ساعدوني يا مهندسين ال جين 2

[مايكل لويس]

زي ما كنت شرحت قبل كدة اني عندي مشكلة في زرار الانتظار وكان حلة هو مسطرة انتظارجديد ب 550 من التوكيل او استيراد ب 250
المهم انا قولت اجرب حظي واشوف واحد يصلح وربنا بعتلي حد كويس اسمة حسن في الحرفيين وقالي بكتيرة هيتصلح ب 50 جنية انا فرحت الحقيقة
المهم اول ما فتح لقي في جزء ناقص من البوردة بتاعت المسطرة وعلي ما افتكر ان صاحب العربية كان عندة مشكلة في الانتظار والاشارات فغالبا كان سببها الفيور او اي مقاومة او ال بتاع الناقص دة فشالوة من مكانة وسابو الانتظار بايظ لكن الاشارات اشتغلت
مش هطول عليكم تمن الجزء الناقص دة ممكن يبقي جنية يعني ب واحد جنية تقدر توفر 549
بس انا من غير مساعدتكم مش هقدر اوفر اصل ابن الحلال شال الجزء الي انا بدور علية وانا لازم حد يبعتلي اه هو علشان اعرف اجيب زية
فياريت الي يقدر يصورلي الجزء دة او يقولي مقاومة كام مثلا او اي معلومات
وشكرا

[مايكل لويس]

الصورة مش راضية تترفع عموما هي ليها 3 ارجل وفي طرف السوكت الاصفر الي من ورا المسطرة

[carrier]

ممكن شاكرا تليفون حسن لو تكرمت ومكانه فين بالحرفيين

[مايكل لويس]

ممكن شاكرا تليفون حسن لو تكرمت ومكانه فين بالحرفيين

في حتة اسمها السوبر جت عندي الدائري رقمة 01003922729 هو كان شغال في دمشق وربنة رزقة واشتغل في شركة وفتح ورشتة علشان كدة مواعيدة مش طول اليوم

[مايكل لويس]

اه يا جيناوية مكنش العشم محدش هاين عليه يساعد او حتي يفك مسطرة عربيتة ويديني المعلومة

[eng.m7md.ali]

الافضل تروح لكهروبائي هو هيفتكس فيها حاجة او ممكن يعرف ايه اللي ناقص لانه ممكن يكون متطابق مع عربية تانية

[tutankhamoun]

ممكن يا باشا تقولي انت عايز تصور أيه و أنا أصورهولك ؟

[مايكل لويس]

ممكن يا باشا تقولي انت عايز تصور أيه و أنا أصورهولك ؟

ايوة بقي يا توت مستنيك من بدري يا راجل
بوردة مسطرة الانتظار

دة ريجيلتور 3 رجل ممكن تشوف مكانه من اللينك دة

http://im90.gulfup.com/qPKcNp.jpg

عايز اعرف كام فولت كام امبير او اي معلومة علشان اعرف اجيب زية

[مايكل لويس]

الافضل تروح لكهروبائي هو هيفتكس فيها حاجة او ممكن يعرف ايه اللي ناقص لانه ممكن يكون متطابق مع عربية تانية

صدقني حصل بس قالي هات بوردة زيها علشان نعرف وواحد مهندس الكترونيات قالي هات نجرب :)

[مايكل لويس]

ممكن يا باشا تقولي انت عايز تصور أيه و أنا أصورهولك ؟

ما زلت منتظرررررررررررررررررر

[D . a .\ AYMAN]

ياباشا ما هو انت لو في الحرفيين ممكن تشوف المسطرة دي عند أي حد بتاع استيراد وتصورها بنفسك .. هاتروح تقوله بس عايز أشوفها عشان كذا ... وأعتقد مش هايتأخر

أولا لأن المكان مش واضح في الصورة اللى انت رافعها
ثانيا الواحد بيخاف يفك حاجة زي كدة أحسن تتكسر في إيده وهو مش محترف برضه في فكها وتركيبها

[مايكل لويس]

ياباشا ما هو انت لو في الحرفيين ممكن تشوف المسطرة دي عند أي حد بتاع استيراد وتصورها بنفسك .. هاتروح تقوله بس عايز أشوفها عشان كذا ... وأعتقد مش هايتأخر

أولا لأن المكان مش واضح في الصورة اللى انت رافعها
ثانيا الواحد بيخاف يفك حاجة زي كدة أحسن تتكسر في إيده وهو مش محترف برضه في فكها وتركيبها

انا عايزز اقولك ان دي اول حاجة عملتها بس الراجل كان اهبل كان مقتنع انه هيبيعهالي ب 500 حلفتله انها ب 450 جديدة من التوكيل بس مش موجودة يقولي دي الاصلي
اقولة دة التوكيل يقولي دي بتاعه بلادة
ولما طلبت منه اني افتحها قالي لا اسف
عموما كتر خيركم
انا صلحتها ب 1 جنية فعلا ترانزستور بجنية بالصدفة برغي مع الكهربائي بتاعي لقيتة قالي المسطرة دي بيجيلها 3 عيوب
عيب الي عندي ودة تجيبلة الترانزستور ابو جنية وعيب تاني قالي بجنية واصهب واغلي عيب بيكون في حاجة اتحرقت تمنها 5 جنية مكنتش مصدق انه مش عارف اه هي البروتون دة طلع حافظ كل حاجة برقمها وفعلا اتعمل معايا الواجب واتصلحت ببلاشششششششششششششششششششششششش كمان بعد ما جبتله الترانزستور ابو جنية

[tutankhamoun]

أستاذ مايكل ..... الحمد لله أنك صلحت الحاجة البايظة و أحب أعتذرلك جدا أني اتأخرت قوي و مقدرتش أصورلك الحاجة المطلوبة
و الله ظروفي شغلة مانعاني ادخل على الأنترنت كتير .

بس أهم حاجة أنك صلحت الحاجة البايظة و ربنا ما يجيب حاجة بايظة تاني .