أفضل تيل فرامل أمامى للويرا

[moh81]

السلام عليكم و رحمه الله وبركاته

تحياتى لكل البروتوناويه .. و خاصه الويرانيين

أنا معايا عربيه ويرا 2005 .. كنت شاريها فى شهر 5 2011 .. و ساعتها كانت عامله 185 الف و هى دلوقتى عامله 195 ألف
و خلال الفتره دى مغيرتش تيل الفرامل بتاعها

و دلوفتى بسمع صوت عالى .. زى صوت الحكه و انا بفرمل .. الصوت بيكون مزعج الصراحه
فأكيد التيل عايز يتغير ..
بس أنا محتار .. أجيب التيل الأصلى .. و أغيره عند عصام صفا .. ولا أجيب نوع تانى
و لو نوع تانى .. إيه أحسن نوع دلوقتى من خلال تجربتكم ؟
أحسن نوع بمعنى إن أدائه تمام فى الفرمله ... و كمان مش بيصفر

و الأسعار ممكن تكون إيه ؟؟

و شكرا على صبركم .. و أتمنى تعاونكم .. و ياريت الموضوع بالردود تفيد أكبر عدد من مالكى الويرا

[yousefsemsem]

مبروكه عليك باذن الله ويديك خيرها ويكفيك شرها
هات جولد تمنه 75 ممتاز وافضل نوع للبروتون لان طنابيرها الاماميه بتسخن فده ممتاز ومعظمنا بنستخدمه

[MOSTAFA.EID]

انا لفيت كتير علي الجولد اللي يوسف بيقول عليه في شارع دمشق مش موجود خالص اشتريت نوع من عند مكه ماليزي بس كويس جدااا

[moh81]

مبروكه عليك باذن الله ويديك خيرها ويكفيك شرها
هات جولد تمنه 75 ممتاز وافضل نوع للبروتون لان طنابيرها الاماميه بتسخن فده ممتاز ومعظمنا بنستخدمه

شكرا يوسف على الإفاده .. و يا ريت تقولنا ممكن أجيبه منين ... علشان مصطفى بيقول لف عليه فى شارع دمشق و مش لاقيه !!!!

و لما نسأل عليه نقول بتاع الويرا .. و لا نسأل على بتاع اللانسر مثلا أو أى ماركه تانيه ؟؟؟؟

انا لفيت كتير علي الجولد اللي يوسف بيقول عليه في شارع دمشق مش موجود خالص اشتريت نوع من عند مكه ماليزي بس كويس جدااا

إيه يا مصطفى النوع التانى اللى انت جبته ... و كان بكام ؟؟
و أدائه إيه معاك ...؟

[MOSTAFA.EID]

شكرا يوسف على الإفاده .. و يا ريت تقولنا ممكن أجيبه منين ... علشان مصطفى بيقول لف عليه فى شارع دمشق و مش لاقيه !!!!

و لما نسأل عليه نقول بتاع الويرا .. و لا نسأل على بتاع اللانسر مثلا أو أى ماركه تانيه ؟؟؟؟




إيه يا مصطفى النوع التانى اللى انت جبته ... و كان بكام ؟؟
و أدائه إيه معاك ...؟

التيل اسمه Yamamoto مليزي
شغال الحمد لله بقاله معايا ٣٠٠٠ كيلو ولا صوت وبيجمع حلو وسعره ٧٠ جنيه وكنت مشتري قبله الريمسا الاسباني ب ١٢٠ جنيه شيلته بعد الف كيلو من كتر صوف العصافير اللي بتطلع منه

[yousefsemsem]

انا لسه شاري الجولد امبارح ومركبه ب70 وبتاع كرستاله موجود عند الشرقاوي في جسر السويس

[MOSTAFA.EID]

انا لسه شاري الجولد امبارح ومركبه ب70 وبتاع كرستاله موجود عند الشرقاوي في جسر السويس

ادينا تفاصيل اكتر ٫٫٫ يعني اروح اقوله عايز تيل ويرا جولد ولا اقوله نوع عربيه تاني ؟؟؟

[yousefsemsem]

قوله تيل كرستاله جولد هو هو التيل

[memo_p910]

موضوع ممتاز انا كنت جبت نوع ماليزي من اولاد منصور ب 75 جنيه بيعمل صوت احتكاك خشن قوي وحشرجه كده عايز اغيره قبل ما يبوظ الطنابير

[moh81]

موضوع ممتاز انا كنت جبت نوع ماليزي من اولاد منصور ب 75 جنيه بيعمل صوت احتكاك خشن قوي وحشرجه كده عايز اغيره قبل ما يبوظ الطنابير

شكرا يا Memo
ربنا يخليك

بالنسبه للنوع الماليزى ده ماركته ايه علشان الناس تاخد بالها منه