العربية مش راضية تدور :(

[mahmoud_dev]

السلام عليكم

لسه شاري بروتون برسونا 2009 من حوالي اسبوعين
امبارح ركنتها ربع ساعه وجيت امشي بيها مش بتدور خالص ساعات بتدي صوت المارش كأنها هاتبتدي تدور وساعات مش بتدي اي صوت مع العلم الانوار كلها شغاله وجرب بطاريه تانيه وبردو نفس المشكله

تفتكروا يكون ايه اللي سبب المشكله ؟

[م أحمد]

المشكلة دى كنت قرأت عنها فى مشاركة لواحد عنده إيبيزا و طلع حساس الحرارة

[mahmoud_dev]

طيب ياريت لو حد معاها بروتون يقولنا مكانه فين ده ولا يتعمل فيه ايه

[hossamalsadik]

حسب شرحك
المشكله اما فى المارش نفسه زى الاتوماتك بتاعه او الشاربون او سلكه مهربه مفصوله يعنى او فى فبرة الكونتكت نفسها
ممكن تهز فيشة الكونتكت بأيدك أثناء منتا حاطت المفتاح فى وضع الدوران يمكن تلقط

[mahmoud_dev]

المشكله اتحلت الحمد لله

المشكله في مفتاح العربيه وانا بصراحه مش فاهم ازاي

انا قبلها فكيت المفتاح علشان اغير البطاريه لأنه كان ضعيف وركبته تاني ومن بعدها حصلت المشكله دي الكهربائي قالي غلط انك تفك المفتاح لأن الشفره بتتغير :(

بس الحمد لله انها جات علي قد كده واتحلت

[DESIGNER105]

مين قال الشفره بتتغير لما تفك المفتاح ...مش صحيح ... فى فحمه صغيره جوه المفتاح مش مثبته فى حاجه ممكن تكون وقعت وانت مش واخد بالك .. ..انت دورت العربيه بالمفتاح الاحطياتى ولى بالمفتاح نفسه ؟؟

[hossamalsadik]

منا قلتلك العيب ممكن يكون جى من الكونتكت
وفعلا مافيش حاجه اسمها ان الكبسوله او الفحمايه واسمها الصحيح Shep أوالتسمية الدقيقة الترانسبوندر Transponder ان برمجتها بتتغير لما بنغير بطارية المفتاح المدمج به الريموت ده فتى من الكهربائى
فممكن الفحمايه تكون وقعت من الكهربائى نفسه مثلا فركبها فكسرها كده يعنى

ديه صورة ال Shep او Transponder


وده شكل تانى منها

وديه مكانها داخل المفتاح

وديه بتاعت السيات بتعتنا




لب سوبر