عملت حادثه النهارده ومحتاج مساعده :(

[Mahmoud Mok]

قدر الله ماشاء فعل عملت حادثه بس الحمد الله قدر ولطف
دلوقتى العربيه هيا بروتون ويرا 2000
اللى حصل كالتالى الاكصدام ادغدغ ,والريداتير اتدهمش من تحت , والفتيس العلبه بتاعته فيها كسر
وودتها الحرفيين وسايبها هناك
لان الشاسيه اتعوج من تحت ومواله موال وقالى ياما يعمله بزرجينه او هيحتاج يقص وانا فكره القص دى هتدخلنى فى قصص تانيه انى لسه هدور على جزء زى اللى عندى ويلحم ويدهن وهياخد وقت طويل والصنايعيه يومهم بسنه .

المهم قالى هيشوف الفتيس محتاج يتغير ولا الكفر بس العلبه يعنى

فانا نزلت عشان اسال على اسعار الفتيس المانيوال لقيته جديد ب 1700
ومستعمل استيراد 1100

والاكصدام ب 300 جديد بلاستك
حاولت ادور على استيراد لاقيت بالعافيه واحد وطلعان عين اهله وفى شرخ والراجل بيقولى ممكن الحمهولك وهدهولك ب 200 جنيه

والريداتير بيقولى 500 جنيه تقريبا

ماحدش يعرف محل قطع غيار يكون محترم واشترى الحاجه منه وانا مطمن مع العلم انى ساكن فى مدينه العبور

[ahmed_h_g]

أولا الف سلامه عليك والحمد لله انك بخير
ثانيا" الأسعار غاليه
اللي تعرف تجيبه أستيراد أفضل شرط الحاله زي الردياتير والأكصدام
بالنسبه للجديد أطلع على شارع دمشق محل مكه ومحل المدينه أو أطلع على أولاد منصور فى الجيزه
أرقام تليفوناتهم هنا

http://www.nilemotors.net/Nile/103347-a.html

بالنسبه للأستيراد عليك وعلى أستاذ محمود فى وكالة البلح رقمه
01227761338 كلمه الصبح حوالي الساعه 10 ونصف قبل ما يتشغل

بالنسبه للفتيس أنا عندي فتيس بايظ والحله سليمه لو تحب تنقل فيه الفتيس اللي عندك أو ممكن تشتريه من أ/محمود اللى فى الوكاله أستيراد أفضل من التصليح
ولو محتاج مساعده كلمني 01068442242 م/أحمد

[ahmed_h_g]

لقيت الفتيس جديد عند مين ؟

[ahmedsamy90]

1000 حمدلله على سلامتك ......

[J A G U A R]

الف سلامه عليك

[Mahmoud Mok]

أولا الف سلامه عليك والحمد لله انك بخير
ثانيا" الأسعار غاليه
اللي تعرف تجيبه أستيراد أفضل شرط الحاله زي الردياتير والأكصدام
بالنسبه للجديد أطلع على شارع دمشق محل مكه ومحل المدينه أو أطلع على أولاد منصور فى الجيزه
أرقام تليفوناتهم هنا

http://www.nilemotors.net/nile/103347-a.html

بالنسبه للأستيراد عليك وعلى أستاذ محمود فى وكالة البلح رقمه
01227761338 كلمه الصبح حوالي الساعه 10 ونصف قبل ما يتشغل

بالنسبه للفتيس أنا عندي فتيس بايظ والحله سليمه لو تحب تنقل فيه الفتيس اللي عندك أو ممكن تشتريه من أ/محمود اللى فى الوكاله أستيراد أفضل من التصليح
ولو محتاج مساعده كلمني 01068442242 م/أحمد

أولاً شكراً على زوق حضرتك واهتمامك :) وده لوحده شئ اسعدنى
انا لما لفيت على الاكصدام لقيت كالتالى محل اسمه مؤسسه العليا اولاد رجب قالى ان عنده اقصدام قديم بس فى قطع بسيط ممكن يلحمهولى وهيحسبهولى على 200 جنيه وطبعا ده لسه هيترش
وطبعا انا قبليها لفيت كتير عشان اللقى اكصدام استيراد ملقتش كله جديد بلاستيك اللى لو لمسه يتكسر مليون حته

وسالت على محل ثانى اسمه الراعى قالى انه عنده اكصدام بروتون 2005 وده بيركب على بروتون 2000 وتكلفته حوالى 300 جنيه


_ بالنسبه للفتيس ربنا يستر بقى انا منتظر بس اكلم الناس فى الحرفيين عملوا ايه لانهم كانو بيشيلو الماتور عشان يشوفو الفتيس ايه دنيته وكمان يظبطوا الشاسية

فا ان شاء الله هكلمهم النهارده ولو المشكله مكنتيش فى الفتيس وكانت الحله بس فطبعا يبقى ربنا يكرمك لانى تقريباً امبارح بعد الحادثه نزلت بليل عشان اسال عشان اكون عامل حسابى


- لقيت الفتيس جديد عند محل الراعى فى واحد اسمه مايكل اسحاق تقريباً
وزى ماقولت انه كان عامل 1700 وسالته طيب ايه الدنيا قالى لما تنوى بس قول ونشوف الدنيا ومتقلقش


وهتصل بأستاذ محمود ان شاء الله النهارده عشان اعرف منه الاسعار والحجات موجوده ولا لا وربنا دييسر الحال

وربنا يخليك مره ثانيه يا بشمهندس على تعبك :) :)

[Mahmoud Mok]

1000 حمدلله على سلامتك ......

الله يسلمك يا ا.احمد
الحمد الله قدر الله ماشاء فعل
الحمد الله :)

[Mahmoud Mok]

الف سلامه عليك

الله يسلمك يا كبير :)

[ahmed_h_g]

ممكن تجيب أكصدام ال2004 شكله أفضل وتمنه حوالى 230ج جديد فى شارع دمشق وأشتري معاه الشبكه والعلامه هيبقى شكلها أفضل

[S O P H O S]

الف حمد الله علي سلامتك
الحمد الله انك بخير

[Mahmoud Mok]

ممكن تجيب أكصدام ال2004 شكله أفضل وتمنه حوالى 230ج جديد فى شارع دمشق وأشتري معاه الشبكه والعلامه هيبقى شكلها أفضل

بس المشكله انى سالت فعلا على الجديد وكذا حد قالى انه مش بيستحمل الخبطات
هو الحمد الله لحد دلوقتى اهو السمكرى شغال فى العربيه
والفتيس الميكانيكى قالى هيتغير كله مش الحله بس :(
المهم الحمد الله على كل حال
ودعواتكم عشان مسحول اليومين دول ومش عارف اريح بعد الحادثه

[Mahmoud Mok]

الف حمد الله علي سلامتك
الحمد الله انك بخير

ربنا يخليك يا كبير الحمد الله على كل حال :)

[MOSTAFA.EID]

الف سلامه .. المهم انك بخير وربنا يعوض عليك