اكشف علي التيل ازاي

[soteer10]

ببساطه كده اكشف علي التيل الامامي و الخلفي ازاي لاني سامع صفاره


ولو هغير اجيب نوع ايه باختصار شديد امامي و خلفي

[tameem2010]

بالنسبه للتيل الامامي تقدر تعرف التاكل بتاعه من علبه زيت الباكم
لو لقيت زيت الباكم وصل min يبقى التيل لازم يتغير واول ما تغيره هترجع العلامة max تانى

بالنسبه للفرامل خلفي
لو هي طنابير
بالنسبه لتيل الفرامل ورا ده بيبان من فرامل اليد بتلاقيها ناعمه وخفيفه وعدد درات سنانها بيكون 7 او اكتر وفي الوقت ده بتحتاج رجلشه

اما لو هي ديسكات يبقى زي قدام بالظبط من علبه زيت الباكم

بالنسبه للصفارة ممكن يكون التيل عليه تراب ويتنفض ببلور هواء
وممكن يكون التيل نفس حصل له حاجة اسمها تحجير او تزليط

اسهل طريقه للكشف عن التيل هي النظر تفك الكاوتش وتبص بعينك

[amr011111]

باختصار شديد بالنظر

[soteer10]

انا الخلفي زي الامامي متهيالي

والعلامه قبل ال min بشويه


طيب اجيب نوع تيل ايه بدون نقاش طويل

[D . a .\ AYMAN]

أعتقد إني مستقر على البوش الإيطالي للأمامي بـ 350 جنيه

والبروتون الماليزي للخلفي بـ 250

ده اللى معظم الأعضاء بيتكلموا عليه .. بس أنا لسة ما جربتش حاجة فيهم

[mido_soliman]

التيل لو مش حتجيب البوش الايطالى علشان غالى
هات عن تجربة التيل الكورى فى منه امامى وخلفى وسعره بيتكلم فى 170 جنيه دة لو عند واخد مغلى سعره
اسمه مش فاكرة اوى دانو او دنوا حاجة كدة العلبه بتاعته مميزة عموما لونها كحلى والكتابة عليها بالاصفر كان فى موضوع هنا فية مشاركه لصورة العلبه بس للاسف مش فاكر اسم الموضوع علشان اجيبهالك
التيل دة ممتاز عن تجربة ومبيصفرش
وتماسكة هايل

[DESIGNER105]

الموضوع بسيط بص بعينك لو لقيت سمكو 5 ملى شيلو وارميه اكتر من خمسه ملى يبقى حاول تغيرة فى اسرع وقت...