1000 كلم مع ساجا 2013 زيرو

[Abo-Baraa]

انا بفضل الله اشتريت ساجا 2013 زيرو و فحص الالف بكرة ان شاء الله
العربية سحبها كويس جدا و الفتيس و المتور ناعمين و ال"ار بي ام" معقول على السرعات العاليه و العزل كويس و الثبات برده كويس الحمد لله

بس استهلاك البنزين عالي جدا على عربية 1300 - العربية بتعمل 10 لتر لكل 100كلم تقريبا مع اني كل سواقتي في طرق مفتوحة ومش بتشعلق في زحمة القاهرة لاني ساكن في التجمع و شغلي في المعادي

و غير كده التكيف لما بيشتغل بسمع صوت مروحة عالي جدا بتفصل و تشتغل ورا بعض بشكل سريع

ياريت ياجماعة ربنا يكرمكم لو حد عنده اي معلومة او نصيحة او توضيح بخصوص النقطتين دول يفدني افادكم الله

[amrseif]

اولا الف مبروك على العربية ...
بالنسبة لعربيتك هى اوتوماتيك وللا مانيوال ؟؟؟ اذا كانت اوتوماتيك يبقى الاستهلاك كدة طبيعى بالنسبة للاماكن اللى انت بتمشى فيها .. اما اذا مشيت فى الزحمة هتاخد اكتر من كدة بكتير ..
بالنسبة لمروحة التكييف فده طبيعى جدا فى العربية ديه .. متقلقش .

[Abo-Baraa]

أشكرك جدا على الرد يا استاذ عمر و الله يبارك فيك
العربية اتوماتك ... بس انا مستكتر اوي 10 لتر لكل 100كلم على عربية 1300 و كان عندي امل معدل الاستهلاك ده يتحسن بعد ال 5000 بس انت احبطتني :)
و برده موضوع المروحه ده غريب جدا - انا مش قادر اقتنع انه طبيعي, ممكن اتفهم ان صوت المروحه عالي عادي بس موضوع انها بتشتغل و تبطل ورا بعض بسرعه كده مش حاسه حاجه طبيعيه ابدا

[abdoumahros]

البروتون

أشكرك جدا على الرد يا استاذ عمر و الله يبارك فيك
العربية اتوماتك ... بس انا مستكتر اوي 10 لتر لكل 100كلم على عربية 1300 و كان عندي امل معدل الاستهلاك ده يتحسن بعد ال 5000 بس انت احبطتني :)
و برده موضوع المروحه ده غريب جدا - انا مش قادر اقتنع انه طبيعي, ممكن اتفهم ان صوت المروحه عالي عادي بس موضوع انها بتشتغل و تبطل ورا بعض بسرعه كده مش حاسه حاجه طبيعيه ابدا

عزيزي
معروف عن البروتون ان وعدل استهلاك البنزين فعلا بيتحسن بعد 5000 كيلو
اما صوت المروحه فهو عالي بس بسيط
ممكن يكون الثرموستات عاوز يظبط مدام بتشتغل وبتفصل بسرعه
عموما ان شاء الله حاجه بسيطه واطمن خالص كل ده هايطظبط لما تروح تعمل اول صيانه
وانصحك بعصام وصفا
ومبروك وربنا يبارك ليك فيها

[amrseif]

أشكرك جدا على الرد يا استاذ عمر و الله يبارك فيك
العربية اتوماتك ... بس انا مستكتر اوي 10 لتر لكل 100كلم على عربية 1300 و كان عندي امل معدل الاستهلاك ده يتحسن بعد ال 5000 بس انت احبطتني :)
و برده موضوع المروحه ده غريب جدا - انا مش قادر اقتنع انه طبيعي, ممكن اتفهم ان صوت المروحه عالي عادي بس موضوع انها بتشتغل و تبطل ورا بعض بسرعه كده مش حاسه حاجه طبيعيه ابدا

العفو على ايه ..واهلا بيك فى منتدى بروتون وان شاء الله العربية تكون فتحة خير عليك ..
بالنسبة للرد انا بحب اكون واقعى واقول كل حاجة بصراحة .. بس العربية فى السفر كويسة .. جربتها بعد اول 1000 كيلو من غير التكييف مشيت 280 كيلو متر ب20 لتر على سرعات 100 و 120 ..بس لو شغلت التكييف حتاخد اكتر طبعا ... موضوع المروحة يمكن انت مستغربه شوية عشان لسة مش متعود عليه لكن لما تتعود عليه هتحسه عادى ...

[S O P H O S]

مبروك
وشايف الاستهلاك معقول واكيد هيتحسن

[fourseasons]

الف مبروك يا باشا و ربنا يديك خيرها و يكفيك شرها ان شاء الله,ياريت حضرتك تقولنا سعرها كام دلوقتى و حضرتك جبتها منين و التسليم كان فى خلال قد ايه.

[ahmed_moeaz]

مبروك وعقبال مجمد قلبى واشترى بروتون بس معندناش فى اسكندرية اساسا توكيل عز العرب ، اشترى ازاى من غير ميكون فيه توكيل !!

[Abo-Baraa]

الف مبروك يا باشا و ربنا يديك خيرها و يكفيك شرها ان شاء الله,ياريت حضرتك تقولنا سعرها كام دلوقتى و حضرتك جبتها منين و التسليم كان فى خلال قد ايه.

شكرا جدا و ربنا يبارك فيك
العربية كانت عاملة 85 في اباظة و استلمتها خلال يومين
شفت عربيتين الاولانية كان فيها نقرة في السقف و رفضتها بعدها بيومين جابولي عربية تانية و استلمتها

[waelfarid]

الاستاذ احمد معاذ

مبروك وعقبال مجمد قلبى واشترى بروتون بس معندناش فى اسكندرية اساسا توكيل عز العرب ، اشترى ازاى من غير ميكون فيه توكيل !!


عندكو ياباشا وانت طالع علي مصر الزراعي قبل محطة الغاز اللي قبل ابيس وانت خارج من اسكندرية

[ahmed_moeaz]

مقفول يا ريس

[ahmedfathi]

الف مبروك يا باشا وربنا يديك خيرها ويكفيك شرها

ليا بس تعليق على حكاية البنزين وهو ان العربيه اه 1300 بس ما تنساش انه ده موتور رياضى بجانب ان العربيه اوتوماتيك جانب ان انت لسه فى فترة التليين كل دى حاجات اساسيه تخلى استهلاك البنزين زى ال 1600

دا غير بقى عوامل تانيه كتير بتزود فى استهلاك البنزين زى الحموله الكامله للعربيه
السير فى الزحمه
السير بسرعه على طريق سريع والشبابيك مفتوحه
طريقه سواقتك للعربيه
لو ضغط الكاوتشات مش مضبوط
طبعا التكييف

كل ده بيأثر فى استهلاك البنزين والف مبروك مره تانيه

[amrseif]

الف مبروك يا باشا وربنا يديك خيرها ويكفيك شرها

ليا بس تعليق على حكاية البنزين وهو ان العربيه اه 1300 بس ما تنساش انه ده موتور رياضى بجانب ان العربيه اوتوماتيك جانب ان انت لسه فى فترة التليين كل دى حاجات اساسيه تخلى استهلاك البنزين زى ال 1600

دا غير بقى عوامل تانيه كتير بتزود فى استهلاك البنزين زى الحموله الكامله للعربيه
السير فى الزحمه
السير بسرعه على طريق سريع والشبابيك مفتوحه
طريقه سواقتك للعربيه
لو ضغط الكاوتشات مش مضبوط
طبعا التكييف

كل ده بيأثر فى استهلاك البنزين والف مبروك مره تانيه

ليا سؤال لحضرتك .. بما انك من ملاك الساجا اوتوماتيك ممكن تقوللنا العربية بتعمل متوسط معاك كام كيلو فى الصفيحة ( فى الطرق الزحمة كام وفى الطرق الطوالى كام ) ؟

[ahmedfathi]

ليا سؤال لحضرتك .. بما انك من ملاك الساجا اوتوماتيك ممكن تقوللنا العربية بتعمل متوسط معاك كام كيلو فى الصفيحة ( فى الطرق الزحمة كام وفى الطرق الطوالى كام ) ؟

بص فى المتوسط فى الزحمه ووسط البلد بتعمل حوالى من 10 الى 11 لتر كل 100 كيلو

اما فى السفر ع الطرق السريعه بتقل الى حوالى من 8 الى 9 لتر لكا 100 كيلو

[amrseif]

بص فى المتوسط فى الزحمه ووسط البلد بتعمل حوالى من 10 الى 11 لتر كل 100 كيلو

اما فى السفر ع الطرق السريعه بتقل الى حوالى من 8 الى 9 لتر لكا 100 كيلو

بالنسبالى أنا بتعمل معايا فى الزحمة متوسط 16 ونصف لتر لكل 100 كيلو بدون تكييف !!!
وبالنسبة للسفر بتعمل حوالى 7 ونصف لكل 100 كيلو على سرعات متوسط 100 و 120 بدون تكييف برضه !!!!!!!!!!!!!!!!!!!!!!
لو كانت العربية بتاكل بنزين علطول كانت فى الزحمة والسفر تبقى متقاربة شوية لكن مش بالفرق الرهيب ده وللا انت شايف ايه ؟؟!!