حاجه غربيه فى فرامل البرسونا الزيرو ( استلام امبارح )

[Amr Riad]

السلام عليكم

بفضل من الله عز وجل استلمت عربيتى البيرسونا امبارح بليل
مع العلم ان عربيتى الحاليه نيسان صنى 2007 اوتوماتيك

الفرامل بتاع البيرسونا عاليه قوى و مش بتكلبش بسهوله ( مشوار الدواسه طووووويل) مقارنه بكل العربيات الاوتوماتيك الى ركبتها بما فيها الصنى فدايما الفرامل بتكوت تاتش و مشوارها قصير قوى

هل ده العادى من البروتون ولا فى فيها مشكله ؟

تانى حاجه غريبه ان العربيه بتحدف يمين جااااااامد قوى مع العلم ان الهوا مظبوم فى الاربع عجلات

هل اروح اظبط زوايا فى اى مكان ولا اروح الوكيل ولا استنى ال1000 كيلو ؟؟

ارجو الافاده من الاعضاء الكرام وشكرا

[matrix_it]

الفرامل الاعضاء كلهم اجمعوا على نفس الموضوع و هو مش عيب ولا حاجة هى بس ليها ميكانيزم معين
و الف مبروك على العربية

[monamize4]

السلام عليكم

بفضل من الله عز وجل استلمت عربيتى البيرسونا امبارح بليل
مع العلم ان عربيتى الحاليه نيسان صنى 2007 اوتوماتيك

الفرامل بتاع البيرسونا عاليه قوى و مش بتكلبش بسهوله ( مشوار الدواسه طووووويل) مقارنه بكل العربيات الاوتوماتيك الى ركبتها بما فيها الصنى فدايما الفرامل بتكوت تاتش و مشوارها قصير قوى

هل ده العادى من البروتون ولا فى فيها مشكله ؟

تانى حاجه غريبه ان العربيه بتحدف يمين جااااااامد قوى مع العلم ان الهوا مظبوم فى الاربع عجلات

هل اروح اظبط زوايا فى اى مكان ولا اروح الوكيل ولا استنى ال1000 كيلو ؟؟

ارجو الافاده من الاعضاء الكرام وشكرا

و عليكم السلام و رحمة الله و بركاته

فعلا مشوار الدواسه طويل و الموضوع دا بحسه لما بسوق عربية صاحبى (معاه من 4 سنين)
مقارنة بعربيتى و بعربيات كتير جربتها

الصراحة محستش ان الفرامل ضعيفه (مع العلم انى لما بسوق عربيته بتكون سواقه هادية ) لكن صاحبى مضايق اوى من ان الفرامل ضعيفة رغم انه مركب كاوتش جديد

العربية لما اشتراها كان عنده حدفه و دا عيب منتشر و عمل ظبط زوريا و ترصيص
لكن لسه العربية بتحدف حاجة بسيطة

[Motarjim]

ألف مبارك على العربية أولاً.

ده الطبيعي في بروتون، في صيانة الألف، قول لهم عليها عشان يرجلشوا عليه شوية، وهتتحسن بدرجة طفيفة.
احرص دومًا على مسافة الأمان بينك وبين العربية التي أمامك، العربية بتزحف شوية مش بتقف على طول، الـ ABS بيفتح بدري.

بعد صيانة الألف، قد يظهر عندك صوت صفارة عند الضغط على الفرامل في الغالب، لو ظهر، عادي تعايش معاه، ده طبيعي!

تحذير: لو ظهرت عندك صفارة الفرامل في الكليو مترات الأولى، وروحت التوكيل، قالوا لك السبب أن الطنابير عايزة تتغير، قولهم لأ شكرًا، وأصر على عدم تغييرها!

بالنسبة للحدف يمين، دي عيب شهير عبيط غريب له تاني أو ثالث سنة بيظهر، بروتون ماليزيا مش عايزة تعالجه من الأساس، زي زي صوت التزييق بتاع الكنبة الخلفية إلى أكيد هتسمعه بعد 400-500 كم في المطبات والطرق المكسرة.

في صيانة الألف، قول لهم على الحدف يمين، وإنك عايز تعمل تعديل قنطرة الدريكسون، وظبط زاويا، وإن شاء الله الحدفة تروح...ولو لم تختفي، روح بقى لـ Fit & Fix، واظبط زاويا تاني، وبدل العجل الأمامي.

وقولهم أيضًا على تزييقة الكنبة الخلفية، حتى لو مظهرتش، هيلفوا لك عليها شيكرتون كعازل عشان الاحتكاك، وممكن تعملها بنفسك.

على العموم، لحد ما توصل لألف كم، دوّن كل ما تلاحظه في العربية، وقول لهم على كل ملاحظة لك، في أبو رواش في صيانة الألف.

لا تنسَ ختم الضمان في صيانة الألف عند الأستاذة سامية في المبنى الإدارى.

ونصيحة عامة، في تعاملك أثناء الصيانة بالتوكيل في أبو رواش، خلي عينيك في وسط رأسك!

وربنا يمنحك خيرها، ويدفع عنك شرها.

[Amr Riad]

اشكر الجميع على الردول و انا بدأت اخد على الفرامل كده و بدأت اسيب مسافه مناسبه من تلقاء نفسى زى ما العضو Motarjim قال بالظبط

بس هل ممكن احل مشكله الزوايا قبل ال 1000 كيلو ولا مينفعش اروح التوكيل الوقتى

ولا اعملها فى اى مركز و اشترى دماغى ( هل فى مشكله لو عملتها بره التوكيل ) ؟

[mido_soliman]

روح التوكيل فى اى وقت مش لازم صيانه الالف اساسا اعمل الحجات اللى مدايقاك
يعنى تتصل تحجز زوايا وبدال فرامل
عادى جدا
ومتمشيش من عندهم غير والحدفه منتهيه والبدال عالى

[Amr Riad]

روح التوكيل فى اى وقت مش لازم صيانه الالف اساسا اعمل الحجات اللى مدايقاك
يعنى تتصل تحجز زوايا وبدال فرامل
عادى جدا
ومتمشيش من عندهم غير والحدفه منتهيه والبدال عالى

تمام كده اروح التوكيل افضل ان شاء الله اتصل بكرة احجز

بس انا لسه مش معايا ورق العربيه ماشى بالوصل بتاع المعرض و مش عارف ده ينفع مع المرور لو حد وقفنى ولا لأ

[D . a .\ AYMAN]

اشكر الجميع على الردول و انا بدأت اخد على الفرامل كده و بدأت اسيب مسافه مناسبه من تلقاء نفسى زى ما العضو motarjim قال بالظبط

بس هل ممكن احل مشكله الزوايا قبل ال 1000 كيلو ولا مينفعش اروح التوكيل الوقتى

ولا اعملها فى اى مركز و اشترى دماغى ( هل فى مشكله لو عملتها بره التوكيل ) ؟

الأفضل فعلا إنك تروح تعمل موضوع الزوايا بدري لأنك طول مانت ماشي بيها كدة الكاوتش بيتاكل بصورة خاطئة ومش هايضبط بعدها أبدا إلا لما تغير أماكن فرد العجل ... ودي مش حاجة كويسة إن الكاوتش بتاكل في أول 1000 كيلو

بس إعمل حسابك إنهم بعد ما يعدلوا وضع القنطرة ... في احتمال كبير إن الفني بتاع ضبط الزوايا ما يعرفش يضبطها على الشعرة ... عشان كدة تروح بقى بعد كدة تضبط زوايا برة عند حد بيفهم

المشكلة إنك لو روحت تضبط زوايا برة قبل ما هم يعملوا تعديل القنطرة ... جهاز ضبط الزوايا هايقرأ خطأ في وشع العجلة أساسا والفني هايقولك لازم زرجينة عشان نقدم العجل .. في حين إن المشكلة إن القنطرة اللى راكب عليها العجل راكبة غلط .. ولازم تتضبط في التوكيل قبل ضبط الزوايا

[Amr Riad]

ايه ده هو ايه موضوع تعديل القنطرة ده !!
ايه القنطرة دى اصلا ؟؟
و دى حاجه بتأثر فى حاجات تانيه ولا كده العربيه هايبقى اتلعب فيها ؟ هل حد هايعمل تعديل يدوى او لحام مثلا ؟؟
انا لسه مروحتش التوكيل عشان ورق العربيه لسه موصلش
افيدونى انا قلقت

[D . a .\ AYMAN]

ما تخافش ولا حاجة

القنطرة دي الـ قطعة الحديد اللى بتكون راكب عليها أجزاء العفشة والميزان والمساعدين وما إلى ذلك إن لم تخني الذاكرة ودي بتكون راكبة على الشاسيه بماسمير تثبيت قوية .. والقصة إن الربوت المكلف بتثبيتها في مصانع بروتون في ماليزيا بقاله سنتين بيركبها غلط !!!!! (بشيء من الميل) ... عشان كدة العربية بطلع من المصنع بتحدف يمين

هنا بقى في التوكيل بيفكوها ويركبوها تاني معدولة .. بس طبعا لازم ضبط زوايا بعديها .. وللأسف الفني بتاع الزوايا عندهم بيكروت وما عندوش ضمير ولو مالوش مزاج عادي ممكن العربية تطلع من عنده برضه مش مضبوطة بس هايكون عيب زوايا عادي بقى ممكن يتظبط عند اي حد بتاع زوايا برة

مع مراعاة إن الكاوتش ممكن يكون اتاكل ولازم أماكنه تتبدل مقص اللى قدام يمين ترجع ورا شمال واللى قدام شمال ترجع ورا يمين وهكذا .. عشان تحس إن العربية اتظبطت