النيو واجا الأوتوماتيك

[MohabSaeed]

..انما عرفت منين ان لونها باذنجاني ؟؟؟؟؟؟

ده شغل مخابرات

لا ابدا ده مجرد احساس .. يمكن علاشان اللون ده اكتر لون منتشر فى الواجا بجانب الفضى .. الرصاصى و الذهبى و الاحمر و الاسود اقل انتشاراً من الباذنجانى و الفضى .
اعتقد النيو واجا نازله بتلات الوان بس .. باذنجانى , سماوى و رصاصى .

بس سؤال .. حضرتك كاتبين عندك فى الرخصه العربيه لونها ليه ؟ , انا مكتوب فى الرخصه بنفسجى مش عارف ازاى !!! يعنى لو حد عنده عمى الوان ممكن يقول نبيتى .. اسود حتى ! لكن بنفسجى !!

[micky_zaied]

يا ريت تقولي سعرها كام و اشترتها منين

يا ريت قتولي اشترتها منين يا باشا و بكام

[Ahmed Hassan]

مبروك... و ربنا يباركلك فيها. يا ترى الواجا الجديده فيها Abs ؟ انا عارف انه في القديمه كان في الهاي لاين بس

[Powert]

يا ريت قتولي اشترتها منين يا باشا و بكام

من توكيل عز العرب المانيوال ب 84 اوتوماتيك ب 88

مبروك... و ربنا يباركلك فيها. يا ترى الواجا الجديده فيها Abs ؟ انا عارف انه في القديمه كان في الهاي لاين بس

ايوة فيها كل حاجة معدا بلوتوث ومريات بتقفل بكهرباء

[Ahmed Hassan]

من توكيل عز العرب المانيوال ب 84 اوتوماتيك ب 88

ايوة فيها كل حاجة معدا بلوتوث ومريات بتقفل بكهرباء

الف شكر ليك

[kobadr]

[بس سؤال .. حضرتك كاتبين عندك فى الرخصه العربيه لونها ليه ؟ , انا مكتوب فى الرخصه بنفسجى مش عارف ازاى !!! يعنى لو حد عنده عمى الوان ممكن يقول نبيتى .. اسود حتى ! لكن بنفسجى !!]

الرخصه مكتوب فيها باذنجاني.......يمكن علشان أنا كاتبلهم كده في الورق.

[ يا ريت تقولي سعرها كام و اشترتها منين ]

أنا أشتريتها من فرست كار اللي في المهندسين وب 89.900 جنيه وده نفس السعر عند عز العرب .

[bassem_sams]

الف مبروك عليك العربيه و ربنا يعطيك خيرها و يكفيك شرها و يباركلك فيها و يوفقك ممكن تعطيبنى ملخص عن مميزاتها و عيوبها فى فترة دى بما انك من ملاكها و شكرا لأنى فحيرة و كنت ناوى اشتريها لكن انا فى حيره ما بينها و بين لانسر بومه 1600 مانيوال فعلشان كده كنت محتاج من حضرتك تقييم للسيارة و خصوصا عيوبها

[kobadr]

أنا كنت ناوي ياجماعه اني أعمل لكم تقرير مفصل عن النيو واجا مع صيانة ال 5000كم زي ماوعدتكم لكن يظهر اني مش حاقدر أستني لاني لغاية دلوقتي وبعد مرور 45يوم علي شراء العربية عملت بيها 1800 كم بس0وكمان أنا شفت اليوم مشاركة للأستاذ أحمد صيام بيتكلم فيها عن الناس اللي بيستفيدوا من أراءالأخوة أعضاء المنتدى وبعد شراء العربيه مايفيدوش بقية الأخوة اللي بيفكروا في الشراء ومترددين وفي احتياج للنصيحه ولسماع تجارب الناس اللي عندهم العربيه فعلا.
ومع اتفاقي مع الأستاذ أحمد صيام في كل كلامه الا اني والله مش من نوعية الناس دي وبأحب أفيد أي حد ممكن يكون عايز يستفيد من تجربتي مع النيو واجا زي مأنا استفدت من أراء وتجارب الأخوة الأعضاء لكني كنت مستني ظهور شوية مشاكل علشان التقرير يكون نوعا ما مفيد.
قريب جدا ان شاء الله اكتبلكم عن رأيي في العربية لغاية دلوقتي وعن تجربتي مع عزالعرب في الصحراوي أثناء صيانة الألف كم. ( م/خالد بدر )
وبأعتذر جدا للأستاذ باسم لاني للاسف شفت استفساره دلوقتي بس ومع كل احترامي لللانسر1600 مانيوال فمن رايي ان الواجا الجديدة موتورها وصاجها أقوي وعفشتها أنعم وثباتها علي الطريق أفضل لكن توكيلها حسب اللي باأسمعه أقل كتير وقطع غيارها ربنا يستر وتكون موجوده أصلا ويكون تمنها معقول.لكن العربية نفسها هائلة وعيوبها بسيطه خالص وتم اصلاح 90% منها في صيانة الألف.

[ahmedsiyam]

الاخ الفاضل كلامك على العين و الراس و احترم انتظارك و الكلام انا باتمنى انه ماحدش ياخده على محمل شخصى خالص
انا باتمنى ان المشاركات تزيد خصوصا ان التوكيل بيراجع دلوقتى مع الاعضاء و اكيد هايبقى التعليقات و الملاحظات الفعلية هاتبقى افضل طبعا علشان ياخدوا بالهم
لو انت من سكان القاهرة يا باشا حابب انى اشوفك و عايز اجرب الواجا لانى بصراحة ماركبتهاش لحد دلوقتى و اشكرك

[eng_mido]

mabrok y basha...
bas so2al sa7e7!! msh mfrod el new waja motor campro 3ady?!! w takhyalo b2a el campro el 3ady m3 wazn el waja f aked 3eb da3f el sa7b bayen awy
ya ret 7ad y2olena khebretoh f no2ta de

[kobadr]

أنا من سكان مدينة نصر ويكون لي عظيم الشرف يأستاذ أحمد اني أقابلك وأتعرف بيك برجاء مراسلتي علي الأميل الخاص ضروري جدا وأشكرك جدا جدا. م/خالد بدر
kh.badr@gmail.com

[ahmedsiyam]

انا اللى ليا الشرف و بعتلك ايميل من دقايق

[MOMOBARAK]

فى سؤال انت اولت ان التوكيل صلح 90% من الاعطال
ممكن نعرف ايه الاعطال اللى كانت فيها ولك جزيل الشكر

[kobadr]

فى سؤال انت اولت ان التوكيل صلح 90% من الاعطال
ممكن نعرف ايه الاعطال اللى كانت فيها ولك جزيل الشكر

حضرتك الأعطال اللي كانت موجودة واتصلحت ان كان في صوت تزييق في المساعدين وكان درج التابلوة بيقفل من ناحيه واحده بس والنور المتوسط كان مرتفع من ناحية الفانوس اليمين شوية.
والأعطال اللي ماتصلحتش للاسف وأنا كنت زهقت فمشيت الساعة 3 ان الشنطة بتفتح وانا ماشي لوحدها احيانا وأنا أعتقد ان ده بسبب المطبات وفواصل كوبري أكتوبر...أنا اتقالي انها اتصلحت بس للاسف ده ماحصلش.

[aapaap855]

حضرتك الأعطال اللي كانت موجودة واتصلحت ان كان في صوت تزييق في المساعدين وكان درج التابلوة بيقفل من ناحيه واحده بس والنور المتوسط كان مرتفع من ناحية الفانوس اليمين شوية.
والأعطال اللي ماتصلحتش للاسف وأنا كنت زهقت فمشيت الساعة 3 ان الشنطة بتفتح وانا ماشي لوحدها احيانا وأنا أعتقد ان ده بسبب المطبات وفواصل كوبري أكتوبر...أنا اتقالي انها اتصلحت بس للاسف ده ماحصلش.

وراهم لحد ميصلحهولك متسبهمش