Ifam

[TrickyAhmed85]

السلام عليكم

بالنسبه لتيكنولوجى ال Hfam الجديده ممكن تتعدل فى عربياتنا والا لأ ؟

تبقى تحفه جدا لو الموضوع ده اتظبط

عايز أقولكو انى ساعات كده بحس انى مضايق من الأكسيليراشن رغم ان عربيتى أوتوماتيك

[ahmedsiyam]

ماهو انت علشان اوتو لازم هاتحس بالموضوع ده طبعا

عموما رايى الاخوة الافاضل اللى فاهمين ان التعديل ممكن يتم بسهولة من كامبرو الى الموتور الجديد بس لما تطرحه بروتون فى الاسواق العالمية

[TrickyAhmed85]

شكرا أستاذ أحمد

بس عايز أقولك انى حصل معايا موقفين هما اللى خلونى أحس بكده

الأول: واحد بعربيه ياريس شد قصادى لقيته فرث عنى بشويه محترمين

التانى: انا ركبت الانترا مانيوال مش قادر أقوللك أد ايه العربيه دى جرايه بشكل حلو أوى

بس فى كل الأحوال العربيه الحمد لله مريحانى وزى الفل

[momenhamdy]

شكرا أستاذ أحمد

بس عايز أقولك انى حصل معايا موقفين هما اللى خلونى أحس بكده

الأول: واحد بعربيه ياريس شد قصادى لقيته فرث عنى بشويه محترمين

التانى: انا ركبت الانترا مانيوال مش قادر أقوللك أد ايه العربيه دى جرايه بشكل حلو أوى

بس فى كل الأحوال العربيه الحمد لله مريحانى وزى الفل

هو طبعاً بالنسبة للطلعة الاولي ممكن اي عربية حتي 1300 تسبق بس مش كتير لانك اول ما حتعدي 3 ار بي ام انسسسسسسسسسسييييييييييييي
دا اولاً بالنسبة للالنترا العربية 122 حصان و العزم بتاعها اعلي من الجين 2 ( 158 تقريباً زي السيراتو اعتقد )+ حاجة مهمة اوي ان العربية مانيوال يا استاذي و دي لوحدها كفاية لان اي مانيوال الطلعة الاولي بتاعته اقوي من الاولي للاتوماتيك
و بروتون حتنزل الفلتر الجديد IAFM في الاسواق لدي الوكيل و لكن لسه شوية ممكن علي نصف 2009 لغايت لما يجي موديل 2009 في مصر و يعمل شوية مبيعات

[gagareen]

و بروتون حتنزل الفلتر الجديد Iafm في الاسواق لدي الوكيل و لكن لسه شوية ممكن علي نصف 2009 لغايت لما يجي موديل 2009 في مصر و يعمل شوية مبيعات

ممكن حضرتك تقولنا مصدر المعلومه دى منين لان حسب معلوماتى انها على اخر شهر 11

[TrickyAhmed85]

انا واخد بالى طبعا ان المانيوال طلعته أقوى من الأتوماتيك انا بس بحكى احساسى

وربنا يسهل وفعلا ينفع نركب الفلتر الجديد ده عندنا

شكرا استاذ أحمد واستاذ مؤمن

[gagareen]

اسف قصدى على النصف الثانى من شهر 10

[momenhamdy]

ممكن حضرتك تقولنا مصدر المعلومه دى منين لان حسب معلوماتى انها على اخر شهر 11

الاخ توت الكريم كان قبل كدا في سؤال لي كنت بسأله ليه هو الفلتر لوحده حينزل و ممكن يركب علي الموديلات القديمة زي 2008 2007 2006 و كان الرد ان ممكن يركب عادي علي العربية من غير اي مشاكل بس مش حينزل غير لما موديل 2009 نفسه ينزل تمام و حاجة كمان كان الاستاذ توت قال ان التكلفه بتاعت بعد تحويل العملة حوالي 800 جنيه مصري
و كل سنة و حضرتك طيب

[gagareen]

مش حينزل غير لما موديل 2009 نفسه ينزل

مفيش إختلاف: يبقى الــ Ifam حينزل مع موديل 2009 زى ما أ/حبيب قال.

وكل سنه وحضرتك طيب وبخير