مشكلتي مع عز العرب (بروتون - ساجا )

[m10_10]

بسم الله الرحمن الرحيم

اولا اهلا بكل اعضاء المنتدى .. بقالي كتير جدا جدا جدا مابدخلش بس انتوا عارفين الدنيا تلاهي ..

ثانيا نبدأ المشكلة وياريت تفيدوني بارائكم فيها وهل انا عليا غلط ولا التوكيل هو اللي غلطان ..

مبدئيا العربية بروتون - ساجا موديل 2010 استلمتها في 10-10-2010 .. نبدأ من يوم الاربع اللي فات جالي مكالمة تليفون من قسم قطع الغيار احد المهندسين كلمني وقاللي م.محمد (اللي هو انا) حضرتك كنت حاجز اتنين مساعدين امامي .. قلتله دة من فترة كبيرة جدا دلوقتي العربية برة الضمان بس الطلب دة معمول والعربية كانت لسه في الضمان .. انا دلوقتي هاروح ادفع فلوس ولا لأ .. قالي ماعرفش اسألهم واداني رقم الموبايل اللي باحجز منه مواعيد الصيانه ..

كلمت الرقم دة ردت عليا انسة قالتلي طالما الطلب معمول وانت في الضمان يبقا هاتتغير في الضمان .. قلتلها تمام جدا .. اقدر اجي امتى قالتلي يوم الاحد الساعه 9 .. وبالفعل كنت هناك 9وخمس دقايق بالظبط .. قابلني مهندس الاستقبال وقلتله تغيير الكلام دة انا سألت وقالولي تبع الضمان .. قام واخد مني الرخصة ودخل غاب غاب غاااااااااااااااااااااااب فيييييييييييييين بعد ساعة جاي يقولي كل دة بيراجعوا في بيانات العربية ومفيش حاجة مكتوبالها ...

نعم ؟؟؟؟؟؟؟؟؟؟؟؟؟ امال انا جاي على اساس اية ؟؟؟؟

قالي ان المساعدين يتغيروا ..

قلتله ماشي .. انا اخر مرة جيت هنا عملت يانة كانت في 2012 (عرفت فيما بعد بالورق اللي معايا انه يوم ( 30/10/2012) والمفروض العربية ضمانها 3 سنين .. يعني المفروض ان الطلب اللي معمول دة في فترة الضمان ..

قالي والله انا هنا مهندس استقبال ودي مش صلاحياتي ..

طب فين ياهندسة اللي اكلمه اشتكيله .. قاللي م. احمد مرزوق .. وهو دة المهندس المسئول .. طبعا دة كان واقف ومهندس الاستقبال بيروحله كل شوية وبعدين وقف في وسط الكلام .. قالي السيستم عندي مفهوش المساعدين تبع الضمان .. قلتله امال اللي كلمني دة تبع اية .. وايش عارفه اني عايز مساعدين امامي للعربية .. ماهو من اخر مرة من 2012 انا ماجيتش وبعد العربية ماخرجت برة الضمان انا بعمل صيانتي برة علشان انتوا غاليين ..

يلف ويدور ان الطلب دة مش تبع الضمان .. طب ياعم الحاج دة طلب معمول في 2012 وانا جوة الضمان تقولي ادفع دلوقتي ليه .. يروح وييجي وفيييييييييييييين في الاخر يقولي انت دلوقتي كام كيلو متر قلتله وانت مالك ومال الكيلومتر بتاعي انا دلوقتي في طلب حاجة مالهاش اي دعوة بالكيلومتر لان الطلب لما اتعمل كانت العربية في الضمان .. ومشاكل السيستم بتاعك عشان تيجي تقولي مش مكتوب انه تبع الضمان ..

قالي انت كمان مش منتظم في الصيانات .. ومكتوب في السيستم انك ماعملتش صيانه الالف وال5 الاف .. وسبحان الله انا ساعتها ماكنتش فاكر فافتحت الكتيب لاقيت مكتوب اني عملت صيانة الالف والخمسة والعشرة والخمستاشر والعشرين وكل حاجة مكتوبة في الكتيب .. قلتله معلش السيستم بتاعك خربان وحاجات مابتتسجلش ودة معناه ان الاوردر اتعمل وانا لسه في الضمان وحصلت نفس اللخبطة وماتقيدش انه تبع الضمان .. ودي مش مشكلتي ..

المهم في الاخر بيقولي انت مش متابع صيانات قلتله لا انا متابع صيانات والعربية اتركنت خلال فترة الضمان وهي صيانه واحدة ماعملتهاش بتاعة 30 الف وانا جيت في ال40 عملت الصيانات القديمة .. ودة مالوش دعوة في اللي انا بقول عليه .. انا بعد سنةونص ولا سنتين المساعدين باظوا وكانوا جوة الضمان وتم الطلب بتغييرها .. تيجي دلوقتي بعد مالضمان يخلص تقولي لا هاتتغير بفلوس .. معلش دة يبقا كلام مش مظبوط ..

المهم في الاخر بيقولي انت لو متابع الصيانات هاعملك اكسيبشن وابعتلهم .. قلتله برضو ماليش انا دعوة بالمراسلات اللي جوة دي كلها .. الحكاية ببساطة اتعمل اوردر بالمساعدين اثناء الضمان والمساعدين جم وبتقولي دلوقتي لا هاتدفع .. قالي طيب انا بعمل في العادي خصم 10% عالقطع و10 عالمصنعية انا هاعملك 15% عالقطع الغيار و15% عالمصنعية .. قلتله ولا حتى 90% خصم .. انا باتكلم في حقي .. والغلطات كلها من النظام عندكوا ..

المهم كلمت الرقم المختصر وعملت شكوى وبعدها بساعات كلموني وواحد يحدفني للتاني وفي الاخر اخدت رقم م. عامر وكلمته وحكيتله وبيقولي مانت اللي مش متابع في فترة الضمان .. وانا براجع دلوقتي لا انا ماشي في التواريخ والكيلومترات المظبوطة ..

معلش انا طولت جدا بس انا محروق دمي جدا .. يعني اية يتعمل طلب في فترة الضمان وتيجي المساعدين ويقولي لا مانت ماكنتش متابع .. لا انت ماكنتش بتسأل .. لا فاتت سنتين من ساعتها .. وطالما فاتت سنتين بتكلموني دلوقتي تقولولي ليه المساعدين جم ؟؟؟؟؟؟؟

رأيكم اية اللي ممكن يحصل طالما كلهم بيستهبلوا فيها كدة ؟؟؟؟؟
اسف مرة تانية للأطالة

[salama_ahmad]

يا باشا للاسف انت بتتعامل مع اسؤ توكيل فى مصر كل الى انت بتقولو دة متوقع منهم بس على العموم جرب تعمل شكوى فى جهاز حماية المستهلك

[m10_10]

حاجة زي الخرة والله ..
لا وكمان م. عامر يقولي احنا بنمشي بورق .. وهم كل تعاملاتهم شفوية مع الناس ..

طب ارجع اقول برضو الاوردر دة اتعمل في وقت الضمان .. بتصيعوا عليا ليه ..


عموما حد معاه رقم جهاز حماية المستهلك ولا اية الاجراءات اللي المفروض تتعمل ؟؟؟

[amrseif]

والله أنا مش لاقى كلام يوصف اللى أنا عايز اقوله بصراحة ... بس فعلا ربنا يكون فى عونك ..
بص أنا عربيتى زى عربيتك بالضبط بس موديل 2012 .. بعد مرور 2000 كيلو لقيت المساعد الخلفى شمال جاب زيت , قولت أروح احجز المساعد وقولت لسه العربية فى الضمان وأنا باحجز قالولى شهر او شهر ونصف وان شاء الله هنتصل بيك أنا بصراحة قولت كدة كتير بس قولت معلش نستحمل شوية .. يفوت شهر فى اتنين فى ثلاثة فى ....فى .... ومفييييييييييييييشش .. كل اما اتصل مفيش .. مش عايز ادخل فى تفاصيل اكتر من كدة .. المهم بعد مرور أكثر من 8 شهور .. روحت بعمل صيانة عادية بعد مرور تقريبا سنة و كام شهر كدة روحتالراجل اللى فى المخزن قولتله انا حاجز مساعد خلفى شمال بقالى اكتر من 8 شهور ..لقيته استغرب كده .. وقعد يلعب شويه فى الكمبيوتر .. ويقوللى استنى .. وشوية كده .. وفى الاخر قاللى مفيش !!!!!! طبعا انا كنت هتكلم بشكل حاد وهخبطله كلام فى وشه ..لقيته قاللى طب استنى احنا ممكن نجيبلك واحد من فرع الاعلام فى العجوزة وهعمل معاك واجب قولت اما استنى .. وبعد مرور اقل من ساعة مش فاكر بالضبط ..روحتله قاللى المساعد موجود !!!! هو ايه اللى بيحصل ده يا جماعه .. بالسرعة ديه روحت فرع العجوزة وجيت انت بتكلم مين ؟؟ واحد جاى من المريخ .. المهم قولت ماشى .. روحت عشان يركبوه .. مهندس الاستقبال قاللى العربية فات عليها اكتر من سنة وانت معملتش صيانة ال 20000 يبقى العربية مش فى الضمان ... قولتله انا حاجز من اكتر من 8 شهور وشوية كلام كدة قاللى ماشى بس بعد كدة العربية هتبقى بره الضمان لحد ماتعمل الصيانة ديه ... وفى الاخر المساعد ركب وده كمان كان ليه قصة تانية بس انا مش عايز اطول عليكم .. الخلاصة هو ده عز العرب يا ريس توكيل الواحد مش عارف يوصفه بايه .. بس فعلا الواحد بيعرف لما بيجرب بنفسه

[m10_10]

انا بعدت شكوى لجهاز حماية المستهلك .. وهاروحلهم ان شاء الله خلال اليومين اللي جايين دول ..

وهابعت لبروتون ماليزيا كمان هاظبطهم ..

انا بيقولولي تاخد 15% خصم .. قلتله ولو قلتلي 90% خصم مش هاوافق علشان دة كلام مش مظبوط .. ماسكين اني كنت بروح الصيانات بيقولي كل 5 الالف كيلو او 3 شهور ايهما اقرب .. لامؤاخذة في الكلمة يعني احنا من امتى بنروح نعمل صيانات بالاشهر مش بالكيلومتر ..

انا فاضي وهافضل وراهم علشان دة حقي واللي بيقولوه دة تدليس وشغل لف ودوران وتلاكيك ..

[m10_10]

ياريت يا جماعه اي واحد حصل معاه مواقف مشابهه لموقفي او موقف الاستاذ عمرو سيف يكتبه هنا .

لان المراسلات اللي بعملها وبيرد عليا فيها المدعوا احمد مرزوق بيقولي نفس الكلام اللي بيقوله لاستاذ عمرو سيف ان العربية خرجت برة الضمان .. لازم يعرفوا اننا عارفين انهم بينصبوا بالشكل المقزز دة ..

اما استاذ عمرو سيف انا هاحاول اتواصل معاك علشان انا هابعت لشركة ماليزيا ابلغهم بالنصب دة

ياريت تضيفني عالفيسبوك

https://www.facebook.com/m.lotfy.10

[eng.m7md.ali]

يا عزيزي كلهم لصوص

[amrseif]

ياريت يا جماعه اي واحد حصل معاه مواقف مشابهه لموقفي او موقف الاستاذ عمرو سيف يكتبه هنا .

لان المراسلات اللي بعملها وبيرد عليا فيها المدعوا احمد مرزوق بيقولي نفس الكلام اللي بيقوله لاستاذ عمرو سيف ان العربية خرجت برة الضمان .. لازم يعرفوا اننا عارفين انهم بينصبوا بالشكل المقزز دة ..

اما استاذ عمرو سيف انا هاحاول اتواصل معاك علشان انا هابعت لشركة ماليزيا ابلغهم بالنصب دة

ياريت تضيفني عالفيسبوك
https://www.facebook.com/m.lotfy.10

شكرا جزيلا على اهتمامك .. باذن الله نتواصل قريبا .. ولو كان فى مشكلة فى الفيسبوك , ممكن نتواصل هنا ..

[m10_10]

شكرا جزيلا على اهتمامك .. باذن الله نتواصل قريبا .. ولو كان فى مشكلة فى الفيسبوك , ممكن نتواصل هنا ..

ربنا يخليك يا باشا ..

اخر التطورات .. يوم الاحد بعدت ميل لبروتون عز العرب على الايميل وشرحت فيه المشكلة .. بالليل لاقيت ميل من احمد مرزوق بيقولي فيما معناه ان العربية خرجت برة الضمان وانت اخر مرة جيت فيها التوكيل يوم 30/10/2012 وانت مش منتظم في عمل الصيانات .. وبالتالي العربية خرجت من الضمان وانا اللي اقدر اعملهولك خصم 15% .. رديت في ساعتها قلتله دة دليل اكبر على ان تم طلب قطعة الغيار في فترة الضمان وقبل مالضمان يسقط .. لاني ماروحتش التوكيل من ساعتها .. يبقا امتى طلبت القطعة وانا ماروحتلكوش من بعدها .. وازاي هاطلب اي قطعة مش موجودة زي دي من غير مادفع عربون لو انا كنت طالبها وكان الضمان اتشال .. ولو سمحت راجع ميعاد طلب القطعة عندك وانت هاتعرف انه تم الطلب في فترة الضمان واني طلبت منك ومن اللي كلمني يقولي امتى حصل الطلب دة وانتوا كلكوا رفضتوا تقولولي امتى .. واي كلام تاني لا يعنيني في اي شئ .. ولو قلتلي هانديلك خصم 95% برضو هارفض لان مش انا اللي اخرت وصول قطعة الغيار طول المدة دي ..

امس (الاثنين) كلمني م. احمد مرزوق وقالي تعالى التوكيل وهات معاك الفواتير .. بصراحة قلقت من اني اروح بالاصول عشان كدة صورتها وروحت بالصور وخليت الاصول معايا وروحتله تاني يوم .. وتعمدت ماخشش معاه في اي نقاش بخصوص الفاتورة دي مكتوب فيها اية ودي مكتوب فيها اية ..لان ببساطة كلنا بعد الصيانة باخد الفاتورة ونشوف فيها اية وندفع ونمشي مابنبصش هو كتب اية فيها ولا عمل اية ولا كتب كان فيها واتصلح ولا مكانش فيها اية .. كلنا بناخد الورق ونحطة في جيبنا وخلاص ( للعلم لاقيت اثناء ماكنت متابع في الصيانات عندهم انهم غيرولي البوجيهات في ال25 الف وبعدين في 35 الف مغيرنها تاني وفي المرتين طبعا انا محاسب عليها) ..

المهم تاني يوم روحت ومعايا الورق واديتهوله وقلتله على فكرة انا عرفت من ناس برضو حصل معاهم نفس الحركة دي واتأخر عليهم قطعة الغيار وقالولهم ان عربياتكوا خرجت برة الضمان .. وقلتله عندك في الورق انا اخر مرة روحت عصاية الفتيس اتغيرت وكان دة تبع الضمان يعني ساعتها كان الضمان ساري ومكانش سقط .. وساعتها لما المهندس كشف عالعربية وجربها انا ساعتها وقال محتاجة تغيير المساعدين الامامي قلتله ماشي .. ماجاش في بالي اقوله لا انتو هاتتأخروا عليا وهاتنكروا انها محتاجة حاجة وتيجوا تدفعوني تمنها .. ساعتها ماجاش في بالي اقوله اثبت عندك بورقه .. وحركة الورقيات بتاعتكم انا ماليش فيها واللخبطة دي برضو ماليش فيها .. وسيبتله الورق ومشيت ..

بعد ماروحت لاقيت جهاز حماية المستهلك كلمني وشرحتلهم الحكاية تاني وقالولي هانشوف الحكاية معاهم ونرد عليك وابعتلنا عالميل الفواتير والميل اللي كان بينك وبينهم .. قلتلهم ماشي ..

بعدها لاقيت احمد مرزوق بيكلمني وبيقولي حضرتك فاضي بكرة تيجي تغير المساعدين .. قلتله اه فاضي وهاجيلك بكرة . ان شاء الله اروحله بكرة يخلصني من الهم دة ..


نصيحة لكل واحد بيتعامل مع التوكيل .. فواتيرك لازم يتكتب فيها كل كبيرة وصغيرة حصلت لعربيتك .. حتى لو حاجة كانت بايظة وصلحوهالك .. قالولك محتاجة كذا يتغير تبع الضمان قولهم اكتبولي كدة في ورقة المراجعة .. ماتتعاملوش بحسن نية بعد كدة .. ربنا يستر بكرة ومايطلعوليش اي خازوق جديد علشان بجد انا على اخري ..

[eng.m7md.ali]

والله انت راجل مية المية المية المية

اديهم كمان النصابين دول

[m10_10]

والله انت راجل مية المية المية المية

اديهم كمان النصابين دول

ربنا يسترها بكرة ياباشا والله عشان لو طلعلي اي حاجة تاني والله انا 3 ايام كدة بروحلهم وبيعطلوني عن شغلي وفي الاخر بيحصل حالات الاستهبال دي ..

انا اللي خايف منه يعكولي اي حاجة تانية ولا يركبولي مساعدين تانيين تعبانين ولا اي حاجة زي كدة .. انا خلاص ثقتي فيهم بقت تحت الصفر ..

[Omar Mahmoud]

انا بحييك علي انت عملتو معاهم.اخويا و هو بيعمل صيانة التلاتين الف في الجين تو في فرع العجوزة (موديل 2010 و الكلام ده في نوفمبر 2013) و هو بياخد بيانات العربية بيقولله انت معملتش صيانات عندنا؟ قاللول بعملها كلها عندكو و الراجل مصمم انه لا المهم فين و فين علي ما اقتنع

[amrseif]

ربنا يخليك يا باشا ..

اخر التطورات .. يوم الاحد بعدت ميل لبروتون عز العرب على الايميل وشرحت فيه المشكلة .. بالليل لاقيت ميل من احمد مرزوق بيقولي فيما معناه ان العربية خرجت برة الضمان وانت اخر مرة جيت فيها التوكيل يوم 30/10/2012 وانت مش منتظم في عمل الصيانات .. وبالتالي العربية خرجت من الضمان وانا اللي اقدر اعملهولك خصم 15% .. رديت في ساعتها قلتله دة دليل اكبر على ان تم طلب قطعة الغيار في فترة الضمان وقبل مالضمان يسقط .. لاني ماروحتش التوكيل من ساعتها .. يبقا امتى طلبت القطعة وانا ماروحتلكوش من بعدها .. وازاي هاطلب اي قطعة مش موجودة زي دي من غير مادفع عربون لو انا كنت طالبها وكان الضمان اتشال .. ولو سمحت راجع ميعاد طلب القطعة عندك وانت هاتعرف انه تم الطلب في فترة الضمان واني طلبت منك ومن اللي كلمني يقولي امتى حصل الطلب دة وانتوا كلكوا رفضتوا تقولولي امتى .. واي كلام تاني لا يعنيني في اي شئ .. ولو قلتلي هانديلك خصم 95% برضو هارفض لان مش انا اللي اخرت وصول قطعة الغيار طول المدة دي ..

امس (الاثنين) كلمني م. احمد مرزوق وقالي تعالى التوكيل وهات معاك الفواتير .. بصراحة قلقت من اني اروح بالاصول عشان كدة صورتها وروحت بالصور وخليت الاصول معايا وروحتله تاني يوم .. وتعمدت ماخشش معاه في اي نقاش بخصوص الفاتورة دي مكتوب فيها اية ودي مكتوب فيها اية ..لان ببساطة كلنا بعد الصيانة باخد الفاتورة ونشوف فيها اية وندفع ونمشي مابنبصش هو كتب اية فيها ولا عمل اية ولا كتب كان فيها واتصلح ولا مكانش فيها اية .. كلنا بناخد الورق ونحطة في جيبنا وخلاص ( للعلم لاقيت اثناء ماكنت متابع في الصيانات عندهم انهم غيرولي البوجيهات في ال25 الف وبعدين في 35 الف مغيرنها تاني وفي المرتين طبعا انا محاسب عليها) ..

المهم تاني يوم روحت ومعايا الورق واديتهوله وقلتله على فكرة انا عرفت من ناس برضو حصل معاهم نفس الحركة دي واتأخر عليهم قطعة الغيار وقالولهم ان عربياتكوا خرجت برة الضمان .. وقلتله عندك في الورق انا اخر مرة روحت عصاية الفتيس اتغيرت وكان دة تبع الضمان يعني ساعتها كان الضمان ساري ومكانش سقط .. وساعتها لما المهندس كشف عالعربية وجربها انا ساعتها وقال محتاجة تغيير المساعدين الامامي قلتله ماشي .. ماجاش في بالي اقوله لا انتو هاتتأخروا عليا وهاتنكروا انها محتاجة حاجة وتيجوا تدفعوني تمنها .. ساعتها ماجاش في بالي اقوله اثبت عندك بورقه .. وحركة الورقيات بتاعتكم انا ماليش فيها واللخبطة دي برضو ماليش فيها .. وسيبتله الورق ومشيت ..

بعد ماروحت لاقيت جهاز حماية المستهلك كلمني وشرحتلهم الحكاية تاني وقالولي هانشوف الحكاية معاهم ونرد عليك وابعتلنا عالميل الفواتير والميل اللي كان بينك وبينهم .. قلتلهم ماشي ..

بعدها لاقيت احمد مرزوق بيكلمني وبيقولي حضرتك فاضي بكرة تيجي تغير المساعدين .. قلتله اه فاضي وهاجيلك بكرة . ان شاء الله اروحله بكرة يخلصني من الهم دة ..


نصيحة لكل واحد بيتعامل مع التوكيل .. فواتيرك لازم يتكتب فيها كل كبيرة وصغيرة حصلت لعربيتك .. حتى لو حاجة كانت بايظة وصلحوهالك .. قالولك محتاجة كذا يتغير تبع الضمان قولهم اكتبولي كدة في ورقة المراجعة .. ماتتعاملوش بحسن نية بعد كدة .. ربنا يستر بكرة ومايطلعوليش اي خازوق جديد علشان بجد انا على اخري ..

الله ينور عليك يا برنس .. انا شاء الله ربنا يكرمك وتركب المساعدين .. بس حاول تراقب كده من بعيد وهما بيركبوها وتشوف العلبة الاصلية بتاعة المساعد وسيبك بقى من القعدة فى التكييف ... معلش هنعمل ايه امرنا لله .. احنا بيتكفر ذنوبنا من توكيل عز العرب ده

[S O P H O S]

للاسف هو ده عز العرب !!

[J A G U A R]

ده حال التوكيلات كلها