ايه هي عيوب و مميزات الساجا؟؟؟؟؟

[mohammedmnmz]

يا ريت لو حد معاه الساجا هنا يقولي عيوبها و مميزاتها لاني بفكر اشتري الاوتوماتيك منها
و شكرا مقدما

[kokowasfy]

الاسف العربية مش منتشرة كتييير انا نادرا ما اشوفها بس انشاء اللة الاخوة الاعضاء يفيدوك

[م أحمد]

عالية عن الأرض
قوة عربية 1600 سى سى مش 1300
شكلها من برة صغير لكن من جوة هى نفس سعة اللانوس و الفيرنا
رشحتها لواحد زميلى و انتشرت بعدها بكثرة و الحمد لله مش بيشتكى منها
تستحق لقب ارخص و افضل سيارة اوتوماتيك فى سعرها

[amrseif]

أنا من ملاك الساجا ... باختصار المميزات موتور سحبه كويس بالنسبة ل 1300 سي سي واوتوماتيك - ثبات عالى على السرعات العالية - واسعة من جوه - اوبشن كتير بالنسبة لنفس الفئة - عفشتها ناعمة ...
العيوب : استهلاك بنزين عالى جوة البلد - قطع غيار مش منتشرة فى أماكن كتيرة - باور ثقيل نوعا ما بالنسبة للكورى واليابانى ( تحسها أكثر على السرعات المنخفضة ولكن بتبقى ميزة على السرعات العالية )

[mohammedmnmz]

طيب انا من سكان القليوبية و عايز اجيب الساجا بس قلقان من بعد التوكيل و عدم انتشار قطع الغيار فهل فيه توكيل ليها قريب مني او مكان لقطع غيارها قريب؟؟؟؟؟؟؟؟؟؟؟؟؟؟؟
و هل قطع غيارها موجوده كلها ولا بيكون فيه حاجات ناقصه و نستنى بأه على ما تيجي خصوصا اني سامع ان التوكيل بتاعها زفت

[م أحمد]

تركب مترو الانفاق لمحطة عرابى تلاقى نفسك فى التوفيقية فى وسط البلد و هتلاقى اللى انت عايزه ان شاء الله

[mohammedmnmz]

تركب مترو الانفاق لمحطة عرابى تلاقى نفسك فى التوفيقية فى وسط البلد و هتلاقى اللى انت عايزه ان شاء الله

طيب مافيش حاجه قريبه مثلا في طنطا او الزقازيق؟