محتاج موتور جين 2 استيراد

[hassanelzaeem]

محتاج اعرف البلوكة بوش بتاعة الجين تو عامله كام انا سمعت انها عامله 9000 جنيه الكلام ده صح ولا ايه

[eng.m7md.ali]

محتاج اعرف البلوكة بوش بتاعة الجين تو عامله كام انا سمعت انها عامله 9000 جنيه الكلام ده صح ولا ايه

9000 ليه يعني ؟ ابو تريكااا؟؟

اكيد اقل طبعا ياكبير ولو طلع بالسعر ده فعلا هات المايفك 2400 بالكنترول والفتيس والعفشة والضفيرة وكل حاجة هيعمل في حدود 8000

[gadieb]

السعر ده مغالى فيه جدا وبعدين يعنى ايه بلوكه بوش؟
انا ليه صديق ليسه مغير شورت بلوك لسيات توليدو بـــ 4000 جنيه بالتركيب
اكيد فى حاجه غلط فى الرقم ده

[Abdulhamid]

في واحد صاحبي معاه جين 2 كان سأل على الشورت بلوك وبيقولي انه بـ 9000 برده!
حد من الافاضل ينصح ببديل لان السعر ده غالي اوي!

[medokassem]

لا السعر كده مش غالي بالنسبه لعربية انتشارها متوسط
السيراتو 2009-2012
والالنترا 2007-2011
عارفين مكنهم 1600 بكام ب 9000- 10000 :)

[eng.m7md.ali]

لا السعر كده مش غالي بالنسبه لعربية انتشارها متوسط
السيراتو 2009-2012
والالنترا 2007-2011
عارفين مكنهم 1600 بكام ب 9000- 10000 :)

حاجة السيراتو اصلا غالية .. شوف مراية الاتنين هنا بكام ودي بكام .. شوف مثلا الباب كامل ولا مكنة ازاز هنا بكام وهنا بكام؟؟ ...

لو فعلا سعر الشورت بلوك ب 9000 يبقي سقط مايفك لان اغلب اللي معاه بروتون وبيغير موتور بيسقط المايفك علطول عشان هيدور علي اداء اعلي دايماً

[Motarjim]

في واحد معاه جين تو لسه عامل لها تعديل، ومسقط موتور Mivec، وغيّر كذلك الفيتس والكنترول والرادياتير والعفشة كاملة، وطقم جنوط Mivec مقاس 16، وإجمالي التكلفة 17 ألف جنيه.

[ahmed_h_g]

ممكن تغير بكذا موتور متاح مش لازم موتور الجين

[yousefsemsem]

السعر ده انت اكيد سمعته عند ملك البروتون في واحد في طنطا اسمه البهي المكنه بتاعتها موجوده عنده كامله ب7500 بفتيسها وضفيره وكنترول

[Abdulhamid]

ممكن يا أ/ أحمد تقولنا على البدائل الاخرى لموتور الجين 2 ؟

وهستأذن أ/ يوسف يدينا رقم تليفون البهي بتاع طنطا..

أنا صاحبي ده اول ما سمع 9000 جـ في الموتور قرر يبيع العربية على حالتها كده d:

[yousefsemsem]

بدائل الموتور بتاع الكرستاله او البومه
رقم تليفون الراجل 01066591117

[Abdulhamid]

شكراً جزيلا يا أ/ يوسف :))

[uniform]

تسقيط موتور هيكلفك 12000 بالمصنعية عشان ترجعها لحالنها الاولي ومتبقاش متعابة...

[Abdulhamid]

أ/ يوسف ممكن رقم أرضي لمحل البهي لأنه مش بيرد على الموبايل خالص! عايزين نستفسر منه على الموتور ونسأله على عنوانه بالضبط في طنطا قبل ما ننزله من القاهرة ان شاء الله..

[yousefsemsem]

باذن الله بكرة الصبح هروحله واسالهولك بالتفصيل وارد عليك وهو عنوانه علي الطريق السريع وانت جاي من مصر في طنطا هتطلع كوبري وتنزل وتاني كوبري هو تحتيه