صوت غريب

[abdoumahros]

السلام عليكم
بسمع صوت غريب في موتور الساجا روحت لميكانيكي وقالي ده المانيفولد وانه عيب شائع في البروتون وقالي مافيش منه خطر او ضرر علي العربيه فهل ده صحيح؟
وهل له بدائل ولا لازم الاصلي وياتري سعره كام
وشكرا مقدما

[hamisa08]

سوال لولبى يعنى ايه مانيفولد ؟؟

[egawady]

أى محرك أحتراق داخلى (مثل محركات السيارت ) يوجد نوعين من المانيفولدات

1- مانيفولد الدخول للهواء الفرش البارد وبنسميه هندسيا intake manifold

وده اللى بيخش منه الهواء القادم من فلتر الهواء لأسطوانات الحريق بالمكنه

2- مانيفولد العادم وده بنسميه هندسيا exhaust manifold ( أى مانفولد العادم ) وبيسمى لدى الصنايعيه بفرن المكنه (نظرا لسخونته الشديده من غازات العادم الخارجه من صبابات العادم ) الى خط الشكمان

بالمناسبه .... كلمة مانيفولد بتترجم إلى مشعب ( أى مخرج ذو تشعبات )