إعـــــــلان

Collapse

.

,
See more
See less

تقييم جين تو في صيانه 10000 ومقارنه مع بعض السيارات

Collapse
X
 
  • Filter
  • الوقت
  • Show
Clear All
new posts

  • تقييم جين تو في صيانه 10000 ومقارنه مع بعض السيارات

    الاول اسمحولي اعطيكم مقدمه عن التقرير

    انا اشتريت جين تو 2013 من 4 شهور وعملت معايا 10000. بصاراحه وانا بجبها كنت خايف وقلقان منها خصوصا انو ظهرت معايا بعض العيوب... بس انا سافرت بيها كتير وكمان ظروف شغلي خلتني اسافر بره مصر وأجر سيارات اخرى لفتره طويله فحسيت انو لازم اكتب التقرير ده.


    [overline]اولا الجين تو:[/overline]

    انا كنت كتبت تقرير سابق في صيانه الالف... العربيه حلوة بس فيها بعض العيوب... اضيف هنا عيب خطير اكتشفته متأخر انه العربيه مفهاش مصفحه من تحت الموتور ... انا شايف ده عيب خطير جدا. لو حد يعرف طريقه نركب بيها مصفحه ياريت يقول.

    [overline]انا ظهرت معايا بعض العيوب:[/overline]
    - صوت تزيق في المطبات الصغيره. تم معالجته وطلع من سوست المساعدين
    - ريشه مروحه التكييف محتاجه تغيير. اتغيرت في صيانه ال 10000. كانت عامله صوت زلزال مع التكييف جوه العربيه.
    - صوت زنه مع الموتور. طلعت بليه شداد. لسه مغيرتهاش.
    - رمان بلي امامي. لسه مجاش. بس عامل صوت خفيف اوي.

    انا كتبت العيوب بس لاني حذكر المميزات لاحقا مع المقارنات


    [overline]المقارنات[/overline]

    انا سقت وانا مسافر كيا ريو 2014 ومازدا 3 2012
    مقارنه ريو مع جين تو
    عربيه خفيفه على السرعه العاليه. سحب الموتور ضايع مقارنه بال جين. عفشه مش حلوه اوي. صوت الموتور واطي. الصالون اريح من الجين. الفرامل طبعا باللمس والدريكسيون باللمس

    مقارنه مازدا 3 مع جين تو
    انا شخصيا اتصدمت في العربيه ديه لاني كنت بحبها
    مش ثابته زي الجين تو. سحب الموتور برضه مش زي الجين. العفشه مكنتش حلوه. العزل داخل السياره ضايع. مريحه جدا من الداخل وواسعه من جوه.


    اقدرا اللخص من كده اهم عيوب الجين هيه الفرامل والدريكسيون التقيل والراحه داخل الصالون. لكن غير كده فيها مميزات كتير زي الموتور والعفشه والشكل الخارجي.

    بصارحه الجين تو عربيه حلوة جدا... انا بس ساعات بقول لنفسي كنت جبت البرسونا علشان اوسع

    اتمنى اكون ضفت جديد لحضراتكم وتحت امركم في اي سؤال.

  • #2
    تقرير جميل..
    ربنا يباركلك فيها ..
    [SIGPIC][/SIGPIC]
    [COLOR="Magenta"][/COLOR]

    Comment


    • #3
      ربنا يبارك
      ورأي ان اي عيب ممكن يتحل الا الفرامل

      Comment


      • #4
        يا باشا بارك الله لك وفى سيارتك.
        فعلا الفرامل اسوأ حاجة فى السيارة ديه.
        وأضيف لك شيئا اخر وهو دهان السيارة خاماته رديئة جدا وفى اقل من سنة اللون بيبهت حتى لو محافظ عليها من الشمس، وبيتقشر من اقل خربشة او حكة

        Comment


        • #5
          شكرا جزيلا ليكم ولمشاركتكم... انا حبيت بس ابين اني فعلا وبدون تحيز شايف ان السياره ديه حلوه جدا للفئه السعريه بتاعتها

          الفرامل محتاجه تعود... انا مثلا من يومين كنت ماشي وعايز اخد يو ترن فجاءه وانا على 100. في ثانيه كانت العربيه بطئت السرعه ولفت عادي لدرجه ان مراتي افتكرت اننا كنا حنلبس في الرصيف. بس الفرامل عملت الواجب...

          انا بس متضايق من موضوع البلي ده... بلي عجل وبلي شداد محتاجيين تغير.. ده ممكن يكون من الركنه الكتير ولا ايه؟

          Comment


          • #6
            من العربيات المحترمة والمظلومة الى حد ما... كان ناقصها بصراحة ان التشطيب الداخلي والخامات المستخدمة في الصالون تبقى افضل من كده، بس برضه بالنسبة لسعرها حلوة جدا واثبت من عربيات كتير اغلى منها (رغم استغرابي من موضوع اها اثبت من المازدا ده)...
            وعلى فكرة البرسونا مش اوسع منها غير في الشنطة فقط لا غير، اما صالون واحد بالمللي...
            ربنا يباركلك فيها ان شاء الله!!
            [FONT=Palatino Linotype][SIZE=4][COLOR=navy]Ahmed Fawzy[/COLOR][/SIZE][/FONT]

            Comment


            • #7
              شكلها رياضي وفخم ربنا يباركلك فيها
              كان الصحابة يفعلون السُنة لأنها“سُــنة” ونحن نتركها لأنها ” سُــــنة ”!![SIZE="4"][COLOR="DeepSkyBlue"][/COLOR][/SIZE]

              Comment


              • #8
                فعلا هي عربيه محترمه وكقيمه مقابل ما تدفعه .. هي سياره تستحق الاحترام .. لكنها اختيار منسي للاسف

                Comment


                • #9
                  تقرير جيد و ربنا يديلك خيرها ويكفيك شرها

                  Comment

                  Working...
                  X