotors.net/Nile/192803-140-100-w-2.html

[Silent~Dream]

يا تشوف الفوانيس عندك حالتها تعبانه ولا عادى و ركب كتاوت لو مش موجود و هات لمبات اعلى من الفبريكه حسب ما الكهربائى يقولك

[mazagngi2010]

كانت ب 120 من سنه ونص

[Ahmed Amin]

بصراحة الكتاوت أنا مستحرم أركبه, وبدور علي لمبة خارجها أعلي برضه من غير كتاوت او بفكر أركب زينون,
عشان بالكتاوت أنت بتعمي اللي جاي في وشك, وأنا بعاني من دا لما بسوق بليل علي طريق مقابل رايح جاي,,
ومستحرم أركبة عشان معميش ناس تانية أنا كمان وانا ماشي وأبقي عملت زي الناس اللي شايفهم ماشين غلط.

[MOSTAFA.EID]

بصراحة الكتاوت أنا مستحرم أركبه, وبدور علي لمبة خارجها أعلي برضه من غير كتاوت او بفكر أركب زينون,
عشان بالكتاوت أنت بتعمي اللي جاي في وشك, وأنا بعاني من دا لما بسوق بليل علي طريق مقابل رايح جاي,,
ومستحرم أركبة عشان معميش ناس تانية أنا كمان وانا ماشي وأبقي عملت زي الناس اللي شايفهم ماشين غلط.

طيب حضرتك رايك ايه انزل النهارده اركبهم ولا مش هحس بفرق انا دخل علي الويب سايت بتاع اورسم وعرفت انها بتدي 90% اضاءه اقوي

[eng.m7md.ali]

بصراحة الكتاوت أنا مستحرم أركبه, وبدور علي لمبة خارجها أعلي برضه من غير كتاوت او بفكر أركب زينون,
عشان بالكتاوت أنت بتعمي اللي جاي في وشك, وأنا بعاني من دا لما بسوق بليل علي طريق مقابل رايح جاي,,
ومستحرم أركبة عشان معميش ناس تانية أنا كمان وانا ماشي وأبقي عملت زي الناس اللي شايفهم ماشين غلط.

يعني حضرتك تعرض حياتك للخطر ومتبقاش شايف قدامك وكاشف الطريق عشان اللي قدامك بيتدايق؟

ياسيدي يتدايق ولا يتنيل على عينه يبقى ينضف الازاز بتاعه .. ماهو اغلب اللي بيتدايق من النور بتوع الميكروباظات والتاكسي القديم

وبعدين الكتاوت مهمة عشان لو مركب لمبة اكبر في القوة عن الاصلية بتاعت العربية عشان متحرقش دراع النور

[Ahmed Amin]

طيب حضرتك رايك ايه انزل النهارده اركبهم ولا مش هحس بفرق انا دخل علي الويب سايت بتاع اورسم وعرفت انها بتدي 90% اضاءه اقوي

كلام المواقع متاخدش بيه,, ممكن تقرأ الموضوع دا

http://www.nilemotors.net/Nile/299856-a.html

أنت لو هتجيب لمبة الوات بتاعها عادي زي اللي عندك في رينج 55 وات هتبقي أحسن من اللي عندك عشان أضائتهم ضعفت,,
لو جبت لمبة أعلي زي الي 110 ووات هتحتاج تركب كتاوت عشان متحرقلكش الدراع وعشان تطلع أضائتها بس أعمل حسابك في الدعوات اللي هتاخدها وانت ماشي طول الطريق لحد ما تروح من الناس اللي هتعميها وممكن تعمل حوادث بسببك او تلبس في الحفر والمطبات اللي علي الطريق بسبب العمي المؤقت اللي بتعمله اللمبات العالية دي للي جاي في وشك في الووات واللي هيا مش قانونية كمان علي الطريق لأن أخر معدل قانوني للمبات علي الطريق عشان متعميش اللي جاي في وشك هوا 55 ووات للمبة الواحدة,,

أحسن حل ليك لمبات 55وات زي بتاعت العربية جديدة والمتصممة عليها, لأنك كنت بتشوف قبل كدا بيها صح ؟
الحل التاني الفانوس يتصنفر صنفرة خفيفة عند بتاع فوانيس عشان لو كان مدي علي أصفر شوية وبرضه هتغير اللمبات معاه لأن اللي عندك بقت ضعيفة وليها عمر افتراضي بعدد ساعات التشغيل,
الحل التالت تركيب زينون ويكون مظبوط علي الأرض كويس لأن دا الحل العملي لأنه بيكشف الطريق كويس عن اللمبات الهالوجين العادية.

الحل الرابع ودا اللي نصحتك بيه في الأول,, شوف اللمبات دي وعلي فكرة دول لمبات الوات بتاعهم عادي وأضائتهم أحسن من اللمبات اللي كانت بالوات الأعلي,

http://www.nilemotors.net/Nile/173785-philips-xtreem-power.html

بالتوفيق.

[Ahmed Amin]

يعني حضرتك تعرض حياتك للخطر ومتبقاش شايف قدامك وكاشف الطريق عشان اللي قدامك بيتدايق؟

ياسيدي يتدايق ولا يتنيل على عينه يبقى ينضف الازاز بتاعه .. ماهو اغلب اللي بيتدايق من النور بتوع الميكروباظات والتاكسي القديم

وبعدين الكتاوت مهمة عشان لو مركب لمبة اكبر في القوة عن الاصلية بتاعت العربية عشان متحرقش دراع النور

فعلاً الكتاوت مهم لو مركب لمبة أعلي في القوة عن الأصلية,

بس أنت لو ربنا بيسترها معاك علي الطريق وبتروح سيلم أنت والعربية لما حد بيعميك بلمبة عالية,, ولو ناوي تشيل ذنب واحد هتعميه بلمبة واتها أعلي دي حاجة ترجع لك.
المشكلة مش في تنضيف الأزاز زي مانت عارف,, المشكلة في الفوانيس لما بتكون صفراء او اللمبات ضعيفة,,

والموضوع مفهوش تعريض حياة للخطر ولا كدا,, الدنيا مش قفش,
مش عشان واحد أذاني أو أذاك بتاع ميكروباص ولا تاكس, وأنا أضايقت من اللي عمله,
أروح أنا كمان وأكمل وأعمل زية وأأذي باقي الناس اللي ماشية في حالها علي الطريق,
بنفس الطريقة اللي أنت أتأذيت بيها قبل كدا,

فكر تاني فيها كدا وفي الناس اللي ملهاش زنب اللي أنت هتعميها, وفي الأخر دي أراء,
وفيه بدايل تانية أحسن كتير عن الكتاوت زي لمبات أصلية جديدة بوات زي بتاع العربية زي دي,

http://www.nilemotors.net/Nile/173785-philips-xtreem-power.html

بالتوفيق.

[eng.m7md.ali]

فعلاً الكتاوت مهم لو مركب لمبة أعلي في القوة عن الأصلية,

بس أنت لو ربنا بيسترها معاك علي الطريق وبتروح سيلم أنت والعربية لما حد بيعميك بلمبة عالية,, ولو ناوي تشيل ذنب واحد هتعميه بلمبة واتها أعلي دي حاجة ترجع لك.
المشكلة مش في تنضيف الأزاز زي مانت عارف,, المشكلة في الفوانيس لما بتكون صفراء او اللمبات ضعيفة,,

والموضوع مفهوش تعريض حياة للخطر ولا كدا,, الدنيا مش قفش,
مش عشان واحد أذاني أو أذاك بتاع ميكروباص ولا تاكس, وأنا أضايقت من اللي عمله,
أروح أنا كمان وأكمل وأعمل زية وأأذي باقي الناس اللي ماشية في حالها علي الطريق,
بنفس الطريقة اللي أنت أتأذيت بيها قبل كدا,

فكر تاني فيها كدا وفي الناس اللي ملهاش زنب اللي أنت هتعميها, وفي الأخر دي أراء,
وفيه بدايل تانية أحسن كتير عن الكتاوت زي لمبات أصلية جديدة بوات زي بتاع العربية زي دي,

http://www.nilemotors.net/nile/173785-philips-xtreem-power.html

بالتوفيق.

ياباشا تجربة شخصية حصلت كتير معايا

انا ماشي بلمبة واحدة بس وعندي عدسات في الفانوس .. لو حد جاي قدامي خصوصاً بتوع الميكروباص والتاكسي بيقعد يقلبلي نور عشان اقفل النور .. واصلاً انا مش شايف باللمبة دي والنور ضعيف عندي .. هما عشان مهملين في ازازهم ونضافة عربياتهم ميقرفونيش انا ياباشا

وبعدين لو عربيتك فيها عدسات مش هيفرق النور مع اللي قدامك بس هما عشان مبيحبوش يمشو بالنور وبيوفرو فاتورة الكهربة عايزين اللي قدامهم زيهم

هيا دي الحكاية

لكن انا شغلت نور عربيتي وبعدت عنها شوية عشان اعرف انه بيدايق ولالا لقيت الدنيا عادية جداً اصلا

وعلى فكرة انا ليا تجربة مع الاوسرام بريكر جبتهم من سنة ب 145 وباظو بعد 4 شهور ومفيش ادنى اختلاف بينهم وبين العاديين

[MOSTAFA.EID]

كلام المواقع متاخدش بيه,, ممكن تقرأ الموضوع دا

http://www.nilemotors.net/nile/299856-a.html

أنت لو هتجيب لمبة الوات بتاعها عادي زي اللي عندك في رينج 55 وات هتبقي أحسن من اللي عندك عشان أضائتهم ضعفت,,
لو جبت لمبة أعلي زي الي 110 ووات هتحتاج تركب كتاوت عشان متحرقلكش الدراع وعشان تطلع أضائتها بس أعمل حسابك في الدعوات اللي هتاخدها وانت ماشي طول الطريق لحد ما تروح من الناس اللي هتعميها وممكن تعمل حوادث بسببك او تلبس في الحفر والمطبات اللي علي الطريق بسبب العمي المؤقت اللي بتعمله اللمبات العالية دي للي جاي في وشك في الووات واللي هيا مش قانونية كمان علي الطريق لأن أخر معدل قانوني للمبات علي الطريق عشان متعميش اللي جاي في وشك هوا 55 ووات للمبة الواحدة,,

أحسن حل ليك لمبات 55وات زي بتاعت العربية جديدة والمتصممة عليها, لأنك كنت بتشوف قبل كدا بيها صح ؟
الحل التاني الفانوس يتصنفر صنفرة خفيفة عند بتاع فوانيس عشان لو كان مدي علي أصفر شوية وبرضه هتغير اللمبات معاه لأن اللي عندك بقت ضعيفة وليها عمر افتراضي بعدد ساعات التشغيل,
الحل التالت تركيب زينون ويكون مظبوط علي الأرض كويس لأن دا الحل العملي لأنه بيكشف الطريق كويس عن اللمبات الهالوجين العادية.

الحل الرابع ودا اللي نصحتك بيه في الأول,, شوف اللمبات دي وعلي فكرة دول لمبات الوات بتاعهم عادي وأضائتهم أحسن من اللمبات اللي كانت بالوات الأعلي,

http://www.nilemotors.net/nile/173785-philips-xtreem-power.html

بالتوفيق.

بجد انا مش عارف اشكر حضرتك ازاي علي المعلومات القيمه ديه كتر الف خيرك انا بفكر اشتري تنجسرام واركب كتاوت وخلاص لان بصراحه امكانياتي ماتسمحش اشتري الفيلبس ب 230 ج

[Ahmed Amin]

ياباشا تجربة شخصية حصلت كتير معايا

انا ماشي بلمبة واحدة بس وعندي عدسات في الفانوس .. لو حد جاي قدامي خصوصاً بتوع الميكروباص والتاكسي بيقعد يقلبلي نور عشان اقفل النور .. واصلاً انا مش شايف باللمبة دي والنور ضعيف عندي .. هما عشان مهملين في ازازهم ونضافة عربياتهم ميقرفونيش انا ياباشا

وبعدين لو عربيتك فيها عدسات مش هيفرق النور مع اللي قدامك بس هما عشان مبيحبوش يمشو بالنور وبيوفرو فاتورة الكهربة عايزين اللي قدامهم زيهم

هيا دي الحكاية

لكن انا شغلت نور عربيتي وبعدت عنها شوية عشان اعرف انه بيدايق ولالا لقيت الدنيا عادية جداً اصلا

وعلى فكرة انا ليا تجربة مع الاوسرام بريكر جبتهم من سنة ب 145 وباظو بعد 4 شهور ومفيش ادنى اختلاف بينهم وبين العاديين

علي فكرة أنا زيك بالظبط,, ماشي بلمبة واحدة بس وعندي عدسات في الفانوس.
سبحان الله
بس طبعاً أنا باللمبة القديمة الأصلية, فامش شايف أي حاجة, ومش مركب كتاوت طبعاً.

والغريب إنك بتقول الناس بتقلب لك نور عشان تطفيه, وأنت مش شايف بيه.!
شوف كدا ممكن يكون مستوي اللمبة عالي عن الأرض, خلي حد يرجلشه عشوف تشوف كويس لو كان مش مظبوط,,

وأنا قريت موضوعك عن تجربت الأوزرام, وكنت حاطط اللنك في الرد اللي فات لو كنت أخدت بالك,

http://www.nilemotors.net/Nile/388276-4.html#post3875275420

وأنا ناوي إن شاء الله أجرب الفيليبس في غيار اللمبات المرة دي وأشوف أيه الأداء.

[Ahmed Amin]

بجد انا مش عارف اشكر حضرتك ازاي علي المعلومات القيمه ديه كتر الف خيرك انا بفكر اشتري تنجسرام واركب كتاوت وخلاص لان بصراحه امكانياتي ماتسمحش اشتري الفيلبس ب 230 ج

الشكر لله,
شوف اللي يناسبك ويناسب أمكانياتك وأعمله, ولو هتركب كتاوت ولاقيت المبة هترمي عالي لفوق,
رجلش الفانوس ومستوي الأضاءة لتحت شوية عشان تنور لك وتكشف الطريق أحسن ومتأذيش اللي جاي مقابل في وشك.

بالتوفيق.