جين 2 2013 - صوت تزييق

[GBadr]

الاخوه الاعضاء

انا معايا جين 2013 ماشيه 5000. ظهر فيها صوت كده من فتره هوه صوت تزييق مع المطابات العاليه. المهم انا بتعامل مع عصام وصفا فهما افتكرو انها العيب بتاع الكرسي الورا وباب الشنطه وحط شكرتون علي المفصله وقلوا كده خلاص. الصوت فضل موجود رحت تاني برضوا افتكروا نفس الموضوع وعاملوها ومحصلش حاجه

انا سامع الصوت اصلا من قدام وحاسس انه من السوست او المساعد... حد قابل المشكله ديه او ممكن يفدني؟

وشكرا

[Motarjim]

الصوت صادر من الخلف؟
بيظهر لما ترجع للوراء، ولا لما تطلع لقدام؟

[GBadr]

الصوت من قدام على اغلب ظني لانه مش عالي ده صوت بسيط

انا مجربتش ورا بس هو بيطلع وانا معدي على مطباتز

[hamada6050]

طب ماتشيك على العفشة ؟؟

[GBadr]

هما لسه مربطين العفشه في صيانه ال 5000... انا مش عايز تروح تاني غير وانا عندي فكره عن الموضوع علشان هما مش مركزين غير في الكنبه وباب الشنطه

[marieneer]

الصوت ده بييجى من المساعدين الأماميين عامل زى صوت زقزقه كده ونقر خفيف بيجى على السرعات الهاديه وفى الحفر والمطبات.ده معايا من زمان اغسل العفشه وبالأخص سوست المساعدين هيروح الصوت لفتره وبيرجع تانى.عامه ريح نفسك وشغل الراديو مش هتسمع الصوت.

[mido_soliman]

اغسل العفشه ورشها باسبراي سيليكون او شحم ابيض وكله حيبقي تمام

[GBadr]

انا متشكر على الردود. بس رأيكم اني اكبر واغسلها بس. ده انا لسه في اول الضمان

[D . a .\ AYMAN]

اغسل العفشه ورشها باسبراي سيليكون او شحم ابيض وكله حيبقي تمام

+1

هما في التوكيل أو حتى في عصام صفا بيحاسبوك على علبة الشحم الأبيض دي بسبعين جنيه وبيقسمها على عربيتين كل عربية تحاسب على 35 جنيه

وأصلا بيجيب العلبة الصغيرة اللى بـ 15 ... ياخد فيها 35 جينه × 2 = 70 !!!!!!!!

العفشة المفروض كل صيانة تتربط وتتغسل وتتفضى عليها علبة كاملة من الصغيرة دي .. لكن البيه يا إما مش بيعملها أصلا يا إما بيرش شوية قد النملة عشان خايف العلبة تخلص

لما عمل معايا كدة كان هاين عليا أروح أتخانق معاه وآخد باقية العلبة منه ... وفي الآخر بيبقى مش عايزك تقف تتابع العربية وتطلع تقعد في الاستراحة عشان يعمل اللى هو عايزه

دا الراجل الفني لاقيته رايح يحط مية حنفية في رادياتير العربية ولولا لحته كان حطها ... بقوله أنا مش بحط فيها غير مية خضراء فقط .. زعل قوي وبيقولي إن بق مية من الحنفية مش هايعمل حاجة ... ناس شغالة بالبركة في توكيلات مصر كلها

ممكن ترشها انت في أي بنزينة نضيفة بس هاتله انت علبة الشحم الأبيض الاسبراي ده من عند أي حد بتاع اكسسوارات أو حتى لو لافيتها عنده هاتها من عنده وخلاص

[marieneer]

+1

هما في التوكيل أو حتى في عصام صفا بيحاسبوك على علبة الشحم الأبيض دي بسبعين جنيه وبيقسمها على عربيتين كل عربية تحاسب على 35 جنيه

وأصلا بيجيب العلبة الصغيرة اللى بـ 15 ... ياخد فيها 35 جينه × 2 = 70 !!!!!!!!

العفشة المفروض كل صيانة تتربط وتتغسل وتتفضى عليها علبة كاملة من الصغيرة دي .. لكن البيه يا إما مش بيعملها أصلا يا إما بيرش شوية قد النملة عشان خايف العلبة تخلص

لما عمل معايا كدة كان هاين عليا أروح أتخانق معاه وآخد باقية العلبة منه ... وفي الآخر بيبقى مش عايزك تقف تتابع العربية وتطلع تقعد في الاستراحة عشان يعمل اللى هو عايزه

دا الراجل الفني لاقيته رايح يحط مية حنفية في رادياتير العربية ولولا لحته كان حطها ... بقوله أنا مش بحط فيها غير مية خضراء فقط .. زعل قوي وبيقولي إن بق مية من الحنفية مش هايعمل حاجة ... ناس شغالة بالبركة في توكيلات مصر كلها

ممكن ترشها انت في أي بنزينة نضيفة بس هاتله انت علبة الشحم الأبيض الاسبراي ده من عند أي حد بتاع اكسسوارات أو حتى لو لافيتها عنده هاتها من عنده وخلاص

ممتاااااااااااز قوى الكلام ده وهى دى الخلاصه مع تزييق العفشه والأصوات اللى بنسمعها.وأنا بعمل كده فى عربيتى كل فتره بس بأييدى أنا.
أنا بقى عندى سؤااااال محيرنى وياريت ألاقى رد؟؟؟؟
هو ليه فى التوكيل أو عند عصام صفا بيقولولك اطلع فى الاستراحه؟؟بالرغم من انك وانت رايح الصيانه دايما عامل حسابك وعندك استعداد تنام تحت العربيه كمان وتعرف ايه اللى بيحصل.
يا ريت ردود وشكرا

[D . a .\ AYMAN]

ممتاااااااااااز قوى الكلام ده وهى دى الخلاصه مع تزييق العفشه والأصوات اللى بنسمعها.وأنا بعمل كده فى عربيتى كل فتره بس بأييدى أنا.
أنا بقى عندى سؤااااال محيرنى وياريت ألاقى رد؟؟؟؟
هو ليه فى التوكيل أو عند عصام صفا بيقولولك اطلع فى الاستراحه؟؟بالرغم من انك وانت رايح الصيانه دايما عامل حسابك وعندك استعداد تنام تحت العربيه كمان وتعرف ايه اللى بيحصل.
يا ريت ردود وشكرا

عشان يعملوا اللى هما عايزينه من غير ما حد يقعد يقوله عملت كدة ليه ولا يشوفه .. وحجته الوحيدة أصل لو سمحنا إن كل واحد يدخل مع عربيته هاتعملوا زحمة والفنيين مش هاعرفوا يشتغلوا

في حين لو سمح بكدة وهو عنده جوة 6 عربيات شغال فيهم في نفس الوقت يبقى كل الزيادة في الأفراد هاتكون 6 أفراد فقط وكل واحد واقف جنب عربيته مش بيتمشى هنا وهنا يعني

بجد خلاص ما بقتش أثق فيهم نهائي ... لما ألاقي واحد في مركز صيانة معتمد وبياخد قد كدة فلوس على قلبه نظير الصيانة رايح يحطلي مية حنفية في الرادياتير ويقوللي عادي .. ده يبقى عايز الحرق

[Al-Farooq]

+1

هما في التوكيل أو حتى في عصام صفا بيحاسبوك على علبة الشحم الأبيض دي بسبعين جنيه وبيقسمها على عربيتين كل عربية تحاسب على 35 جنيه

وأصلا بيجيب العلبة الصغيرة اللى بـ 15 ... ياخد فيها 35 جينه × 2 = 70 !!!!!!!!

العفشة المفروض كل صيانة تتربط وتتغسل وتتفضى عليها علبة كاملة من الصغيرة دي .. لكن البيه يا إما مش بيعملها أصلا يا إما بيرش شوية قد النملة عشان خايف العلبة تخلص

لما عمل معايا كدة كان هاين عليا أروح أتخانق معاه وآخد باقية العلبة منه ... وفي الآخر بيبقى مش عايزك تقف تتابع العربية وتطلع تقعد في الاستراحة عشان يعمل اللى هو عايزه

دا الراجل الفني لاقيته رايح يحط مية حنفية في رادياتير العربية ولولا لحته كان حطها ... بقوله أنا مش بحط فيها غير مية خضراء فقط .. زعل قوي وبيقولي إن بق مية من الحنفية مش هايعمل حاجة ... ناس شغالة بالبركة في توكيلات مصر كلها

ممكن ترشها انت في أي بنزينة نضيفة بس هاتله انت علبة الشحم الأبيض الاسبراي ده من عند أي حد بتاع اكسسوارات أو حتى لو لافيتها عنده هاتها من عنده وخلاص

حتي عصام وصفا مش بيسمحوا للناس تقف! ايه الشلل دة
انا كنت عاوز اروح عصام وصفا مخصوص علشان اتفرج عليها وهي بتتعمل
انا فعلا لقيتهم بيحطوا مياة الحنفية للمساحات بس مختدش بالي من الردياتير
يعني البهوات كدة هيطيروا الردياتيرات بتاعتنا قريب بسبب المسخرة بتاعتهم دي
وانا ناوي اعمل زي ما انت قولت و زي ما ميدو قال اشوف الشحم الابيض او الاسبراي السليكون دة فين واعمله بس بدون ما اغسلها بجاز والكلام دة.

[D . a .\ AYMAN]

حتي عصام وصفا مش بيسمحوا للناس تقف! ايه الشلل دة
انا كنت عاوز اروح عصام وصفا مخصوص علشان اتفرج عليها وهي بتتعمل
انا فعلا لقيتهم بيحطوا مياة الحنفية للمساحات بس مختدش بالي من الردياتير
يعني البهوات كدة هيطيروا الردياتيرات بتاعتنا قريب بسبب المسخرة بتاعتهم دي
وانا ناوي اعمل زي ما انت قولت و زي ما ميدو قال اشوف الشحم الابيض او الاسبراي السليكون دة فين واعمله بس بدون ما اغسلها بجاز والكلام دة.

أنا بغلس عليهم وأدخل كل شوية أبص عليها لحد ما حد يقولي حاجة هما عموما مش بيتكلموا كتير قوي ... حتى في التوكيل نفسه كنت بعمل كدة كل شوية

والحمد لله إني دخلت في وقت مناسب قبل ما يعمل عملته ويحطلي مية الحنفية في الردياتير .. المهم بعد ما قلته كدة خد القربة كلها جوة عنده في الغرفة بتاعة قطع الغيار وقالي إنه حط مية خضراء .. بس الله أعلم بقى صادق ولا لأ

لو عملت كدة قبل ما تحط الشحم أغسل العربية من تحت بس بمياه فقط ... الجاز بيبوظ الكاوتشات والجلب عموما بتاعة العفشة

[mido_soliman]

الشحم الاسبراى موجود منه فالفولين شوف اى حد بيبيع منتجات فالفولين وهات منه ازازتين شيلهم فى العربيه انا عامل كدة

[GBadr]

انا متشكر جدا ليكوا ياشباب

بس انا متضايق اوي لاني نزلت اشوف الميه عندي لقيت القربه فعلا ميه حنفيه

قررت اجيب جركن ميه خضرا واشيلوه معايا وازود منه في كل صيانه... واجيب شحم واشيلوه محد عنده فكره احسن شحم واجيبه منين