Tweet
السلام عليكم جميعاً.......رجعت مصر اجازة وحبيت ادلع عربيتي ووديتها التوكيل علشان من يوم ما اشتريتها الصيف اللي فات كان نفسي اكشف عليها وكمان علشان البربريز الامامي اتشرخ وحبيت اغيره طلعت علي توكيل جين2 خلف مسرح البالون وقابلت المهندس المسؤل وطلبت الكشف علي العفشة والدبرياج و قالي الكشف هيتكلف حوالي 150 ومفيش بربريز ولازم اروح ابو رواش طيب بكام قالي حوالي 2000 جنية !!! المهم طلبت يعمل الكشف وغبت لمدة ساعة ورجعت وطلبت التقرير راح مطلع ورقة فاضية وقعد يكتب التالي زي ما يكون حافظ:
تغيير طقم دبرياج 3000 جنية
2 مساعد امامي + 2بطاحة 3000 جنية
2 مساعد خلفي 1700 جنية
بلية شداد 1300 جنية
2 كاوتش ميزان 400 جنية
طقم طنابير امامي 2500 جنية
طقم طنابير خلفي 2500 جنية
قنطرة محرك طولية + 2 قواعد 1800 جنية
علبة دريكسيون 6500 جنية
طبعا انا بصيت في الورقة وسألته اي دية قالي دة التقرير ...انا عملت كدة 
دفعت ال150 جنية ومشيت وانا متنكد وحاسس ان اتنصب عليا مرتين مرة لما اشتريت العربية والمرة التانية لما رحت التوكيل دة.....النهاردة طلعت علي اولاد منصور في شارع المحطة بالجيزة واشتريت 2 مساعدين امامي ب 625 جنية وسالتهم علي عفشجي كويس وصفلي ورشة الباشا في شارع المدبح بالساقية طلعت علية وطلبت من الاسطي يكشف علي العربية ورا وقدام وبعد عمل الازم قالي محتاج اغير طقم جلب مقصات امامي و2 شداد قصيرين خلفي فقط لا غير .......طيب والمساعدين ؟ قالي كويسين ورا وقدام !!! .....فورا رجعت المساعدين واشتريت الشدادين القصيرين الواحد ب175 جنية اصلي والجلب مش موجدودة اشتريتهم من جنب العفشجي نفس بتوع الانسر الجلبتين ب40 جنية وفك وغير (العفشة بتاعتها بسيطة جداً ورا وقدام) وربطت عفشة وعلبة الدركسيون كانت فعلا سايبة وكشفت علي القنطرة والقواعد وكانت كويسة وكشفت علي الطنابير الامامية حوالي 80 % والخلفية تقريباً جديدة وطقم التيل امامي وخلفي 95% وركب وقفل وجربت ...100% فعلاً العربية فايقة والدبرياج مشكلته الوحيدة الدواسة تقيله شوية لكن سحب العربية ممتاز وبمشيئة الله ليها حل قريب وصفارة البلية حليتها بأني رشيت WD40 علي البلية وانا مغطي السير والصفارة اختفت .....الخلاصة التوكيل ماشي بمبدء الصيت ولا الغني .....ولا عزاء للضمير ولا حق للمستهلك اللي يفكر يثق في التوكيل علشان لو مكنتش فاهم كانو اشتغلوني في حاجة وعشرين الف بدون داعي..... والبربريز المستورد الاصلي ابو شماسة خضراء سالت علية لقيتو ب 550 جنية بالتركيب .....والاهم فعلا الجن2 قطع غيار موجودة ومتوفرة علي عكس ما ناس كتير فاكرة....... رقم ورشة الباشا لو حد احتاجها 0111049090 .......تحياتي من القاهرة (:
دفعت ال150 جنية ومشيت وانا متنكد وحاسس ان اتنصب عليا مرتين مرة لما اشتريت العربية والمرة التانية لما رحت التوكيل دة.....النهاردة طلعت علي اولاد منصور في شارع المحطة بالجيزة واشتريت 2 مساعدين امامي ب 625 جنية وسالتهم علي عفشجي كويس وصفلي ورشة الباشا في شارع المدبح بالساقية طلعت علية وطلبت من الاسطي يكشف علي العربية ورا وقدام وبعد عمل الازم قالي محتاج اغير طقم جلب مقصات امامي و2 شداد قصيرين خلفي فقط لا غير .......طيب والمساعدين ؟ قالي كويسين ورا وقدام !!! .....فورا رجعت المساعدين واشتريت الشدادين القصيرين الواحد ب175 جنية اصلي والجلب مش موجدودة اشتريتهم من جنب العفشجي نفس بتوع الانسر الجلبتين ب40 جنية وفك وغير (العفشة بتاعتها بسيطة جداً ورا وقدام) وربطت عفشة وعلبة الدركسيون كانت فعلا سايبة وكشفت علي القنطرة والقواعد وكانت كويسة وكشفت علي الطنابير الامامية حوالي 80 % والخلفية تقريباً جديدة وطقم التيل امامي وخلفي 95% وركب وقفل وجربت ...100% فعلاً العربية فايقة والدبرياج مشكلته الوحيدة الدواسة تقيله شوية لكن سحب العربية ممتاز وبمشيئة الله ليها حل قريب وصفارة البلية حليتها بأني رشيت WD40 علي البلية وانا مغطي السير والصفارة اختفت .....الخلاصة التوكيل ماشي بمبدء الصيت ولا الغني .....ولا عزاء للضمير ولا حق للمستهلك اللي يفكر يثق في التوكيل علشان لو مكنتش فاهم كانو اشتغلوني في حاجة وعشرين الف بدون داعي..... والبربريز المستورد الاصلي ابو شماسة خضراء سالت علية لقيتو ب 550 جنية بالتركيب .....والاهم فعلا الجن2 قطع غيار موجودة ومتوفرة علي عكس ما ناس كتير فاكرة....... رقم ورشة الباشا لو حد احتاجها 0111049090 .......تحياتي من القاهرة (:
Comment