بروتون باعت جين 2 ل ينجمان

[Abo-Baraa]

انا كنت قريت في النت كلام عن أن Proton باعت الGen.2 لشركة اسمها youngman و العربية هيبقى اسمها L5 و ال Gen أخر موديلتها هو 2012 و أخر أنتاج ليها هيكون لحد 2013
وعلشان أتأكد أكتر دخلت موقع Proton ماليزيا لقيت مفيش سيرة لل Gen.2 حتى في الملفات الارشيفية
أنا مش حاطط لينك لان أي حد لو دور على جوجل هيلاقي الكلام ده على طول من غير ما يدوخ

السؤال المهم دلوقتي الناس اللس معاها جين و ضعها هيكون أيه لو الكلام ده صحيح

[Al-Farooq]

ال l5 دي النسخة اللي بتتباع فى الصين بتعديل من الشركة الصينية مع اختلافات فى الشكل - وغالبا فى حظر انها تنزل فى اى مكان بروتون بتنزل فيه عربيتها زي مصر.

ودي تقريبا نفس قصة بروتون الانسبيرا اتعملت بتعاون مع ميسوبيشي بتعديلات من بروتون - بس محظور انها تتسوق خارج ماليزيا او فى الدول اللى فيها لانسر شارك تقريبا .

[Abo-Baraa]

بس ليه الجين مش موجودة على موقع بروتون ماليزيا؟

عموما ياريت كلامك يكون صح لاني كنت ناوي اشتري جين على أول السنه الجاية بس لما قريت الخبر ده اتغميت

[hamada6050]

يعنى من الاخر كده نشتري الجين تو ولا خلاص مستقبلها ضاع فى مصر ؟

[Ahmed_selmy]

افضل حل للتاكد هو الاتصال بالتوكيل بتاعها فى مصر.

[eng.m7md.ali]

يافندم انا معايا واجا واتوقف انتاجها من 2011

بس للاسف قطع غيارها لسة موجودة

متقلقش العربية موجودة وقع غيارها هتفضل موجودة

بالنسبة لموضوع الموقع اعتقد عادي

[تامر.محمد]

عادي ما اللانوس موقوفة في كوريا من 2005 او 2006 , و اللانسر البوما ما بتتصنعش في اليابان من 2008
و اهم عايشين هنا زي القرود

[hamada6050]

عادي ما اللانوس موقوفة في كوريا من 2005 او 2006 , و اللانسر البوما ما بتتصنعش في اليابان من 2008
و اهم عايشين هنا زي القرود

بس خود فى الاعتبار ان انتشار الجين تو مش زى انتشار اللانوس

[تامر.محمد]

بس خود فى الاعتبار ان انتشار الجين تو مش زى انتشار اللانوس

صح بس كده كده الموديل مسيره هايتم تجديده و تنزل جين2 جديدة كليا مثلا
كمثال الميجان اللي انا راكبها اتوقف تصنيعها من 2010 و مش منتشرة بانتشار اللانوس لكن التوكيل لسه بيخدمها و قطع غيارها لسه موجودة
و الامثلة كتير
اللانسر الكريستالة
النوبيرا
الاسترا الشكلين اللي فاتوا و الفيكترا a و b

و هكذا

[monamize4]

عادي ما اللانوس موقوفة في كوريا من 2005 او 2006 , و اللانسر البوما ما بتتصنعش في اليابان من 2008
و اهم عايشين هنا زي القرود

لا يا باشا
اللانسر البومة لحد دلوقتى يابانى 100%

[تامر.محمد]

لا يا باشا
اللانسر البومة لحد دلوقتى يابانى 100%

يجوز انا معلومتي غلط
فعلا ميتسوبيشي بتجمع عربيتين تحت اسم لانسر ؟

عموما هي مجرد مثال في الآخر

ممكن نحط مكانها الافيو اللي نزل مكانها السونيك ,و الاوبترا اللي نزل مكانها الكروز

[monamize4]

يجوز انا معلومتي غلط
فعلا ميتسوبيشي بتجمع عربيتين تحت اسم لانسر ؟

ايوه يا باشا ,, البومة لسه بتنزل ف بلاد زى مصر و الهند
و اكيد الموضوع دا مربح جدا للشركة دا كفاية اللانسر الموجوة ف مصر
لكن اعتقد ان الشركة ممكن توقف انتاج البومة لما الموديل الجديد ينزل

عموما هي مجرد مثال في الآخر

ممكن نحط مكانها الافيو اللي نزل مكانها السونيك ,و الاوبترا اللي نزل مكانها الكروز

او زى الفيرنا مثلا اللى نزل شكلين بعدها و لسه بتنزل زيرو

[Al-Farooq]

انا دخلت موقع proton-edar فعلا ملقتش الجين 2 ولا الساجا ولا السافي بس البرسونا موجودة عادي!
وطبعا الجين نفس البرسونا فى كل حاجة بإستثناء الشنطة!

أما الموقع الرئيسي proton.com فيه اعلان للساجا SV اللى مش موجوده على الموقع السابق بردو!

وبالنسبة لمواقع بروتون بتاعة البلاد المختلفة لسه موجودة الجين2 والساجا على حسب كل بلد! انا دخلت على بريطانيا و استراليا و الامارات و سنغافورة و السعودية وتركيا لقيت اعلانتهم موجودة عادي - فى دول تانية كثير - انا شوفت دول بس.

[Al-Farooq]

راسلتهم وقالوا انهم بطلوا يبيعوها في سوقهم المحلى وأحالني على بروتون مصر.

currently, gen2 is no longer being sold in the domestic market. However, you can visit http://www.proton-egypt.com for more info. Thank you.

[تامر.محمد]

تمام , الفكرة ان الشكل الجديد اصلا نزل من 2008 اللي هو الشارك