Proton gen 2 2014 auto

[eng_ah_xxxx]

السلام عليكم أنا عايز أجيب بروتون جين ٢ أوتو ٢٠١٤ زيرو للمدام عندي بس خائف من موضوع الفرامل هل اصلح ولا لسة وايضاً عايز اسأل هل ينفع تركيب وتزويد مثبت سرعة علي البروتون جين ٢ ٢٠١٤ خصوصا أنة كان موجود لحد موديل ٢٠٠٩ وايضاً موجود حتى الان فى البيرسونا ٢٠١٤وشكرا لكم وايه اخبار قطع الغيار اكصدامات وفوانيس خارج التوكيل فى الاسكندرية

[eng.m7md.ali]

موضوع الفرامل نسبي من شخص للتاني

انا شخصياً مسيطر وبعرف اوقفها زي مانا عايز في اي وقت .. اللي جرب العربية بتاعتي يقولي دي مفيهاش فرامل

البدال الطويل هو المشكلة اللي بتواجه الناس بس مع التعود هتلاقيها اتظبطت

[Omar Mahmoud]

موضوع الفرامل نسبي من شخص للتاني

انا شخصياً مسيطر وبعرف اوقفها زي مانا عايز في اي وقت .. اللي جرب العربية بتاعتي يقولي دي مفيهاش فرامل

البدال الطويل هو المشكلة اللي بتواجه الناس بس مع التعود هتلاقيها اتظبطت

قلت اللي انا كنت هقوله

[smsmsaad]

كلامكم صح يا رجالة ... بس برضه ميمنعش ان احنا نقول ان الفرامل مش حلوة

[ezzzzo1983]

انا كان معايا بيرسونا 2010 وبايعها علشان عيب الفرامل الملحوظ والحمد لله ربنا نجاني منها اربع مرات من حوادث مووووووت بسبب الفرامل,
وجيبت عربية تانيه
وعايز أأقولك يا باشا انا حاولت كتير اني اشوف حد بيفهم بره وجوه الوكيل عشان يشوفلي حل ملقيتش والوكيل معترف بعيبها والبعض يقولي هوا الـ abs كده واي كلام في الهبل والحمد لله حسيت الفرق دلوقت لما ركبت عربيه تانيه.
متفكرش فيها اصلا لو بتحب الجري لو سواقتك هاديه حتبقي صفقه مربحه ليك لأنها الانسب في السعر ده بالكماليات اللي فيها

[S O P H O S]

لو حضرتك قلقان من اي حاجة فالجين بالتحديد
بلاش منها كرأي شخصي

[J A G U A R]

انا ركبت مره بروتون الفرامل بتاعتها كويسه بس مش بتقف على طول بس مش عارف الكلام ده على كل العربيات ولا دى تحديدا

[D . a .\ AYMAN]

الفرامل أنا شايفها كويسة جدا جدا ...

عيبها الوحيد اللى الناس مش قادرة تفهمة نوعية الكاوتش الجوديير الفابريكا اللى راكب في العربية ... بصراحة من أسوأ الكاوتشات اللى شوفتها في حياتي في الفرامل في الأول بيكون كويس شوية وهو زيرو بعد كدة بيتزحلق بسهولة شديدة على الطريق وده بيسبب إن الـ abs يشتغل كتير وبيأثر على أداء الفرامل عموما بالسلب بنسبة 80 - 90 % ... لأن ناس كتير هنا قالوا إنهم لما غيروا الكاوتش الفرامل فرقت معاهم للأحسن بنسبة 80 - 90 %

الواحد يا إما ياخد عمرهم وهو ماشي بيهم بس بالراحة .. ويكون عارف إن معاه كاوتش مش هايسد في أي فرامل ... يا إما يغيرهم وهم جداد ويبيعهم لأي حد ما عندوش abs أو حتى محلات الكاوتش ويشتري حاجة تانية كويسة

أما بالنسبة لبدال الفرامل نفسه هو نظامه كدة مشواره أطول من الكوري ... والفرق يحسه اللى بيركب بين الكوري من جهة والياباني والأوربي من جهة تانية

ده كدة خلاصة الفرامل بصراحة وهي الكاوتش