بيرسونا 2012 بس عاملة 100 ألف كيلو

[Dr\Mohamed]

السلام عليكم
لو سمحتم يا جماعة انا عايز اشتري بروتون بيرسونا ...... واحد قالي في التليفون على عربية 2012 أوتوماتيك كاملة بس المشكلة الوحيدة إنها عاملة 100 ألف كيلو
أنا مش بعرف في العربيات فمبدئيا كده إيه رأيكم تستاهل إني أدفع فيها فلوس لحد يشوفهالي ولا المسافة الطويلة دي كده يكون خلص عليها وأخد خيرها ولو أخدتها هتفتح بوأها؟؟؟
الله يكرمكم فيدوني

[hugan]

لاء طبعا ابعد عنها
عربيه مفحوته شغل في سنه ونصف مثلا

[MAHMOUD MOHAMD]

كده العربيه مستهلكه زياده عن اللزوم دور على حاجه احسن

[J A G U A R]

كتير اوى عليها

[abokoko]

كتير
لكن
الكيلو متر العالى = خفض فى السعر
اعتقد اعرضها على متخصص لتقييمها الاول
ثم اتكلم فى السعر وخفضه - او - ابعد عنها ( بناء على نتيجه الكشف عليها فى التوكيل )

[lad]

دى مكنتش بتقف ولا ايه بلاش منها طبعا

[dead_zone2006]

بص هو طبعا كتيير جدا بس مش شرط الكيلو متر العالى تكون العربيه متهانه ممكن تكون بتسافر كتير و صيانه فى مواعيدها و الى بيسوقها مش بيقرص عليها وفى عربيات كيلو متر قليل بس طلعان عنيها وبيكون صاحبها معفن ومش بيصرف عليها جنيه

[D . a .\ AYMAN]

كتير
لكن
الكيلو متر العالى = خفض فى السعر
اعتقد اعرضها على متخصص لتقييمها الاول
ثم اتكلم فى السعر وخفضه - او - ابعد عنها ( بناء على نتيجه الكشف عليها فى التوكيل )

بالضبط كدة

الفيصل هو الكشف عليه عند حد بيفهم زي التوكيل أو مركز عصام صفا .. وتشوف حالة الموتور والعفشةوالشاسيه أهم حاجة

بعد كدة بقى تقييمك انت للصالون من جوة وحالة العربية عموما متهانة ولا لأ ... لو العربية حالتها كويسة يبقى ممكن الواحد يفكر فيها

[S O P H O S]

بص هو كتير طبعا
الا لو ضامن ان العربية سليمة وان ده معظمه سفر

[Dr\Mohamed]

أولا شكرا ليكم كلكم على المساعدة
أنا إن شاء الله هشوف كذا واحد يبصلي عليها في التوكيل وبره التوكيل كمان وربنا ييسر الخير