اشترى ولا اروح اجيب لب

[واحدمن الناس]

بسم الله الرحمن الرحيم
فى البداية انا اسمى محمد
العمل مهندس كهرباء
الاقامة والعمل : دمياط-دمياط الجديدة
السن 30
لا املك سيارة وصابر عشان ماركبش ماروتى ولا مستعمل( تنطيط السواقين ولا قرف الميكانيكية)
وبعدين ربنا فرجها وناوى على سيارة وبعد البحث والفحص والتمحيص لقيت ان جين2 افضل او نيسان صنى نصف صالون(عشان الفلوس) ولكم الجين هى الاقرب لقلبى
طبعا على راى المثل عاوز تحيره خيرة
السؤال:
1-عاوز مقارنة موضوعية من الكتالوج والتجربة.
2- مسالة قطع الغيار هل فى حد شغال فيها فى دمياط ام لا وما هو اقرب مكان وقائمة باسعار قطع الغيار فى الاثنين .
3-بالنسبة للجين موضوع الدهان بجد ولالا وهل ليه حل خاصة انا هاركن فى الشارع .
4- معلش كده حتة رخامة عشان لو الميزانية خسعت وجبت ساجا ممكن بالمرة حتة قطع الغيار بالنسبة لبلد المنفى دمياط و الاسعار .
هناك شرط ورجاء :
من الشخص اللى هيتصدر للاجابة على هذه التساؤلات ان يكتب نوع سيارته ونوع عمله وان كان فى السيارات ففى اى جهة يعمل (اعزرونى يا جماعه فى ناس بتفت وخلاص وفى ناس تكون تبع وكيل او تاجر تخش تشوش على اللى بيسئل عشان يشترى منهم)
ارجو من السادة الاعضاء الكرام سرعة الرد
والله الموفق والمستعان
والسلام عليكم ورحمة الله وبركاته

[gadoo30]

ربنا يوفقك وتلاقى الاجابات وتاخد القرار الصحيح

[moumen_hs]

معلش ياباشا أنا شايف أن الخيارين لا النيسان الجديدة مش حلوة ورق وقع الغيار غير متوفرة وكزالك البروتون الجديدة وأن كانت البرسونا شفتها وركبتها خامتها كويسة ووسة وصاج حلو بس أى عربية جديدة فى مصر لسة نازلة بلاش منها لانك لو لقدر الله حصل للعربية حاجة حضرتك تحت رحمة التوكيل دة لو قطع الغيار موجودة أصلان مش هيبعتوا يستوردوها من المصنع وخلافة من مهاترات الزمن - نوع عربتى نيسان 2009 الشكل القديم - فياريت حضرتك توسع الاختيارات شوية وتحط فيهم نيسان الشكل القديم - أوبترا ودة لان العربيتين محترمين وقطع الغيار متوفرة جدا ولة الاوبترا غيروا فى شكلها فى موديل 2014 استنى عليها شوية ومتنساش أنك فى محافظة قطع الغيار فيها ممكن يكون غير متوفر وربنا يوفقك

[Mohamed_abdo]

معلش ياباشا أنا شايف أن الخيارين لا النيسان الجديدة مش حلوة ورق وقع الغيار غير متوفرة وكزالك البروتون الجديدة وأن كانت البرسونا شفتها وركبتها خامتها كويسة ووسة وصاج حلو بس أى عربية جديدة فى مصر لسة نازلة بلاش منها لانك لو لقدر الله حصل للعربية حاجة حضرتك تحت رحمة التوكيل دة لو قطع الغيار موجودة أصلان مش هيبعتوا يستوردوها من المصنع وخلافة من مهاترات الزمن - نوع عربتى نيسان 2009 الشكل القديم - فياريت حضرتك توسع الاختيارات شوية وتحط فيهم نيسان الشكل القديم - أوبترا ودة لان العربيتين محترمين وقطع الغيار متوفرة جدا ولة الاوبترا غيروا فى شكلها فى موديل 2014 استنى عليها شوية ومتنساش أنك فى محافظة قطع الغيار فيها ممكن يكون غير متوفر وربنا يوفقك

+111111111111111111

[kokowasfy]

بلتوفيق و متابع

[eng.m7md.ali]

معرفش نظام قطع الغيار ايه عندكو في دمياط

بس انا بحب العربية دي وهجيبها ان شاء الله عشان عملت حادثة بالواجا بتاعتي والتأمين هيكنها .. مقدامكش واحدة مستعملة موديل 2009 + ؟؟

[واحدمن الناس]

معرفش نظام قطع الغيار ايه عندكو في دمياط

بس انا بحب العربية دي وهجيبها ان شاء الله عشان عملت حادثة بالواجا بتاعتي والتأمين هيكنها .. مقدامكش واحدة مستعملة موديل 2009 + ؟؟

فى واحدة 2012 بب91
وفى 2010 ب82

[eng.m7md.ali]

الاسعار دي غالية جداً .. اتعرض عليا واحدة 2008 اوتو ماشية 29 الف بس عاملة 53 الف .. بس للاسف طارت بسرعة

[واحدمن الناس]

يا سلام محدش راضى يفدنى ليه يا جماعة الخير يا بشر طيب حد يشور عليا بحاجة تانية فى حدود 110

[واحدمن الناس]

فى بيجو 301 ايه رايكو

[mohamedyounis]

برسونا

بص انا معنديش سيارة بروتون حاليا ولكن كنت قد سألت في السوق عشان انا زي حالاتك عايز عربية والحمد لله انا نويت أحجز البيرسونا وهي شقيقة الجين 2 ولكنها ذات شنطة خلفية واسعة تنفع الاسرة. وهي تقريبا نفس مواصفات الجين 2 . وهذه السيارة في الاعتمادية بيقولوا عليها ممتازة والفرامل كويسة ولكنها مختلفة قليلا عن الاخرين وبتتعود عليها والعفشة ممتازة ومناسبة لسعرها. اما الدهان فانا معرفش ولكن بشوف في الشارع العربيات البرسونا والجين 2 ماشيين عادي مش شكلهم وحش ولا دهانهم بايظ. عادي يعني موضوع الدهان الاقتصادي المشهور ده مش منتشر كتير وممكن تتغلب علي احتمالية حدوثه انك تجيب واحدة فضى مثلا وبكده يكون لون فاتح ومنتشر.

الصني مع كل الاحترام عربية ناعمة ولكنها ضعيفة وصاجها خفيف وورقة. انا كذا واحد نصحوني وقالولي ابعد عن النيسان الجديدة. والنيسان القديمة كمان ضيقة من الخلف ومفيهاش وسائل امان ومش موجودة وبقت ب 110 الف ع الفاضى ونصيحتي بلاش منها برضة عشان هي هاتبتدي تتنسي ومش فارقة كتير عن الجديدة وبتستهلك بنزين عن الجديدة بكتير.

اما الاوبترا الجديدة 2014 فهي في حدود 130 (البيز لاين ) والبيجو 301 والحاجات دي هتلاقيها في حدود 125 (البيزلاين) والهاي لاين هاتزيد كمان ... وحضرتك زي حالاتي مش عايز تزيد عن 110

نصيحتي اتكل علي الله واحجز البيرسونا لو انت عايزها عائلية للمستقبل او الجين 2 براحتك ( معرفش عنها حاجة) بس اعتقد انها مماثلة للبيرسونا جدا وموديل 2014 منهم الاثنين في حدود 116 يعني مش بعيد عن اللي احنا عايزينه او لو لقيت منهم موديل 2013 في السوق هتلاقيها في حدود 110 زي مانت عايز وابعد عن المستعمل وهات زيرو وربنا يباركلك ويباركلي وجميع الاصدقاء المحترمين بالمنتدي

[S O P H O S]

البيجو كويسة
وممكن تفكر فالصني شكل قديم او اوبترا فعلا

[D . a .\ AYMAN]

بص انا معنديش سيارة بروتون حاليا ولكن كنت قد سألت في السوق عشان انا زي حالاتك عايز عربية والحمد لله انا نويت أحجز البيرسونا وهي شقيقة الجين 2 ولكنها ذات شنطة خلفية واسعة تنفع الاسرة. وهي تقريبا نفس مواصفات الجين 2 . وهذه السيارة في الاعتمادية بيقولوا عليها ممتازة والفرامل كويسة ولكنها مختلفة قليلا عن الاخرين وبتتعود عليها والعفشة ممتازة ومناسبة لسعرها. اما الدهان فانا معرفش ولكن بشوف في الشارع العربيات البرسونا والجين 2 ماشيين عادي مش شكلهم وحش ولا دهانهم بايظ. عادي يعني موضوع الدهان الاقتصادي المشهور ده مش منتشر كتير وممكن تتغلب علي احتمالية حدوثه انك تجيب واحدة فضى مثلا وبكده يكون لون فاتح ومنتشر.

الصني مع كل الاحترام عربية ناعمة ولكنها ضعيفة وصاجها خفيف وورقة. انا كذا واحد نصحوني وقالولي ابعد عن النيسان الجديدة. والنيسان القديمة كمان ضيقة من الخلف ومفيهاش وسائل امان ومش موجودة وبقت ب 110 الف ع الفاضى ونصيحتي بلاش منها برضة عشان هي هاتبتدي تتنسي ومش فارقة كتير عن الجديدة وبتستهلك بنزين عن الجديدة بكتير.

اما الاوبترا الجديدة 2014 فهي في حدود 130 (البيز لاين ) والبيجو 301 والحاجات دي هتلاقيها في حدود 125 (البيزلاين) والهاي لاين هاتزيد كمان ... وحضرتك زي حالاتي مش عايز تزيد عن 110

نصيحتي اتكل علي الله واحجز البيرسونا لو انت عايزها عائلية للمستقبل او الجين 2 براحتك ( معرفش عنها حاجة) بس اعتقد انها مماثلة للبيرسونا جدا وموديل 2014 منهم الاثنين في حدود 116 يعني مش بعيد عن اللي احنا عايزينه او لو لقيت منهم موديل 2013 في السوق هتلاقيها في حدود 110 زي مانت عايز وابعد عن المستعمل وهات زيرو وربنا يباركلك ويباركلي وجميع الاصدقاء المحترمين بالمنتدي

+1

القصة كلها بعد كدة في مدى توافر قطع الغيار عندك في دمياط .. ودي انت اللى تقدر تشوفها ... إنزل شوفها في الشوارع موجودة ولا نادرة ممكن تسأل حد من اللى رابينها بيعمل إيه في قطع الغيار ... إسأل في محلات قطع الغيار هل في حد بيبيع بروتون ولا لأ

[mohamedyounis]

برسونا

انا شايف ان ممكن تشوف بروتون بيرسونا 2014 هتلاقيها 116000 زيرو ودي افضل حاجة عائلية في الميزانية دي وزيرو
كل العربيات فيها عيوب وان شاء الله تكون مناسبة وعيبها التوكيل زي كل السيارات في مصر توكيلاتها مش كويسة خالص