واجا 2008

[moH Aladdin]

السلام عليكم جميعا ,,

انا لسة جديد فى عالم البروتون
معايا واحا موديل 2008 العربية حلوة بالنسبة لسعرها و مشاكلها ببتلخص فى الفرامل تقريبا دة اللى انا سمعتوا

بس عندى استفسار .. لمبة الفرامل بتاعة الهاند بريك منورة علطول ولسة مسألتش حد عليها

ولمبة فرامل ال ABS لونها اصفر وبردو علطول منورة

فا لو حد عارف اية المشكلة يقولى عشان ماروحش لحد ويقولى اى كلام

شكرا جزيلا

و كل مولد نبوى شريف وانتم جميعا بخير

[eng.m7md.ali]

مبروك عالعربية

لمبة الهاند بريك يبقي محتاج تزود زيت الفرامل

ولمبة الabs محتاجة جهاز كشف اعطال عشان يقولك في مشكلة ولا لا .. وغالباً السبب حساس من حساسات ال 4 عجلات

[moH Aladdin]

مبروك عالعربية

لمبة الهاند بريك يبقي محتاج تزود زيت الفرامل

ولمبة الabs محتاجة جهاز كشف اعطال عشان يقولك في مشكلة ولا لا .. وغالباً السبب حساس من حساسات ال 4 عجلات

شكرا ليك والله يبارك فيك

هو انا كشفت على زيت الفرامل لقيتة عند max

سؤالى على لمبة ال abs هو من الطبيعى انها تفضل منورة اصفر كدة ولا بتبقى مطفية
ولو حساس من الاربع عجلات دة بيتغير ولا بيتصلح ولو يتغير ياريت لو عارف سعرة تقولى
ولو هاروح اكشف على اعطال فى العربية تنصحنى اروح فين ؟؟

شكرا جزيلا يا فندم على وقتك

[eng.m7md.ali]

تحت امرك

الطبيعي ان اللمبة تبقي مطفية .. بتظهر بس وحضرتك بتدور العربية

وممكن تكشف علي العربية في مركز عصام صفا او اي ميكانيكي عندي كومبيوتر كشف اعطال .. ولو اتسجل عيب علي الجهاز هيقولك ايه بالظبط المشكلة .. وممكن ميكونش في مشكلة من الاساس هيشيل بس اللمبة المنورة دي وخلاص

[moH Aladdin]

تحت امرك

الطبيعي ان اللمبة تبقي مطفية .. بتظهر بس وحضرتك بتدور العربية

وممكن تكشف علي العربية في مركز عصام صفا او اي ميكانيكي عندي كومبيوتر كشف اعطال .. ولو اتسجل عيب علي الجهاز هيقولك ايه بالظبط المشكلة .. وممكن ميكونش في مشكلة من الاساس هيشيل بس اللمبة المنورة دي وخلاص

انشاء الله هاروح على عصام صفا
طب هو فى اجراءات بعملها قبل ماروح .. اتصل احجز معاهم مثلا

ولو مفيهاش مشكلة وشال النور اللى شغال علطول دة هتبقى التكلفة كام .؟

او الكشف عندهم بكام عشان انا لسة جايب العربية و عملتلها طقم سيرفيس و تقريبا مخلص الفلوس اللى معايا
تفتكر امشي عليها زى مهيا كدة فترة من الوقت لحد اما اروح لان انا حاسس ان العربية ماشية كويس مفيهاش مشكلة

شكرا والأمر لله وحدة :)