تقييم ال 1000 كم IslamGen2

[khpopo]

مبروك عليك جين 2 الجميلة ربنا يحميهالك ويحميهلنا
بالنسبة للطريق من هليوبلس
كوبرى 6 اكتوبر من صلاح سالم مثلا وبعدين تخش فتحة 15 مايو وتخليك على طول لغاية المحور 6اكتوبر وبعدين تنزل منزل الصحراوى تلاقى عز العرب على اليمين قبل بنزينة شل ودة اقصر طريق تقريبا
لى بس رد على الريموت لانة كل الى قولتة من مشاكل المفروض يتحل فى صيانة الاف لكن الريموت بيجيب 10 م فعلا لو البطاربة نوع كويس وغالبا البطارية الاولى بتتغير بسرعة وهما عملو 10 م عشان عبث الاطفال وتفتح العربية من بعيد وانت مش شايفها ودة للامان هما قالين كدة مش من عندى فى حاجة كمان لو معرفتش تفتح بالريموت افتح بالمفتاح (لو البطارية ضعفت) وبعدين الغى من الزرارالى فى التابلوة اخر واحد فى الشمال عشان الانذار يقف ودور العربية عادى
وربنا يديك خيرها ويكفيك شرها

[AhmedGen2]

الله يبارك فيكم ..

شكرا ً يا خالد يارب بس متوهش وإلا ذنبى فى رقبتك:D

[AhmedGen2]

أنا لسه راجع من التوكيل وتمت الصيانة الحمد لله إلا إن المالتى فانكشن قالى إن معندهمش جديد هيبقى يغيرهالى الصيانة الجاية ، مش مهم.

خالد باشا الطريق كان حلو أوى ووصلت بسلام بس للأسف تهت جامد وأنا راجع :( رغم إن الراجل شرحلى وقالى وانت راجع بلاش المحور عشان زحمة وخليك فى الدائرى وقالى تسيب أول كوبرى وعند التانى تاخد تانى ملف طبعا انا رحت للكوبرى التانى لاقيت ميت ملف معرفتش أخش أنهى واحد فلاقيت نفسى فى شارع الهرم ولا الأهرام مش عارف ، وقعدت أسأل بقى كل اللى رايح واللى جاى فى الآخر مشيت شارع الهرم دة كله لآخره طلعت على كوبرى كدة وصلنى للقلعة ومن ثم العباسية وهكذا ...

بس بجد لفيت جامد ، ياريت يا خالد لو تشرح الطريق وانا راجع.

بعد الصيانة سحب العربية فل أوى وبعد 3000 آر بى إم العربية بتطير ، وشغلت التكيف براحتى الحمد لله كله حلو ، فاضل حاجتين ، أنضف العربية عشان مليانة تراب ، وكمان عاوز أحافظ على الفرش بس مش عارف أعمله ايه مفيش حاجة أرخص من فرش الجلد؟ مش معايا حاليا 1500 جنيه عشان أفرشها فرش محترم ، لو حد يعرف كوفرات أغطى بيها الفرش مؤقتا ً ياريت يدلنى.

[TrickyAhmed85]

فى كفرات قطيفه شيك أوى وحلوه بس للكرسيين اللى قدام بس
انا جبتهم ب 120 جنيه , هتلاقيهم عند أى حد بتاع كماليات

[وليد عفيفى صابر]

أستاذ/IslamGen2
مبروك علي اتمام الصيانة وربنا يحفظلك السيارة ويبارك لك فيها
أرجو الاستفسار من حضرتك علي تفاصيل الصيانة :
يعني روحت الساعة كام وكان بأسبقية الحضور ولا حجز
وانتظرت قد ايه وقت
واتعاملت معاهم ازاي
وموضوع استهلاك البنزين عملت فيه ايه
ودفعت كام بالضبط وما تم عمله في الصيانة
فأرجو الافادة لآني ناوي إن شاء الله أروح أعمل صيانة الألف كيلو يوم الخميس 9/10 وعاوز أعرف التفاصيل قبل ما أروح
وجزاك الله خيرا

[AhmedGen2]

فى كفرات قطيفه شيك أوى وحلوه بس للكرسيين اللى قدام بس
انا جبتهم ب 120 جنيه , هتلاقيهم عند أى حد بتاع كماليات

شكرا يابو حميد.

أستاذ/IslamGen2
مبروك علي اتمام الصيانة وربنا يحفظلك السيارة ويبارك لك فيها
أرجو الاستفسار من حضرتك علي تفاصيل الصيانة :
يعني روحت الساعة كام وكان بأسبقية الحضور ولا حجز
وانتظرت قد ايه وقت
واتعاملت معاهم ازاي
وموضوع استهلاك البنزين عملت فيه ايه
ودفعت كام بالضبط وما تم عمله في الصيانة
فأرجو الافادة لآني ناوي إن شاء الله أروح أعمل صيانة الألف كيلو يوم الخميس 9/10 وعاوز أعرف التفاصيل قبل ما أروح
وجزاك الله خيرا

* رحت الساعة 7.30 ، رحت لاقيت طابور مستنى أنا كنت السادس ، وكان كل واحد ييجى بيقف فى الدور ، يعنى كل ما تيجى بدرى كل ما تخلص بدرى ، بأسبقية الحضور نعم.

* استلمت العربية الساعة 12.30 ، كنت فى الاستراحة وهما كلمونى الساعة 12 قالولى العربية جاهزة.

* التعامل سهل ، المركز بيفتح أبوابه الساعة 9 ، طابور العربيات بيدخل ، وبعدين تقف مستنى جنب عربيتك ، بييجى مهندس بيوزع استمارات على العربيات وبعدين يعدى مهندس تانى يملى الاستمارة دى معاك ، الاستمارة بيبقى فيها بيانات العربية والرخصة والمشاكل التى تريد إصلاحها وبيديك مسخة منها فيها وقت استلام السيارة كان عندى 12.30 واستلمتها فى الميعاد بالظبط ، وتسيب العربية بدون أى متعلقات شخصية وتروح تقعد فى الاستراحة وتشرب أو تاكل براحتك لغاية ميعاد الاستلام ، بييجى وقت الاستلام تروح تدفع الرسوم ، انا دفعت 171 جنيه صيانة الألف ، وتستلم العربية وتروح.

* موضوع استهلاك البنزين طبيعى وهيقل مع الوقت ، المؤشر عندى عامل 9 لتر لكل 100 كم ، دة استهلاك عالى شوية بس طبيعى المفروض يقل على فترة الصيانة الجاية.

[وليد عفيفى صابر]

شكرا يابو حميد.

* رحت الساعة 7.30 ، رحت لاقيت طابور مستنى أنا كنت السادس ، وكان كل واحد ييجى بيقف فى الدور ، يعنى كل ما تيجى بدرى كل ما تخلص بدرى ، بأسبقية الحضور نعم.

* استلمت العربية الساعة 12.30 ، كنت فى الاستراحة وهما كلمونى الساعة 12 قالولى العربية جاهزة.

* التعامل سهل ، المركز بيفتح أبوابه الساعة 9 ، طابور العربيات بيدخل ، وبعدين تقف مستنى جنب عربيتك ، بييجى مهندس بيوزع استمارات على العربيات وبعدين يعدى مهندس تانى يملى الاستمارة دى معاك ، الاستمارة بيبقى فيها بيانات العربية والرخصة والمشاكل التى تريد إصلاحها وبيديك مسخة منها فيها وقت استلام السيارة كان عندى 12.30 واستلمتها فى الميعاد بالظبط ، وتسيب العربية بدون أى متعلقات شخصية وتروح تقعد فى الاستراحة وتشرب أو تاكل براحتك لغاية ميعاد الاستلام ، بييجى وقت الاستلام تروح تدفع الرسوم ، انا دفعت 171 جنيه صيانة الألف ، وتستلم العربية وتروح.
* موضوع استهلاك البنزين طبيعى وهيقل مع الوقت ، المؤشر عندى عامل 9 لتر لكل 100 كم ، دة استهلاك عالى شوية بس طبيعى المفروض يقل على فترة الصيانة الجاية.

شاكر جدا لحضرتك
وهذا بالضبط ما حصل معي ماعدا المواعيد وصلت 9,30 واستلمت العربية 4 عصرا