بروتون ويرا ٢٠٠٥ اجيبها؟

[yasserrh]

السلام عليك
ارجو المساعدةة
قدامى بروتون ويرا٢٠٠٥ حلتها كويسة من حد معرفة
من الاخر اشتريها ولا بلاش يعني ليها قطع غيار فى اسكنرية و سعرها حلو و لا
هو طالب ٣٥ ملاكى قاهرة يعنى نقل رخصة و حوارات

[yousefsemsem]

ده كده ببلاش اتفرج عليها وتوكل وماتفاصلش كمان لو عاوز تبيعها في ساعتها وتكسب 5000 تعرف تبيعها ده 5000 بالميت

[khalid_adel]

ازاي دي بيطلب فيها 50-45 بالميت

[yousefsemsem]

هي بتبقي حظوظ بصراحه في البيع والشراء ده ليا صاحب ليا بسم الله ماشاء الله وقع في واحده 2006 بره وجوه مكنه وعفشه ممتازه وخلصت ب40 و1500 مانويل فبتبقي حظوظ بصراحه

[besso33]

مفيش حاجة اسمها ويرا ب 45 ولا حتي ب 40000 واللي عايز يتأكد من كلامي يتابع الاعلانات والحالة واخر التفاوض في السعر وعن تجربة شخصية والله،، الجمعة اللي فاتت كنت بشوف عربية ويرا 2005 اتوماتيك وصاحبها كان ماسك في 35000 وانا كان اخري معاه 33000

[yousefsemsem]

ياباشا حضرتك احنا معانا عربياتويرا وعارفين سعرها كويس لسه بنجيب والله برضه عربيات عربيتي اتحطلي فيها 43 ماردتش و2004 اللي بيبيع كده بالاسعار القليله يبقي فيها حاجه او عاوز يخلص منهاانزل معارض واسال بقي انت مالكش دعوه بالنت ي واحده 2006 بره وجوه معادا رفرف ورا وماسك علي 53 1500 منول

[yousefsemsem]

وبعدين ياباشا 33 اللي حضرتك بتكلم فيهم مايجبوش شاهين او لادا موديل عالي
لكن ديه بروتون ويرا في فرق

[besso33]

وبعدين ياباشا 33 اللي حضرتك بتكلم فيهم مايجبوش شاهين او لادا موديل عالي
لكن ديه بروتون ويرا في فرق

لو حضرتك عايز ارقام التليفونات تروح وتعاين بنفسك انا تحت امرك

[memo_p910]

33 الف لويرا 2005 كلام غير منطقي السعر حسب معلوماتي الاخيره من 42000 وطالع لهذا الموديل والويرا محترمه فعلا وتستحق اكثر من الفيرنا واللانوس في رأيي

[yousefsemsem]

لو حضرتك عايز ارقام التليفونات تروح وتعاين بنفسك انا تحت امرك

ياباشا انا عاينت كتير من الاسعار ديه عربيات متبهدله وصاحبها ضاحك عليها بوش بويه نضيف وعاوز يخلص منها ﻻن قليل شويه انك تلاقي حاله في العربيات ديه

[ahmed_h_g]

فعلا" سعر ال2004 أو أعلى فى الأربعينات
غير كده تبقى محتاجه شغل

[yasserrh]

شكرا يا شباب على الردود

[egawady]

الميكانيكى بتاعى لسه شارى الشهر اللى فات بروتون ويرا 2005 خدها على 42000 جم ومانيوال .... بس عربية ما شاء الله ... تشوفها تقول زيرو ....