خبطه في التوكيل

[Carrira911]

ازيكم جميعا" يا جماعه , كنت عايز رايكم في حاجه

انا كنت بصلح عربيتي في مركز معتمد للتوكيل , وهي في الصيانه نزل الفني منها وساب الباب مفتوح وقام فني تاني راكب عربيه داخل في الباب للاسف :(

هما محترمين جدا" واتأسفولي وقالولي هنصلح العربيه علي حسابنا

انا عايز رايكم هل ده كافي ولا المفروض اعمل حاجه تاني؟!!

شكوه او اطلب تعويض ايه رايكم

[MOSTAFA.EID]

ربنا يعوض عليك وبعدين من افسد شي عليه باصلاحه ٫٫ انا شايف انه كافي انه يصلحها ويرجعها زي الاول

[Silent~Dream]

مدام اتاسفوا و قالوا هيصلحوها خلاص لو متصلحتش زى الاول حضرتك ساعتها تعترض طبعا

[mem]

طالما هيصلحوها خلاص
وطالما ناس كويسه واعتذروا يبقى بلاش شكوى

[hossamalsadik]

زى مقال الأستاذ mem

[saddam]

صديقي المواطن
قولا واحدا
المبالغة في طلب الحق ظلم

وإنت مجرد سؤالك ده فده يدل إن عندك شيطان في داخلك لازم تحرص منه الناس إعتذروا وحيصلحوها فأين سماحتك أنت أنا لو منك بعد ميصلحوها طقم قمصان من أبو 30 جنيه لكل العاملين في المركز وتطيب خاطرهم بكلمتين عشان أي نعم أخطأوا ولكن أحيانا ممكن يخصموا من الموظف فإنت سيبهم يصلحوها والسلام وقول لهم كلمة تطييب خواطر إنك لو مرتاح ماديا كنت ساعدت معاكم حيشيلوهالك بجميلة الكلمة الطيبة صدقة

خليك سمح فاﻹسلام دين السماحة

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[eng.m7md.ali]

والله علي حسب المكان

يعني لو اتخبطت في التوكيل نفسه في ابو رواش هطلب تعويض واشتكيهم في حماية المستهلك كمان .. علي اعتبار ان العربية لسة فابريكا وهتفقد جزء من سعرها ساعت البيع

اما لو عند عصام صفا يبقي قدر الله وماشاء فعل .. انا مسامح :)