ان شاء الله هاشترى بروتون برسونا اوتوماتيك

[Amr Riad]

السلام عليكم
نويت ان شاء الله اشترى البرسونا قريب جدا بس ليا سؤال لأهل الخبرة

لاحظت ان شنطه العربيه من جوا مش مكسيه موكيت بالكامل النصف الداخلى غير مكسى و باب الشنطه نفسه مش مكسى خالص ( الصاج باين )

الموضوع مش مهم قوى بس هل كل العربيات البرسونا كده ولا ايه ؟

و طلب من الاعضاء الكرماء الى ساعدونى اخد قرار فى شرا العربيه دى
هل حد يقدر يدلنى على الاستيكر الى بيتعمل على جناب العربيه بلوجو بروتون بشوفه كتير و عايز اعرف مين بيعمله هو حد يجيبلى اللوجو و انا اطبعه عند اى حد
شكرا لعظماء المنتدى

[Amr Riad]

لو حد عنده فكرة عن حد اسعاره كويسه
السوق كله سعره 110000 كاش

[abokoko]

للاسف مفيش عندى معلومة
غالبا التقفيل المصري بيكون كده
بس انا بيعجنى شكل البيروسونا
الف مبروك مقدما
وابقي وافينا بالتقرير و الصور

[Al-Farooq]

للاسف مفيش عندى معلومة
غالبا التقفيل المصري بيكون كده

ومعلومة التقفيل المصري جبتها منين طيب ؟!
العربية متسوردة بالكامل من ماليزيا على العموم.

باب الشنطة فعلا غير مكسي - وأظن انك لاحظت انه مش زي ابواب شنط باقي العربيات - الباب محمل ماشاء الله.


بالنسبة للأرضية بتاعة الشنطة - كلها موكت تقريبا ولما تشيله بيظهر لك الاستبن والعدة.

واذا كنت هتدفع كاش اظن ممكن تاخد خصم 1000 جنية من التوكيل او 2000 وممكن اكثر وانت وشطارتك مع اى تاجر.

[Amr Riad]

افادكم الله جميعا
كنت قريت ان فى حد من الادمين بتوع المنتدى ليه خصم من المعارض و فى استيكر للمنتدى ليه امتيازات فى التوكيل يا ريت الى يقدر يفيدنا اكتر او يصححلى معلوماتى

[ابراهيم الجندى]

سمعت ان الاحمدى بيخلصها على 107.5 او ١٠٨

[smart_dr84]

انا حاجزها عند الاحمدي ب ١١٠ تقسيط بنكي و لسه ما استلمتش

[ابراهيم الجندى]

ازاى يا باشا ده انا لسه واحد صاحبى كان عندهم من اسبوعين و قاللوه الاسعار ديه بس هو فضل القرش اللى سلمه على ١٠٨.٥ و برده تقسيط بنكى

[Amr Riad]

انا اتفرجت عند الاحمدى و السعر عنده 110000 بس انا مش بحب موضوع القروض و ان شاء الله هاشتريها بالمرابحه الاسلاميه من خلال مصرف أبو ظبى الاسلامى
افضل بكتير من المعاملات البنكيه

[Amr Riad]

ده صورة اللوجو الى بدور عليه



الى يعرف ده بيتعمل فين او يقدر يجيبهولنا ننفذه عند اى محل يبقى جزاه الله خير

[Amr Hussain]

ربنا يوفقك و تجيبها بس ليا سؤال هو اية برنامج المرابحة الاسلامية دة

[Al-Farooq]

كل التقسيط فى مصر ربوي
احسب الاقساط كدة كلها هتلاقي ثمن العربية زايد بتاع 20-30 الف على ثمنها الاصلي حتي ولو عملت سداد معجل!

[Amr Riad]

المرابحه الاسلاميه هو ان البنك بيشترى العربيه لنفسه و غالبا بينقلها من معرض العربيات لمخازنه
ثم يبيع ليك العربيه مرة اخرى بنظام تقسيط
الفرق بينه و بين الانظمه الربويه ان فى الانظمه الربويه انت بتخش المعرض تقوله عايز العربيه دى تقسيط تبع معرضكم فيقولك تحت امرك و تلاقى مندوب بنك قاعد معاك على الطرابيزة و بيمشى فى اجراءات عمل قرض بأسمك من البنك
ربا صريح يا باشا صريح جدا
اما البنوك الاسلاميه بتشترى هى و تبيعلك تانى بالتقسيط

والله اعلم طبعا بس الواحد بيحاول يتجنب الربا فى اى معامله على قدر الامكان

قال الله تعالى : {يا أيها الذين آمنوا لا تأكلوا الربا أضعافا مضاعفة واتقوا الله لعلكم تفلحون}.

وقال صلي الله عليه وسلم : (الربا سبعون حوبا أيسرها أن ينكح الرجل أمه ).

اسمع إلى قول ربك وهو يناديك : {يا أيها الذين آمنوا اتقوا الله وذروا ما بقى من الربا إن كنتم مؤمنين فإن لم تفعلوا فأذنوا بحرب من الله ورسوله وإن تبتم فلكم رءوس أموالكم لا تظلمون ولا تظلمون}.

واسمع إلى قول رسولك وهو يحذرك وينذرك :عن عبد الله بن حنظلة رضي الله عنه قال : قال رسول الله صلى الله علية وسلم :(درهم ربا يأكله الرجل وهو بعلم أشد من ستة وثلاثين زنية !!)، فاللهم اكفنا بحلالك عن حرامك ، واغننا بفضلك عمن سواك .

اسف على الاطاله

[Amr Riad]

ده صورة اللوجو الى بدور عليه



الى يعرف ده بيتعمل فين او يقدر يجيبهولنا ننفذه عند اى محل يبقى جزاه الله خير

محدش ابن حلال هايقولنا الاستيكر ده بيتجاب منين ؟
و استيكر المنتدى منين و امتيازاته ايه ؟
و خصم المنتدى على الشرا الكاش ؟

منتظر الردود يا بشر

[Amr Riad]

حد عنده معلومات عن شركه تأمين مناسبه اتعامل معاهم ؟