ادامى عربيه ويرا ب 42 ايه رأيكو يا ويراويه

[ahmode]

سلام عليكم
انا قولت حتى قبل ما اجيب حد يشفها لازم اخد رأى خبراء الويرا فى المنتدى

العربيه ويرا 2005 -ناقل حركه اوتوماتيك 1500(صوت الماتور كويس) +ازاز كهربا +باور+مفيش سنتر لوك +راشه بره كله بالسقف+فابريكا دواخل + حاسس ان الشنطه كانت مخبوطه لانها مفارقه شويه من ناحيه
الفرش من جوه مش بطال (مش متهان ولانضيف اوى)وكذلك التابلوه مش متبهدل اوى يعنى ماسك نفسه +الرخصه باقى فيها 3 شهور مرور شرطه القاهره +عامله 120000 كيلو دى كل معلوماتى عنها
طالب فيها من غير ما نتكلم 42000
ارجو الرد يا شباب و ربنا يصلح الحال

[aboomar22]

ملاك الويرا هما اللى هيقدروا يجاوبوا حضرتك لكن هقولك عن تجربتى واحد صاحبى معاه نفس الويرا 2005 بس مانوال ركبتها مره بصراحة اداءها كان مفاجاه بالنسبة لى سحب نعومة اتزان هدوء بجد كنت حاسس انى راكب يابانى المهم قلتله العربية دى حلوة قوى بيعهالى قالى لا بلاش هى صحيح حلوة وقطع غيارها متوافره عكس الناس ماهى متصورة لانها تقريبا نفس اللانسر انما تقيله فى البيع وعلى فكره صاحبى تاجر سيارات

[mhmd_farouq]

120 الف كيلو ؟ .. كتيير اوي يا معلم .

[ahmed_h_g]

لو حالتها ممتازه أنزل فى سعرها شويه وأشتريها

[mhassan9]

120 الف كيلو ؟ .. كتيير اوي يا معلم .

مش كتيير طبعا بيقولك موديل 2005 ومرور القاهرة يعني مش أقاليم متخيل هتبقي مشيت كام؟؟
علي فكرة العداد مبقاش مقياس قوي حالة العربية هي الحكم ساعات تلاقي عربيات عاملة 50 ألف ومفحوته دا غير اللعب في العدادات أساساً.
كمان العداد بيأثر في السعر ما دام التأثير موجود والعربية كويسه يبقي أيه المشكلة.
وعامة عمر الماتور في الغالب 250 ألف كيلو لو أتحافظ عليه
صاخب الموضوع أخسر 250 جنيه وأكشف عليها في التوكيل عشان تبقي مطمن والسعر ان شاء الله أصحاب الخبرة يفيدوك فيه

[MOSTAFA.EID]

بصراحه انا شايف سعرها كويس .. وكيلو متر معقول جداااا .. انا مشتري الويرا بتاعي مو 2004 من سنه وكانت ماشيه 135 الف كيلو ... نصيحه روح بيها وصاحب العربيه معاك بنزينه شيل اللي في المعادي علي طريق الاتوستراد هي 100 جنيه والعربيه هيتكشف عليها حته حته .. والف مبروك مقدما

[ahmode]

الف شكر يا شباب

[yousefsemsem]

توكل عل الله ولوعرفت تنزل حاجه يبقي انت اللي كسبان لان سعرها في طنطا اعلي من كده
عربيه زي ديه هنا مابيتكلموش اقل من 45 و1300 مش 1500