مرايه الواجا

[m.aligamal]

بعد كسر المرايه اليمين بتاعتى وبعد طول بحث وجدا ان مرايات النوبيرا 2 بتركب على الواجا بتعديل بسيط جدا جدا واشيك من المرايات الاصليه
وسعهرها حوالى 300 ج استيراد للمرايتين كهرباء

[eng.m7md.ali]

القاعدة ولا المراية نفسها ولا كلها؟ .. اصل انا اتخنفت من اللي عندي هنا عشان بتوع دريكسيون يمين ولبستهم للاسف .. ياريت برضو توضحلنا ايه هو التعديل

[abdohod]

ياريت صور وتفاصيل اكثر .... ونكون شاكرين جداااااا

[m.aligamal]

يا جماعه المرايه كامله بالقاعده انتا بتشيل مرايتك الاصليه وبتركب مرايه النوبيرا 2 الموضوع مش صعب انتا بتجيب مرايه النوبيرا وتروح لصنايعى ابواب وتقله عدلى المرايه دى وركبها مكان الاصليه تقريبا بيخرم خرم واحد فى الصاج الداخلى للمرايه وعمرها مبتبان طبعا وبيبيت المرايه الجديده مكان الاصليه وبعد كده الكهربائى يوصل سلوك الكهربا عشان تشتغل مرايات كهرباء
عن تجربه نفسها بل اشيك مرايات النوبيرا 2

[eng.m7md.ali]

[QUOTE=m.aligamal;3875311051]يا جماعه المرايه كامله بالقاعده انتا بتشيل مرايتك الاصليه وبتركب مرايه النوبيرا 2 الموضوع مش صعب انتا بتجيب مرايه النوبيرا وتروح لصنايعى ابواب وتقله عدلى المرايه دى وركبها مكان الاصليه تقريبا بيخرم خرم واحد فى الصاج الداخلى للمرايه وعمرها مبتبان طبعا وبيبيت المرايه الجديده مكان الاصليه وبعد كده الكهربائى يوصل سلوك الكهربا عشان تشتغل مرايات كهرباء
عن تجربه نفسها بل اشيك مرايات النوبيرا 2[/QUOTE]

وهيا نفس الفيشة ولا بتتعدل هيا كمان؟

[m.aligamal]

بص ياباشا لو ركبت المرايا على وضعها بتختلف مع زراير الكهربا الى فى العربيه يعنى ممكن تعمل سهم يمين للمرايه يعمل شمال او فوق يعمل تحت الكهربائى بيفك المرايا نفسها وبيغير السلوك الى بتخش على الموتور بتاع المرايه بحيث ثتمشى مع المرايا الموضوع مش صعب انا كلفنى الموضوع بالظبط 140 جنيه جوز المرايات من بورسعيد لقيتهم على فرش على الارض بيتباعوا فى المحلات ب300 ج وبتاع الابواب عدل ب20 حتيه كل الى عمله خرم خرم فى كل جنب وحط المرايا الجديده مكان التانيه وبعد كده الكهربائى ظبط السلوك الى رايحه للمرايه مع موتور المرايه وخد 40 ج طبعا المرايا الى عندى كانت مدمره وسالت عليها كانت عامله فى حدود 400 جنيه الواحده طبعا مرايات النوبيرا اشيك

[eng.m7md.ali]

موضوع يستحق التجربة