عريبتي الجين تو اتقلبت بيا ... ارجو المساعدة ضروري بالله عليكم موقف لا احسد عليه

[Rushdan]

السلام عليكم و رحمة الله و بركاته ...
العربية اتقلبت بيا بس الحمد لله طلعت منها بشوية كدمات لان الاير باج فتحت و الحمد لله قومت بالسلامه و جيت بقا لخطوة التصليح هوركم صور الاول عشان تقولو رايكم و عاوز اعرف هل قطع الغيار ممكن اسأل عليها و انا في بلدي و لا لازم اروح الحرفيين .. الاير باج تعمل كام كده ؟
السقف كده لازم يتغير و لا يترد

[marieneer]

الحمد لله على سلامتك . قدر الله وما شاء فعل وربنا يعوض عليك خير.
متابع معاك

[Rushdan]

الله يسلمك يا رب سمعت عن ورش في الحرفيين متتخصصه زي التوكيل و هتبقى ارخص ؟ بتشلها من كله ؟

[fares_311]

حمد الله على سلامتك

انت مأمن؟

[abkarabkar78]

الحمد لله علي سلامتك قدر الله وما شاء فعل والمهم انك بخير وزي ما قال احد الزملاء الحرفيين هتكون افضلك

[marieneer]

هو طبعا ورشه ارخص من التوكيل بكتييييييير. بس انا معرفش هل الورشه هيعرف يظبط العربيه؟ لان قلبتك دي ساعات مبتبقاش سهله.ساعات بتحتاج شغل في الحوض وزراجين وكده.وان شاء الله هتلاقي حد من الساده الاعضاء يرد عليك بالمفيد.
ربنا يعوض عليك.

[J A G U A R]

الف سلامه

[abaza2107]

لا حول ولا قوه الا بالله
قدر الله وما شاء فعل اهم حاجه سلامتك مش مهم الحديد ولا تزعل نفسك
اهم حاجه في التأني السلامه
وجرب كده تكلم ا/ كريم منير وشوف رايه ايه وهوا هيفيدك سواء مأمن او غير مأمن
وربنا يعوض عليك .

[Merooxx]

ربنا يعوض عليك وأنصحك لو هتتكلف كتير بعها واستريح

[Rushdan]

الله يسلمكم يا جماعة لا انا مش مأمن .. و لا حاجة بس الله يكرمكم بس هل ينفع اسأل على قطع الغيار و كده من بيتي عشان اعملها ميزانية و لو حد يعرف حاجة في الحرفيين يفدني ربنا يكرمه

[Rushdan]

لو هبعها هخسر فيها كتيير ..

[Rushdan]

انا معرفش مين استاذ كريم منير ..

[spidars]

الف وربنا يرزقق احسن منها وانا من رائي احسبها ولو حضرتك صلحتها شوف هتكلفك كام مش اقل من 30الف وبعد متصلحا لو جيت تبعها هتجبلك كام علي ما اعتقد 60الف يبقا من رائي تبعها زي ماهي وبالتمن الي هتصرفه علي تصلحها والي هتخدو من بعها تشوفلك حاجه تانيه لانك بعد كده هتتعقد منها وتخاف تمشي بيها تاني

[Rushdan]

لو بعتها هاتجبلي كام يعني دي موديل 2010 كانت عاملة 76 اما جبتها

[aldesha989]

قدر الله وما شاء فعل وحمد لله على سلامتك وربنا يخلف عليك ان شاء الله