بروتون الرياض

[OSAMADAWOOD]

يا شباب انا معايا بروتون 2007 اتوماتيك وموجود بالرياض والعربيه فيها شويه مشاكل زي مثلا صوت الماكينه عالي اوي الجير وهو علي الاول بينتش هو اتوماتيك التشيك ظاهر الشكمان اسود وريحه بنزين منه جامده جدا يعني عايزه شويه شغل بس انا هنا مشوفتش ميكانيكي بيعرف يشتغل علي الافيو ف طبعا البروتون بالنسبالهم هتبقي عربيه من كوكب تاني :0002014a: فياريت لو حد يعرف ميكانيكي كويس في الرياض يقولي عليه او تفهموني العيوب ممكن تبقي من ايه عشان ميتنصبش عليا

[marieneer]

طالما السياره موجوده بالرياض يبقى أكيد ليها توكيل أو مراكز خدمه معتمده اسأل على أماكنهم أضمن ليك على الأقل أول تشييكه كده وبعدين ابقى أعمل الصيانه بره.
يا باشا انت فى المملكه يعنى هتلاقى التوكيل أو مراكز الصيانه وممكن يكونوا عده توكيلات فى بعض.

[OSAMADAWOOD]

متابع

[walidzakzok]

وديها للتوكيل للكشف عليهااحسن ماتخلي بنغالي يخربهالك

[walidzakzok]

AL-RASHED & AL-THUNAYAN AUTO CO.

[OSAMADAWOOD]

يا وليد المشكله ان التوكيل بتاعها قفل وفي ورشه بس كبيره شويه هي اللي ماسكه التوكيل واسعارهم نار وزيهم زي الورش اللي بره ملهمش فيها
متابع

[walidzakzok]

الاسعار نار دة عادي

على الاقل هما شافوا البرتون قبل كدة لكن برة هايخربوها رسمي

انت لازم تعمل فى حسابك على الاقل 4000 ريال

يا اما تبيع العربية اسكراب لما تجيب اخرها

[OSAMADAWOOD]

الله يطمنك يا عم وليد بس جايب منين التفائل ده كله ؟؟!
متابع

[walidzakzok]

كان معايا كيا اوبتيما فى الامارات موديل 2002 وكانت حالتها حلو ة ومفيهاش اي مشاكل وكلفتني فى سنين ونص 6000 درهم

[D . a .\ AYMAN]

القصة اللى انت بتحكيها دي غالبا بسبب حساس الشكمان .. لو تعرف تغيره انت أو تشتريه وتخلي حد يغيره

وطبعا بالمرة مع تنضيف البوابة بتاعة الهواء وتغيير البوجيهات وفلتر الهواء

[OSAMADAWOOD]

ربنا يستر يا استاذ وليد ان شاء الله
شكرا ي دكتور ايمن وان شاء الله هخلي حد يشوف حساس الشكمان

متابع

[ms_fayed]

باشا .. الورشة اللى انت بتقول عليها ماسكة قطع الغيار والصيانة بدل التوكيل في الرياض ... اسمها ايه وعنوانها ايه

عشان عندي تيل الفرامل محتاج تغيير وروحت التوكيل لاقيته قفل ودورت في الصناعية على بديل ملقتش !!!

[RedBull_30]

موضوع قطع الغيار ده اعتقد انك انت الوحيد اللي هتقدر تسئل هناك لغاية ما توصل للمكان , بس مبدئيا ممكن تفك تيل الفرامل اللي انت محتاج تغيره وهتطلع على توكيل فيات وهتطلب واحد زيه وهتلاقيه لان التيل الامامي للجين 2 متوافق مع موديل معين للفيات .
بالنسبة لصيانة العربية عموما انا مش شايف انها مثلا صعبة على ميكانيكي بيشتغل كويس مثلا في ميتسوبيشي لانسر . الجين 2 مش من العربيات المعقدة , في رايي لو لقيت قطعة الغيار اعتقد بسهولة اي ميكانيكي هيعرف يركبها .
و تجربة شخصية انا بنزل مدن الخليج كتير , و ايام ما كان معايا الجين 2 و كنت مرة في الكويت اتصلت بمركز الصيانة عشان اطلب قطع غيار قالولي ان لازم يعملو اوردر لماليزيا ليها وكانت قطع غيار عادية و نفس الحال حصل معايا في جدة .
اعذروهم لان العربية عموما مش متواجدة والسبب هي ضعيفة جدا بالنسة للسيارات الموجودة هناك .

[OSAMADAWOOD]

ms-fayed
مركز الراجحي الدولي مخرج 18 طريق مكه وده رقم شخص كده عنده كل قطع الغيار 0507109788
وده رقم ميكانيكي في العويضه عند السالم للزجاج لو مش عايز تتعب سيبله العربيه وهو هيعمل كل حاجه 0530627157

[ms_fayed]

RedBull_30 ، شكرا على الاهتمام والنصيحة ياباشا


OSAMADAWOOD ، شكرا جزيلا على المعلومة ، جزاك الله كل خير