إعـــــــلان

Collapse

.

,
See more
See less

تجربة شخصية لقيادة الواجا الأوتوماتيك

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    تجربة شخصية لقيادة الواجا الأوتوماتيك

    الواجا


    المواصفات
    موديل ‏2007‏‏
    1600 أوتوماتيك
    تكييف – سنتر لوك – زجاج كهربائي – مرايات كهربائية – سينسور خلفي – ضوء ضبابي

    القيادة
    استمر ثبات واتزان العربية فترة طويلة جدا .. مع أحساس الواحد برفاهيتها وسهولة الحركة والانسيابية بين العربيات .. وخصوصا داخل المدن والإشارات يمكن بحكم أنها أوتوماتيك ..
    لكن سقتها علي طريق كفر الشيخ الفردى .. وده طريق مشكلة علشان اتجاهين .. فيبان ثبات العربية قوى خصوصا وأنت بتسوق وسط عربيات ميكروباس .. حافضين الطريق .. وبيجروا بسرعة جدا .. و ياويلك وأنت بتجرى منهم بالليل كمان بالذات .. بس حسيت والحمد لله في الأختبار العنيف ده بمدى ثبات العربية .. ودى تتحسب لها ..

    الاضاءة ..

    أَضاءة الضباب مدهشة جدا .. خصوصا في الطرق الضلمة لأنها ممكن تظهر المطبات ووعورة الطريق .. لكن باقي الأضواء بتاعتها مش بالقوة إللي تغلس بيها علي السواقين الثانية علشان تخليهم يطفوا العالي بتاعهم .. وأظن أنها أكيد مش أضاءة زنيون .. ( والله أعلم ) ..

    السرعة
    عادية جدا في السرعات المتوسطة ورائعة في وسط البلد في الهجمة بتاعتها .. يعني من الثبات ..
    لكن في السرعات العالية .. مشكلة جدا و بتاخد وقت في النقل من 110 إلي 130 .. ثم من 130 إلي 150 ثم من 150 إلي 170 لأني ما عرفتش أعدى أكتر من كده ..
    ومعني مشكلة إني بأحس بمجهود علشان أغير السرعات إللي أنا قلتها دى ..
    بس أول ما با أعدي السرعة .. بيبقي سهل قوى أني أطلع عليها تاني بسرعة .. ( جايز علشان الآوتوماتيك ) .. وبعدين أول ما RPM ما يعدى 4 بيبقي سهل أتحرك في السرعة العالية .. وقدرت أمشي فترة طويلة ( نص ساعة تقريبا ) علي 150 قبل ما أنزل السرعة وبعدين أرجع علي 150 ..

    الفرامل
    بتصفر صفارة خفيفة قوى أول مرة في الضغط عليها خصوصا لما أنزل من سرعة عالية .. وبعد كده ما بيحصلش حاجه ..

    العفشة
    بأحس أن العربية تقيلة .. وبأسمع تزييق خفيف لما بتتحرك من الثبات لأول مرة ...

    التكييف
    طبعا أنا عارف أنه لا يتم تقييمه في الشمس .. بس هو تكييف لطيف وغير مزعج ومش عالي .. يعني ما بتبقاش العربية ثلاجه زى ما بيقولوا .. وفي الشمس بأرفع المروحه إلي 3 لأن الغالب بتاعي أن التكييف بيبقي علي 2 .. مش أكتر من كده .. بس لو طلعت بره العربية خصوصا اليومين دول بأحس جدا بفرق التكييف ..

    الزوايا
    كانت فيها مشكلة أنها عايزه ضبط زوايا .. ودى حاجة استغربت لها جدا .. لأنها مفروض زيرو .. بس الحمد لله ضبطتها عند درش .. والحمد لله دلوقتي كويسة .. بس بأحس برضه أنها بتعوم سنة في السرعات العالية قوى زى 150 مثلا .. ( وبتعوم يعني بأحس إني لازم أبقي ماسك الدريسكيون ) .. ويمكن المشكلة دى سببها الحدفة لأنها لسه برضه بتحدف معايا يمين .. رغم أني ضبطتها عند درش .. وكانت 100 /100 علي جهاز الكمبيوتر بتاعه .. ودى إللي بيخليني أقول أن الموضوع غالبا تبديل كاوتش .. زى ما أخونا ميمو الحفناوى ما عمل .. وخصوصا أن درش قال أن المفروض يتم تبديل الكاوتش كل 10000 كيلومتر ..

    الكماليات
    طبعا كماليتها تحفه .. السينسور .. رائع فعلا .. وضبط المرايا الجانبية من الداخل .. والكاسيت CD حدث ولا حرج لأنه MP3 وده فارق كتير قوى عن CD العادى علشان عدد الملفات إللي ممكن تحملها علي الأسطوانة الواحدة .. فبدل ما تحط حوالي 16 أغنية مثلا .. ممكن توصل لأكثر من 100 أغنية .. كمان تقدر تحط القرآن كله علي أسطوانه واحدة بدل ما بتقدرش تحط سورة " البقرة " لوحدها علي أسطوانة أوديو .. المهم أن الملفات تبقي بأمتداد MP3 وتتحط علي الأسطوانة مباشرة .
    برضه جهاز الإنذار ممتاز .. والسنتر لوك .. وموضوع غلق السيارة الأوماتيكي علشان لو سبتها لفترة طويلة وهي مفتوحة ..
    وطبعا ما فيهاش مكنة رفع زجاج .. ( وده ممكن ينضاف في حدود 200 جنيه تقريبا والله أعلم لأني نسيت ) ..
    وحجم الشنطة أكثر من رائع .. والأستبن مميز .. حتي الدواسات بتاعتها ..

    الفوانيس
    بصراحة مش حأتكلم عن الشكل .. لكن حأتكلم عن المتانة بفضل الله .. وأنا في أسكندرية .. وواقف في إِشارة وأسمع خبطة جامدة في العربية من ورا .. قلت بس راحت المركب ستميت حتة .. نزلت لقيت عربية تاكسي أسكندراني كانت عماله تنتش مع السواق وهي في إشارة مطلع .. فما قدرش يتحكم فيها راح خابط في العربية بتاعتي .. المهم بأبص لقيت قد إيه ربنا لطف .. والخبطة رسيت علي كسر في الفانوس الخلفي يمين لا يتجاوز قطرة 5 سم .. وباقي الفانوس محتفظ بكيانة .. يعني ممكن ألزق عليها ستيكر .. وأقفله علشان التراب .. وما أحتجتش أغيره .. والحمد لله .. وده يثبت أن بلاستيك الفوانيس ممتاز .. ويستحمل جدا ..
    وعلي فكرة أسعار الفوانيس كنا أتكلمنا فيها قبل كده في مواضيع منفصلة عن أسعار فوانيس الواجا .. وهو في التوكيل يعمل 850 جنيه كامل .. وفي الخارج قالولي ( الصديق العزيز / محسن ) .. أن السعر يعمل حوالي 350 جنيه برضه كامل .. وقالو لي برضه أن ممكن ناس تعمل الوش ..

    المتانة ..
    بصراحة أكتر من مرة .. عربية تخبط فيها من ورا .. ( بوسه يعني ) .. زى ما بيقولوا .. ما بتأثرش بفضل الله في العربية .. وبرضه عربيات بتريح من قدام .. أو أنا بأريح عليهم .. والحمد لله ما بيحصلش حاجه .. بعكس أني ريحت مرة بعربيتي القديمة علي عربية لانسر وللآسف الأكصدام بتاعها اتطبق علي خفيف ( والراجل سامحني .. علشان ماحدش يقول حاجه .. ) ..

    البنزين ..
    الاستهلاك يتراوح ما بين 200 و250 في الصفيحة .. تبعا للطريق ..

    الخلاصة ... ( من وجهة نظرى .. )
    المميزات ..
    جميلة .. متينة .. عائلية .. واسعة .. ومريحة .. تحتوى علي كل الكماليات باستثناء Air Bags ونظام ِABS ..
    العيوب ..
    لا تستخدم للجري خصوصا للشباب .. وهي أميل للعائلات ..
    تتطلب ضبط زوايا .. و تعديل الحدفة إن وجدت ..

    المهم .. أتمني أن أكون قد أفدت أحدا بمثل هذه التجربة .. ولكم مني خالص التحية والود ..
    خَالِطُوا النَّاسَ مُخَالَطَةً إِنْ مِتُّمْ مَعَهَا بَكَوْا عَلَيْكُمْ وَ إِنْ عِشْتُمْ حَنُّوا إِلَيْكُمْ [b][/b]
    الكلمات الدلالية (Tags): 1600, 20, 2006, 2007, 40, 50, abs, rpm, أسعار, أوتوماتيك, اتزان, اكسنت, الأوتوماتيك, البنزين, التو, التوكيل, السرعة, الشمس, الشنطة, اللي, الواجا, الي, اوبشن, اوتوماتيك, باسات, بدون, بروتون, بنزين, تجربة, تعديل, تقييم, تكييف, توكيل, ثبات, جولف, جيتا, جين 2, حساس, دى, رائع, ريس, زيرو, سامح, سرعة, سعة, سعر, سكندرية, سيارة, شار, شخصية, شرح, شنطة, شيفروليه, عايز, عربية, عفشة, عليهم, عن, عيوب, فرامل, فرق, فوانيس, في, فيرنا, قوة, كاسيت, كاوتش, كل, كماليات, كورولا, كيا, لانسر, لانوس, لقيادة, متوسطة, مشكلة, مصر, مع, مميزات, من, مواصفات, مواضيع, موديل, مين, نيف, نيو, هل, هي, واجا, وكيل
  • #2
    موضوع جميل و مفيد. يا ريت بس تزودلنا السعر الحالي للعربيه.
    Thanks
    Ahmed Hassan
    [I][SIZE=3][SIZE=2]When all you have is a hammer, everything looks like a nail

    [/SIZE][/SIZE][/I][CENTER][SIGPIC][/SIGPIC][/CENTER]

    Comment

    • #3
      مشكرين يا باشا على شرح التجربة الوافي الكافي الشافي

      ربنا يبارك لك فيها ويستر لك طريقك ان شاء الله
      اللهم أهدنا فيمن هديت

      أخوكم وائل السويفي - أبو جومانة
      [SIGPIC][/SIGPIC]

      Comment

      • #4
        موضوع جميل و مفيد. يا ريت بس تزودلنا السعر الحالي للعربيه

        والله الأسعار أنا أعرف أنها كانت رسميا تعمل 92000 للأوتوماتيك و84500 للمانيوال ..
        بس بالمفاصلة ( ودى أنا عارف أنها مش محتتصدق .. ) وصلت معايا لغاية 89000 جنيه ( الأوتوماتيك ) ..
        وممكن كمان تاخد الموديل 2006 من بعض المعارض .. وينزل معاك أقل من كده كتير .. يعني بفرق 3000 عن 2007
        والفرق الوحيد ما بين الموديلين 2007 و2006 هو الكاسيت و السنة في الرخصة .. وأنا شخصيا فضلت 2007
        وطبعا أسعار المانيوال بتتحرك بنفس المستوى والله تعالي أعلي وأعلم ..
        مع خالص تحياتي وشكرى ..
        خَالِطُوا النَّاسَ مُخَالَطَةً إِنْ مِتُّمْ مَعَهَا بَكَوْا عَلَيْكُمْ وَ إِنْ عِشْتُمْ حَنُّوا إِلَيْكُمْ [b][/b]

        Comment

        • #5
          تسلم ايديك يا أبو العلا باشا.......تم التثبيت لأهميته للأعضاء.

          وفي الخارج قالولي ( الصديق العزيز / محسن )

          صداقتك أعتز بيها يا باشا و يا ريت تعتبرني أخ صغير لك.
          Respectfully Yours,
          Mohsen

          Proud Owner of a Sterling Silver 2010 Kia Cerato EX Automatic, used to drive an A/T Lanos for 8 years, and an A/T Waja for 2 years, all three are wonderful cars, specially the Waja, a true beast on the road.

          Comment

          • #6
            أنا لسه راجع بيها من الغردقة السبت اللي فات و دي ملاحظاتي:

            و أنا رايح متوسط السرعة كان 170-180 و الحمد لله الثبات ممتاز و النقل لمه تعدي من جنبه متحسش انك حتطير زي عربيتي القديمة (لانوس)

            العربية أقصي سرعة بتجيبها 180 ...أنا فاكر أبو عبد الرحمن كان قال انه جاب بيها 205 ...يا ريت يقولنا ازاي؟؟ لأن الموضوع ده غاظني جداً علشان العربية عدادها 240 .

            علي السرعة دي كان معدل الإستهلاك 165 في الصقيحة بدون تكييف.

            و أنا جاي كنت ماشي علي 120-130 بالتكييف و كان معدل الإستهلاك في حدود 200 في الصفيحة.
            Respectfully Yours,
            Mohsen

            Proud Owner of a Sterling Silver 2010 Kia Cerato EX Automatic, used to drive an A/T Lanos for 8 years, and an A/T Waja for 2 years, all three are wonderful cars, specially the Waja, a true beast on the road.

            Comment

            • #7
              يا باشا أنا قلت 205 فى منزل كوبرى السلام و إنت رايح سيناء يعنى على منزل حوالى 30 درجة و كنت قبل المنزل وصلت ل 180 و على المنزل لإبتدت تزيد لحد 205 و ما حسيتش خالص بس أنا أبتديت أفرمل بعد كده على طول و كمان العربية معايا بتوصل ل 150 بسرعة بس ل 180 بصعوبة شوية بس المتوسط 170 و ده فى طريقى من القاهرة لبورسعيد و العكس.
              أبو عبدو
              أبابا - لاجوس
              نيجيريا               :lol: 8) :lol:
              [SIZE="3"]م / هانى أبو عبدالرحمن [/SIZE]
              :satelite:

              Comment

              • #8
                كويس اننا اطمنا عليك يا هاني... كويس ان النت وصلت نيجيريا :)
                Thanks
                Ahmed Hassan
                [I][SIZE=3][SIZE=2]When all you have is a hammer, everything looks like a nail

                [/SIZE][/SIZE][/I][CENTER][SIGPIC][/SIGPIC][/CENTER]

                Comment

                • #9
                  يا باشا مش النت بس العربيات هنا أحدث الموديلات و ببلاش :mrgreen:
                  [SIZE="3"]م / هانى أبو عبدالرحمن [/SIZE]
                  :satelite:

                  Comment

                  • #10
                    طيب يا هاني ما تعملنا كده موضوع كامل عن العربيات في نيجيريا.. و يا ريت قسم عن العربيات المصفحه :|
                    Thanks
                    Ahmed Hassan
                    [I][SIZE=3][SIZE=2]When all you have is a hammer, everything looks like a nail

                    [/SIZE][/SIZE][/I][CENTER][SIGPIC][/SIGPIC][/CENTER]

                    Comment

                    • #11
                      شكرا على الموضوع الجميل دة و مبرووووك التثبيت
                      [CENTER]الحمد لله[/CENTER]
                      [CENTER] [/CENTER]
                      [CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]

                      Comment

                      • #12
                        صداقتك أعتز بيها يا باشا و يا ريت تعتبرني أخ صغير لك.

                        يا محسن باشا .. أنت صغير في السن بس .. لكن والله العظيم كبير قوى في المقام ..

                        شكرا جزيلا علي الكلام اللطيف بتاعك وبتاع جميع الأخوة والأصدقاء الأعضاء قبل المشرفين ..
                        وماشي ياباشا علي التثبيت ( كلاكيت أول مرة ) .. ونتمني الواحد يكتب حاجه تستاهل تاني تتثبت .. .

                        وبعدين إيه ياعم الشقاوة دى 180 .. ده أنا كنت بأحاول أوصل 170 .. وبأقول ربنا يستر ..
                        ربنا يباركلك .. ويسترها معاك ومعانا ومع كل الناس قول أمين ..

                        متوسط السرعة كان 170-180

                        مع خالص شكرى وتقديرى ..
                        خَالِطُوا النَّاسَ مُخَالَطَةً إِنْ مِتُّمْ مَعَهَا بَكَوْا عَلَيْكُمْ وَ إِنْ عِشْتُمْ حَنُّوا إِلَيْكُمْ [b][/b]

                        Comment

                        • #13
                          شكرا جزيلا للأخ الفاضل الأستاذ ابوالعلا والأستاذ محسن الشخصية المحترمة وجميع مالكي الواجا اللي يسعدني جدا اني انضم ليهم بعد نزولي مصر ان شاء الله لأن العربية دي من كتر ما سمعته عنها حبيتها جدا وبدأت اطمئن جدا من ناحيتها والله المستعان.
                          Abou Ahmed سابقا

                          "There are many people around you during summer, but when the rain starts falling, Only the umbrella protects you!!!"

                          Comment

                          • #14
                            شكرا جزيلا للأخ الفاضل الأستاذ ابو ليلة والأستاذ محسن الشخصية المحترمة وجميع مالكي الواجا اللي يسعدني جدا اني انضم ليهم بعد نزولي مصر
                            كلنا اخواتك يا باشا.......و مستنيينك علي خير إن شاء الله.....و لو تسمح لي أنا عدلت اسم الأستاذ أبو العلا في مداخلتك :)
                            Respectfully Yours,
                            Mohsen

                            Proud Owner of a Sterling Silver 2010 Kia Cerato EX Automatic, used to drive an A/T Lanos for 8 years, and an A/T Waja for 2 years, all three are wonderful cars, specially the Waja, a true beast on the road.

                            Comment

                            • #15
                              عدلت اسم الأستاذ أبو العلا في مداخلتك

                              تسلم إيدك ياباشا .. وربنا يبارك فيك ..
                              وهي بفضل الله عربية جميله لفعلا .. مع شكرى وتقديرى للجميع ..
                              خَالِطُوا النَّاسَ مُخَالَطَةً إِنْ مِتُّمْ مَعَهَا بَكَوْا عَلَيْكُمْ وَ إِنْ عِشْتُمْ حَنُّوا إِلَيْكُمْ [b][/b]

                              Comment

                              السابق 1 2 template التالي
                              Working...
                              X