تجربتى مع الغاز

[m.aligamal]

الحمد لله بعد بحث مستفيض وتجارب ميدانيه ركبت الغاز الطبيعى فى سيارتى الواجا
طبعا الفضل لله ثم لاعضاء المنتدى الى وضعوا الصوره كامله امام عينى حتى لا افاجىء باى شىء فكان واضح من الاول المزايا و العيوب
وانا اريد ان اشرح من خلال تجربتى المزايا و العيوب
الاول العيوب
فقدان جزء كبير من الشنطه
قله عدد محطات الغاز وبالاخص على الطرق السريعه
زياده عدد المرات التى تتردد فيها على المحطات
سعه الاسطوانه فى السفر لا تسعف يعنى الاسطوانه تكفى من 170 الى 200 كيلو فتضطر انك تحول بنزين
المزايا
اولا توفير كبير جدا فى مصاريف البنزين يعنى انا سافرت الى الاسكندريه 190 كيلو تقريبا وفولت -ضغطت-ب7 جنيه يعنى 7 جنيه دى انا ممكن ادفعهم فى ركنه ساعتين فى جراج فى وسط البلد
ثانيا :معدل السحب ممتاز فارق ضعيف جدا يكاد يكون غير ملحوظ ومحمل ومشغل التكييف عادى وماشى 140 فى الطبيعى
ثالثا :مده الانتظار فى محطات الغاز تكاد تكون معدومه يعنى بالكتير 5 دقائق
البعض بيقول ان الغاز بيدمر الماتور طبعا هذا الكلام مغلوط تمام والدليل على ذلك انى ركبت مع سواقين تاكسى وسيارتهم حديثه يعنى فيرنا ولانسر وتيوتا byd وسيارتهم ماشيه فوق 200الف فى عامين او ثلاثه اعوام ومركبين غاز بعد ال10 او 15 الف الاولى من الزيرو ومحدش عمل عمره او نص عمره التزامك بالصيانه الدوريه والمحافظه العامه على السياره هو الى بيخلى العربيه تعيش معاك والموضوع مش متعلق بالغاز الموضوع عام يعنى كمان الاجهزه الجديده للغاز بتشتغل بنزين و بعد كده بتحول لغاز بعد التسخين ده بيحافظ على عمر الموتور فلذلك لما تلاقى سيارات مشغله غاز ومشيت بالغاز الاف الكيلوات ولسه الماتور بكفائته وتلاقى سياره اخرى عايزه عمره يبقى العيب مش فى العربيه العيب فى طريقه و اسلوب التعامل مع السياره
لما تقارن العيوب بالمميزات اعتقد انه قرار صائب جدا و تاخر كثير
تكلفه التحويل كانت 6500 ج وحولت فى شركه غاز تك -ناس محترمه-قسطت المبلغ على سنه بدون فوائد 541 ج فى الشهر وتعاقدت و حولت فى نفس اليوم واتسغرق موضوع التحويل 4 ساعات علما بان الاسطوانه المركبه هى 70 والاجهزه ايطاليه تعتمد على فكره حقن الغاز مباشره وهى بتتركب على السيارات الانجكشن
حبيت اشكر كل الزملاء فى المنتدى الى ساعدونى فى هذا القرار واخص بالشكر
الاستاذ مصطفى حسن...zarif -

http://www.nilemotors.net/Nile/337432-a.html

الاستاذ
ahmed1981

http://www.nilemotors.net/Nile/47732-convert-cars-n-g-step-step.html

والشكر موصول لجميع الاعضاء

[Osama.shihata]

انا سعيد بنقلك للتجربة جدا - ربنا يباركلك فيها
ممكن نتقابل اشوف هما مركبين ايه فى الموتور
او تصورلنا الموتور

[Ahmed Mubarak]

مبروك وربنا يباركلك فيها

[hossam_elwani]

مبروك عليك

بفكر اعملها فى الكروز قدام شويه

[saddam]

صديقي المواطن
بالتوفيق وما دمت حضرتك مرتاح فكلنا سعداء عشانك ومفيش عيب للغاز غير موضوع إنك لازم تمون كل شوية بسبب العربيات الملاكي متاخدش إسطوانات كبيرة ولكن خد بالك لن فيه فنان وخبير في لحام اﻷوكسجين حيوصل مواسير ويفصل خزانات تحت العربية بأي شكل وكذا واحد في أي حته فاضيه وفي اﻵخر ممكن التموينة تعدي معاك ال 400 كيلو بس إحنه في مصر مبنحبش نتعب بنحب نركب والسلام وربنا يبسطك كمان وكمان بكره إنت حتوقف وتضحك علينا لنا حتلاقي الناس إتدمرت بمنظومة الكروت الذكية وتقنين الدعم والهجمة اللي حتحصل على التحويل للغاز وساعتها أفكرك عشان تخش تمون حتقعدلك نص ساعة أقل واجب
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال

[m.aligamal]

شكرا للساده الاعضاء على مرورهم الكريم على موضوعى واستكمالا لهذه التجربه
فولت تانك الغاز من الاسكندريه -محطه ماستر فى العاصفره -وتوجهت الى المنصوره الطريق الدولى الساحلى الا ان انتهى الغاز تماما من الاسطوانه لحساب عدد الكيلوات فى الاسطوانه وفضت الاسطوانه بعد 230 كيلو بالضبط قرب الوصول الى المنصوره واعدت ضغطتها من جديد من محطه غاز تك على طريق المنصوره دمياط الزراعى امام مدارس الدلتا
الحقيقه اداء الغاز مقنع جدا جدا ولا توجد اى مشاكل فى السحب او الاداء على الطريق
العيب الوحيد الحقيقى هو صغر الشنطه

[mahmoud869]

مبروك

[محمد طايع]

مبروك التحويل
واظن ناس كتير مننا هتفكر فى التحويل لغاز فعلا بعد موضوع كروت البنزين ما يتطبق

[S O P H O S]

الف مبروك
تجربة جيدة