بلا عة البنزين ارجوكم ساعدونى

[EHAB_9843]

الرجاء من رجاله البروتون مساعدتى !
معايا جين 2 اوتوماتيك موديل 2008 شاريها من سنه ماشيه 61000 كم وحالتها ممتازة ورفعتها فى عصام وصفا و صرفت عليها وغيرت كل اللى كان محتاج يتغير !!! العربيه من ساعت ما اشتريتها وهيه بلاعة بنزين مع ان سواقتى هاديه ومكنتش بستخدمها كتير فكان الموضوع عادى !
ولكن مع استهلاكى اليومى لها حسبت ان التفويله بتاعت العربيه بتمشيها بالضبط 290 كم وبعدين اللمبه تنور
والغريبه انى قيستها كذا مره حوالى 4 مرات واول لما افول العداد يقولى باقى 450 كم لغايه ما احتاج بنزين وفى الاخر الاقينى مشيت 290 يس مع ان السواقه بتبقى طرق سريعة ون الهرم الى اكتوبر (مش سريعه اوى يعنى ) هههههههه
الموضوع ده لو عادى يبقى حراااااام اكيد مش كل ال 1600 سى سى كدة !!!!!!!!!!!!!!!!!!
نفسى الا قى حل :b4_611:
ساعدوووونى ارجوكم انا بحب العربيه لكن كدة خراب بيووووت و حرام

[mhassan9]

طيب ليه مرحتش لعصام وصفا وقلتله المشكلة وتشوف رأيه أيه بدل ما نقعد نفتي :)

[amrelsaqqa]

استهلاك عالى جدا ، ربنا معاك

[Silent~Dream]

290 كيلو اكيد عندك مشكله ولازملها حل عن مركز متخصص ده الفيات ال 131 مع السواقه الهاديه و نص المشى جوا البلد و اول ثانى بتعمل فى حدود 190-220 كيلو كل 20 لتر

[dr.hazem]

الاستهلاك العالي اسبابه كتير جدا
منها حاجات بسيطه ومنها حاجات صعبه بعيد الشر،،،
هحاول اديك نصايح وحاجات تعملها وتحسب تاني وبعدها هيبان الموضوع باذن الله،،،
من اهم الحاجات اللي محدش بيديها اهتمام هو ضغط الكاوتش،،
لازم يكون ضغط الكاوتش سليم لا زياده ولا نقص لانه في الحالتين بيزود الاستهلاك بحدود ال 10 %
وبفضل ضبط الكاوتش بمقاس ديجيتال والكاوتش يكون بارد مش جاي من مشوار...

ثانيا الحموله،،،
كل كيلو زيادة في العربيه ملهوش لازمه هو زياده في الاستهلاك وبالتالي يلزمك تفرغ العربيه من اي وزن اضافي...

ثالثا: فلتر الهوا،،
لو فلتر الهوا مردوم وحالته وحشه هيزيد الاستهلاك..

رابعا: طريقة السواقه،،
القيادة الرياضية بتزود الاستهلاك بشكل مهول وتتمثل في حاجتين.. الانطلاق السريع وفي المشي بسرعات عاليه فوق ال 100 ودي لوحدها ممكن تزود الاستهلاك 30%

خامسا: حالة الرشاشات وهل هي نضيفه ولا مكربنه بسبب الفترة الكبيرة اللي عربيتك مكنتش بتمشي فيها؟؟ وفي رايي حلها سهل،،،
هتجيب عبوة منظف رششات ليكوي مولي وتفضيها على نص التنك بتاعك وتطلع مشوار حلو وطريق مفتوح تحرق فيه وتمشي بسرعه عشان الرشاشات تنضف ومتقلقش من انك لازم تحرق كل كمية البنزين لان ده مش مظبوط...

سادسا: لو البوابه محتاجه تنضيف هي والحساسات لابد تنضفها

سابعا.. تسخين العربية الصبح،،،
لو انت بتحط زيت تخليقي فالمفروض انك متسخنش اكتر من 30 ثانيه وتتحرك بعدها بالراحة لحد اما مؤشر الحراره يعلى تقوم ماشي براحتك...

ثامنا : تجنب الفرمله المفاجئه قدر المستطاع،،،

تاسعا:
طريقة الحساب..
الافضل انك تفول العربية من محطه واحدة لحد اول تكة وتصفر عدادك وتروح مشوارك وانت مروح تعدي على نفس المحطه وتعبي من نفس المسدس لحد اول تكة وتشوف العربيه خدت كم لتر ومشيت كم كيلو بالظبط في كم لتر هتطلع اللتر بيمشي قد ايه وهو المطلوب ووقتها هنتاكد ان هل الاستهلاك زيادة ولا لا،،،

ده اللي جه فبالي حاليا ولو افتكرت حاجه هدخل اكتبها باذن الله
تحياتي

Sent from my Xperia Arc S using Forum Runner

[amirz]

ده ممكن يكون حساس شكمان اكشف عليها بالجهاز او روح التوكيل

[EHAB_9843]

[QUOTE=dr.hazem;3875296926]الاستهلاك العالي اسبابه كتير جدا
منها حاجات بسيطه ومنها حاجات صعبه بعيد الشر،،،
هحاول اديك نصايح وحاجات تعملها وتحسب تاني وبعدها هيبان الموضوع باذن الله،،،
من اهم الحاجات اللي محدش بيديها اهتمام هو ضغط الكاوتش،،
لازم يكون ضغط الكاوتش سليم لا زياده ولا نقص لانه في الحالتين بيزود الاستهلاك بحدود ال 10 %
وبفضل ضبط الكاوتش بمقاس ديجيتال والكاوتش يكون بارد مش جاي من مشوار...

ثانيا الحموله،،،
كل كيلو زيادة في العربيه ملهوش لازمه هو زياده في الاستهلاك وبالتالي يلزمك تفرغ العربيه من اي وزن اضافي...

ثالثا: فلتر الهوا،،
لو فلتر الهوا مردوم وحالته وحشه هيزيد الاستهلاك..

رابعا: طريقة السواقه،،
القيادة الرياضية بتزود الاستهلاك بشكل مهول وتتمثل في حاجتين.. الانطلاق السريع وفي المشي بسرعات عاليه فوق ال 100 ودي لوحدها ممكن تزود الاستهلاك 30%

خامسا: حالة الرشاشات وهل هي نضيفه ولا مكربنه بسبب الفترة الكبيرة اللي عربيتك مكنتش بتمشي فيها؟؟ وفي رايي حلها سهل،،،
هتجيب عبوة منظف رششات ليكوي مولي وتفضيها على نص التنك بتاعك وتطلع مشوار حلو وطريق مفتوح تحرق فيه وتمشي بسرعه عشان الرشاشات تنضف ومتقلقش من انك لازم تحرق كل كمية البنزين لان ده مش مظبوط...

سادسا: لو البوابه محتاجه تنضيف هي والحساسات لابد تنضفها

سابعا.. تسخين العربية الصبح،،،
لو انت بتحط زيت تخليقي فالمفروض انك متسخنش اكتر من 30 ثانيه وتتحرك بعدها بالراحة لحد اما مؤشر الحراره يعلى تقوم ماشي براحتك...

ثامنا : تجنب الفرمله المفاجئه قدر المستطاع،،،

تاسعا:
طريقة الحساب..
الافضل انك تفول العربية من محطه واحدة لحد اول تكة وتصفر عدادك وتروح مشوارك وانت مروح تعدي على نفس المحطه وتعبي من نفس المسدس لحد اول تكة وتشوف العربيه خدت كم لتر ومشيت كم كيلو بالظبط في كم لتر هتطلع اللتر بيمشي قد ايه وهو المطلوب ووقتها هنتاكد ان هل الاستهلاك زيادة ولا لا،،،

ده اللي جه فبالي حاليا ولو افتكرت حاجه هدخل اكتبها باذن الله
تحياتي

Sent from my Xperia Arc S using Forum Runner[/QUO

شاكر لاهتمامك وردك بس انا عملت كل دة و مفيش فايدة انا حاسس ان فى حاجة مش طبيعيه

[EHAB_9843]

ده ممكن يكون حساس شكمان اكشف عليها بالجهاز او روح التوكيل

شاكر لدك ولكن التوكيل هههه دة يا باشا هيحرق دمك وهيخلينى ابيع العربيه !!!!!!!!!

[dr.hazem]

يبقى كده فعلا فكر في حساس الشكمان،،،
تحياتي

Sent from my Xperia Arc S using Forum Runner

[amrelsaqqa]

1. ظبط الكاوتش
2. ظبط الزوايا
3. اتأكد انك بتحط بنزين من مكان نضيف
4. اعرف المعدل الطبيعى لعربية زي عربيتك بالظبط واسأل ملاكها عن الاستهلاك ونوعية الطرق اللى بيمشوا فيها وطريقة السواقة
5. اتأكد ان مفيش تسريب في وصلات البنزين كلها والتنك
6. لاحظ اداء العربية ، وافحص العادم بالنظر على الاقل وان لونه شفاف ولا يوجد رائحة بنزين غير محترق ، لو العادم نضيف والعربية ناعمة و فايقة وبتسحب حلو ، يبقى في الغالب معندكش مشكلة ميكانيكية ..
7. اكشف كمبيوتر واتأكد من حالة حساس الاكسجين والموبينة والبوابة والرشاشات ....
8. اتأكد من السيرفس بتاع العربية كله بوجيهات ، فلاتر ........ ونضف دورة البنزين
9. اتأكد من نوع الزيت اللى بتستخدمه ومدى ملائمته للعربية وظروف تشغيلها
10. اتأكد من دورة التبريد عندك وثرموستات الكوعة بالذات وما تكونش ملغية
11. اتأكد من كفاءة نظام الفرامل وان مفيش حاجة قافشة ومتقلة العربية
12. اتأكد من كفاءة الات الجر وبلي العجل
13. اتأكد من حالة الفتيس وملائمة الـ rpm لسرعة العربية طول الوقت وان مفيش تفويت
14. اتأكد من حالة الموتور انه مش خفيف ومن ظبط الكاتينة
15. اتأكد ان مفيش مشكلة في كهربة العربية او اي عك معمول فيها وبيعمل احمال كهربية عالية او بيتداخل مع الكنترول
16. اكشف على كل من الدينمو والكمبريسور وطرمبة الباور وان مفيش حاجة قافشة او بليتها خشنة

اتأكد من سواقتك والاماكن اللى بتمشى فيها ، انت بتقول ان العربية ماكنتش بتمشى كتير ، انا عايز اقولك لو اي عربية بتمشى بيها مشاوير قليلة جدا وفي الزحمة ، بيبقى ده العادى بتاعها ، انت عشان تحكم على عربيتك ، عايزلك مشوارين ، مشوار تقرص على العربية عشان تفوقها ، ومشوار تانى تمشى على طريق سريع وفاضى على سرعة ثابتة 90 ، وشوف العربية هتعمل ايه معاك

[D . a .\ AYMAN]

لمبة البنزين بتنور على ربع التانك .. أعتقد إن كدة الاستهلاك عادي

طيب لما بتفول بنزين بتاخد كام لتر في المتوسط عشان نقدر نجسب معاك

لأن الحساب على اللمبة ما يتفعش لأن اللمبة ممكن تنور قبل الربع كمان وأبص ألاقيها طفت تاني بعد شوية حسب ميل الطريق وسرعة العربية

ولو زي ما أنا متخيل .. هاتلاقيها بتاخد معاك في التفويلة حوالي 30 لتر بنزين فقط في المتوسط .. كدة يعني استهلاك متوسط برضه 200 كيلومتر / 20 لتر بنزين .. وده استهلاك طبيعي في أي عربية 1600 سي سي .. ييقل أو يزيد حسب ظروف القيادة هادية ولا لأ وزحمة ولا لأ

لو بتاخد أكتر من 30 لتر .. يبقى الاستهلاك عندك عالي فعلا

[abdoumahros]

كل الاسباب

كل الاسباب اللي قالوها الزملاء صح
لكن انا حصل معايا ان فجاه لقيت استهلاك العربيه جين 2 2006 اصبح عالي اوي
بس السبب كان حاجه غريبه اوي - لاحظت انه لما بدور العربيه في الصبح كان المارش تقيل شويه وموش بيلقط علشان البطاريه كانت ضعيفه وبعد محاوله او اتنين تدور العربيه ( تعتيل )وده كان بيسبب لخبطه في الكمبيوتر وبمجرد ماغيرت البطاريه كله رجع تمام

[windofchange]

كل الاسباب اللي قالوها الزملاء صح
لكن انا حصل معايا ان فجاه لقيت استهلاك العربيه جين 2 2006 اصبح عالي اوي
بس السبب كان حاجه غريبه اوي - لاحظت انه لما بدور العربيه في الصبح كان المارش تقيل شويه وموش بيلقط علشان البطاريه كانت ضعيفه وبعد محاوله او اتنين تدور العربيه ( تعتيل )وده كان بيسبب لخبطه في الكمبيوتر وبمجرد ماغيرت البطاريه كله رجع تمام

لخبطة ازاي ؟

[abdoumahros]

طبعا موش هااقدر احدد

لخبطة ازاي ؟

اقصد بلخبطه الكمبيوتر انه علي ما اعتقد كان بيسبب استهلاك عالي في البنزين
لما كانت البطاريه بتعلق وتدور بعد مرتين او تلاته لانها ضعيفه لاحظت ان استهلاك البنزين اصبح عالي اوي وده بالحساب الفعلي موش لكمبيوتر العربيه مع العلم ان كمبيوتر العربيه برضه كان بيوضح استهلاك هالي 16 لتر لكل 100 كيلو والرقم ده فعلا تطابق مع الحسابات اقصد فولت العربيه علي الاخر ومشيت 100 كيلو وفولتها تاني وحسبت الاستهلاك طلع فعلا في حدود 16 لتر
الغريبه ان العربيه كانت ماشيه عادي جدا بدون اي مشاكل
وكل حاجه اختفت ورجع الاستهلاك عادي بمجرد ماغيرت البطاريه