تغيير الزجاج الأملمى - بروتون برسونا

[shakshak2011]

السلام عليكم

بسبب طوبه على الدائرى الجميل .. الزجاج الأمامى خد شرخ طوله أكثر من 15 سنتم تقريباً .. و لازم أغيره .. ماحدش يعرف أفضل مكان أغير فىه الزجاج .. شكراًً

[walidzakzok]

ماتحاول تصلحة الاول عند دكتور خالد

[tutankhamoun]

ممكن التوكيل و تغير الأصلي (بس غالي قوي ) ثمنه تقريبا معدي 1200 جنيه

أو ممكن تغير زجاج الدكتور جريش ... أنا أعرف واحد في أكتوبر (عند المرور ) ممكن تمنه ما يزدش عن 400 جنيه ( للأمانة أخر مرة سألت فيها كان في 2010 قبل الثورة المشؤومة )
بس أسأل عند بتوع الزجاج لو أنت من خارج أكتوبر .

[mhkorayem]

في نوع بيقولوا اسمه أمان وده المصنع بتاعهم في 6 أكتوبر بيقولوا ان ده أحسن حاجه موجوده دلوقتي ممكن تعمل عليه سيرش وهتلاقي ناس كاتبه عليه ومكان المصنع وتليفوناتهم هنا في نايل موتورز
بس لو تقدر تركب الاصلي من التوكيل يبقى أحسن وأحسن ومش خساره فيه الفلوس
د.جريش ناس كتير بتقول انه مبقاش زي زمان

[shakshak2011]

ربنا يباركلكم يا جماعه .. تسلم إيدكم على الردود و الأهتمام

أنا لحمته عند بتوع تصليح الزجاج لغاية ما أغيره .. حطلى ماده شفافه و بلاستكه شفافه عليه و سخنهم بولاعه .. و مغطيهم بلزق شفاف لمدة يومين .. هو اللحام ده بيقولى إنه مش هيخليه يزيد .. لكن أكيد هيبقى باين و شكله هيبقى سىء و الرؤيه كمان ..

أعتقد دكتور خالد هيعمل كده برضه.. صح ولا هيعمل حاجه تانيه؟؟

فيه واحد قالى هيجيبلى الأصلى بتاعها بلوجو بروتون ب 600 جنيه .. إيه رأيكم؟

[J A G U A R]

وديه الاول لحد بيلحم زجاج ممكن يتلحم

[walidzakzok]

المشكلة انك لما تركب الجديد ايا كان نوعه العامل ما بيركبوش كويس وبيعمل بارومة بعد كدة

[S O P H O S]

لو الاصلي خسارة يتغير لو اتصلح كويس

[DESIGNER105]

450 عند اى حد بتاع ازاز ..كلهم بيخدو من نفس المصدر ...عندك واحد فى امبابه شارع الطيار فكرى ..واحد فى نص السوادان بعد عن التوكيل نو هائى مهما يقولولك فيه شعر .....

[eng.m7md.ali]

متغيرهوووووش احسن لان هتلاقي اللي ب 400 جنيه ده هيتخربش كتير مع التنضيف بالفوطة .. الاصلي بيستحمل يا باشمهندس

[carrier]

أنا لحمته عند بتوع تصليح الزجاج لغاية ما أغيره .. حطلى ماده شفافه و بلاستكه شفافه عليه و سخنهم بولاعه .. و مغطيهم بلزق شفاف لمدة يومين .. هو اللحام ده بيقولى إنه مش هيخليه يزيد .. لكن أكيد هيبقى باين و شكله هيبقى سىء و الرؤيه كمان .. حاول تنسجم مع الوضع الحالى واوعى تغيره

أعتقد دكتور خالد هيعمل كده برضه.. صح ولا هيعمل حاجه تانيه؟؟

فيه واحد قالى هيجيبلى الأصلى بتاعها بلوجو بروتون ب 600 جنيه .. اوعى الاصلى بالتوكيل فقط

[D . a .\ AYMAN]

د/خالد كان هايحقن الزجاج بمادة خاصة وماكانش هايبان قوي بعد اللحام على حسب ما سمعت ... معرفش بنفس الطريقة اللى انت قولتها ولا لأ .. لأني ماجربتوش قبل كدة

حاليا الحل حاجة من ثلاثة

أولا د/جريش في العاشر من رمضان ... بعد هايبر 1 اللى على طريق مصر اسماعيلية هاتدخل يمين وتسأل هناك

ثانيا أمان في 6 أكتوبر ... مش عارف مكانه فين بالضبط

ثالثا التوكيل


أنا ركبت د/جريش في العربية الألتو ومش عاجبني زي الأصلي ... روحت المصنع في العاشر من رمضان وركبته تقريبا في حوالي نص ساعة فقط ... أو ساعة بوقت الانتظار

بس مش عاجبني زي الأصلي بتاعها مش عارف بقى إذا كان أمان بنفس الجودة ولا لأ ... لأن في ناس قالت إنه أفضل من جريش حاليا بس أنا ما جربتوش

يفضل بقى لو الشرخ مش مضايقك واللحام مش هايخليه يزيد ... سيبه كدة ومتغيروش ... لأن الفابريكا بتاعها مش هايتعوض حتى لو غيرته بالأصلي من التوكيل