خرابيش وكود لون الجين 2

[msami2k]

السلام عليكم
الجين 2 بتاعتي لونها أحمر وجمعت كمية لا بأس بها من الخرابيش والخدوش في مختلف أجزاء العربية وكنت عاوز أعالجها ... كنت بفكر أجيب القلم الدوكو بس مش لاقيه في أي حتة ولا سمير وعلى

ممكن أجيبه منين
ولو حبيت أعلمله .... كود لون العربية الحمراء أجيبه منين

وبالنسبة للأجزاء اللي اتخدشت وبان فيها الصاج (نقرة صغيرة) بس الصاج سليم ... ممكن تترمم ازاي

أنا مش عاوز أرش العربية خالص .... عاوز بس أخفي الخدوش وأحمي الصاج اللي اتكشف

وجزاكم الله خيرا

[msami2k]

ياردالة ........... 57 واحد شافو البوست مفيش حد عنده رد
امال لو كنا طالبين عمرة موتور :)

[leeeedo]

-

موضوع القلم ده فااااااشل

موضوع للرفع

:w_022:

[D . a .\ AYMAN]

القلم فاشل فعلا ... مكن تاخد رقم لون العربية من تحت الكبوت وتروح لأي حد بتاع بويات عربيات وتقلوه يعملك ثمن كيلو مثلا بالكمبيوتر ... أو أي كمية تعجبك ... ولو معرفتش فين كود اللون ممكن تخلي بتاع البويات هو اللى يجيبه بيكون محفور على شاسيه العربية .. عموما هم بيكونوا عارفين موجود فين

بعد كدة بقى هاتجيب فرشاة رسم كويسة ومحترمة جدا ورفيعة مش سميكة عشان تعرف تتحكم فيها كويس وترمم النقر اللى مش عاجباك بنفسك

بس في نقطة لازم تكون واخد بالك منها كويس البوية دي بتكون مط يعني مافيهاش لمعة نهائيا ... وطبعا مش هاينفع ترشها ورنيش لأنك كده كنت وديتها تترش عند البوهيجي أحسن على الأقل هايعملها باحتراف

يبقى نص العمى إنك تجيب بوليش من عند بتاع البوية برضه وتعمله انت بقطعة قطن بس مش هايدي نتيجة رائعة طبعا وبرضه النقر هاتفضل باينة شوية لما تركز فيها ...

بس في النهاية أفضل من إنها تفضل متسابة كدة على الأقل عشان البارومة والصدى مايسرحش فيها