استفسارات لخبراء الجين تو

[El-Mans]

السلام عليكم

بعد اذنكو يا رجاله ، انا ملقتش احسن منكوا يفيدني في كام استفسار كده بخصوص العربية ، العربية لسه 2013 و عامله 10.000 كم

مبدأيا .. الريموت
الريموت كده كده مش بيقرا من بعيد ، و ده انا سألت فيه اكتر من واحد في ابو رواش لما كنت في الصيانه
المشكله عندي انه بيعلق كتير ، يعني اوقات مش بيفتح الا لما افضل دايس ع الزرار دقيقه مثلا و نفس الكلام في القفل . غيرتله الحجارة و مجابتش نتيجة برضه !! دي حلها ايه !!

مشكلة المقابض و الاوكر بتاعة الابواب جوه و بره ، و قولتلهم كذا مره ف الصيانه بيزيتوا المقابض و يقولي اتحلت ، بتتحل جزئيا و بعدها بترجع تاني
لما سألت ، ناس دلوني على واحد عندنا بيظبط الابواب بتاعة الجين تو عن تجربة ، رحتله و سألته بيعمل ايه بيفك الابواب و الكاوتش بتاع الابواب و يظبطهم و لو في مشاكل في المقابض و الاوكر بيفتح الابواب و بيظبطها .. الناس مجرباه و بيقولوا عليه كويس .. بس انا مستحرم اعمل فيها حاجه دلوقتي و هي مابقالهاش كام شهر معايا !!

و شكرا مقدما للردود :)

[tornado_5m]

ان شاء الله المشاكل الي عندك تتتحل وقولهم عليها في التوكيل تاني بس ممكن تقولي على مكان الراجل بتاع تزبيط الابواب ده
وشكرا

[RedBull_30]

بعد ما تفتح اي باب عربية هتلاقي في الجنب قفل الباب اللي بيمسك في حلقة القايم .. هو ده بس اللي بيتحطله زيت ومن غير ما يفك اي جزأ من الباب , و ده حصل معايا قبل ما ابيع العربية بشهرين تقريبا وكان واحد مخصص لتصليح الابواب في 6 اكتوبر وكان عنده خبرة واضحه بمشاكل ابواب والاكر بتاعت الجين 2 ..

[Al-Farooq]

العربية عندى لما كانت زيرو كانت بتعمل كدة بردو بخصوص الريموت
كنت بدوس علي الزرار اكثر من مرة علشان يفتح وكان بيفتح بعد مرتين ثلاثة"مكنتش بعلق ايدي دقيقة"
بعد شهرين ثلاثة مبقتش تعمل كدة .

بخصوص الابواب - الباب الخلفي شمال بيحتاج يتقفل بشدة شوية خلاف باقي الابواب.

[Al-Farooq]

وكان واحد مخصص لتصليح الابواب في 6 اكتوبر وكان عنده خبرة واضحه بمشاكل ابواب والاكر بتاعت الجين 2 ..

مكانه فين في اكتوبر ياباشا ؟

[uniform]

مكانه فين في اكتوبر ياباشا ؟

متابع

[RedBull_30]

عفوا يا حضرات انا مكنتش متابع الموضوع من وقتها .
قدام قسم الحي السابع فيه مدرسة .. المدرسة بجوارها ساحة انتظار سيارات كبيرة .. هتلاقي المحل هناك .

[El-Mans]

ان شاء الله المشاكل الي عندك تتتحل وقولهم عليها في التوكيل تاني بس ممكن تقولي على مكان الراجل بتاع تزبيط الابواب ده
وشكرا

اسف يا باشا ع التأخير في الرد .. بس الراجل ده ف دمياط عندنا
معرفش حد في القاهرة والله ، لو هتنزل دمياط ف اي وقت قوللي وانا هوديك ليه

[El-Mans]

العربية عندى لما كانت زيرو كانت بتعمل كدة بردو بخصوص الريموت
كنت بدوس علي الزرار اكثر من مرة علشان يفتح وكان بيفتح بعد مرتين ثلاثة"مكنتش بعلق ايدي دقيقة"
بعد شهرين ثلاثة مبقتش تعمل كدة .

بخصوص الابواب - الباب الخلفي شمال بيحتاج يتقفل بشدة شوية خلاف باقي الابواب.

تمام .. كلامك مظبوط بخصوص الباب اللي ورا شمال ده هو اكتر واحد باين فيه المشكلة
بخصوص الريموت ، العربية داخله على سنه معايا و لسه لحد دلوقتي نفس الموضوع .

[memo_p910]

لمس طرف المفتاح في جسم العربيه هاتلاقيه شغال على طول