تحسين الإضاءة ليلا؟؟

[Dr\Mohamed]

لو سمحتم يا جماعة أنا كل كام يوم كده بسافر بليل سفر طويل شوية وطبعا طرقنا في مصر تمتاز بالمطبات المفاجأة ده غير الحفر إللي في الأسفلت

أنا بصراحة مش مستريح مع النور بتاع البيرسونا ..... حاولت تشغيل كشافات الشبورة مع النور الواطي ولكن لا جديد أفاجأ بالمطب على مسافة قريبة جدا مش بلحق أهدي علما بأني مش بجري بسرعة أوي

أنا عايز اعرف هو انا الوحيد إللي عندي المشكلة دي؟؟؟ كمان إيه الحل أنا مش مشترط تركيب زينون انا كل إللي محتاجه رؤية لمسافة أطول بأي طريقة حتى لو بالنور الأحمر العادي

[Mohab555]

فى لمبات ممتازة اسمها اوسرام نايت بريكر .. بيزود الاضائة 100% ... بتتباع فى اربكوم مدينه نصر او محل المدنية شارع دمشق فى مصر الجديدة

[D . a .\ AYMAN]

أنا ما عنديش مشاكل في الرؤية خالص مع نور البيرسونا ... حاول تضبط مستوى الإضائة ممكن يكون الزاوية بتاعته مش مضبوطة

أنا بقول كدة لأني سافرت كتير بالليل وما حسيتش إن نورها وحش بالعكس كنت مرتاح معاه جدا .. وممكن تعمل حاجة كنت أعملها لما أمشي بسرعة عالية في طريق مظلم تماما ... نور النور العالي عشان يرمي مسافة أبعد ومعاه نور الشبورة وده هايرمي مسافة قريبة يبقى انت كدة مغطي البعيد والقريب

واتأكد برضه إن مستوى الفوانيس مضبوط ... وممكن تركب اللمبات الأوسرام الناس اللى جربتها شكرت فيها

[أحمد عبدالله]

متابع

[eng.m7md.ali]

الاوسرام زفت انا جربتها وغاليا عالفاضي ومفيش فرق .. الحل هيا لمبات بكتاوت او زينون نضيف وده هيبقى كويس مع البيرسونا عشان مفيهاش عدسات في الفوانيس

[mostafa magdy]

انا عندي مشكله أصلا في الرؤيه ليلا .. خلال السواقه فقط !
تحلها بنوع زينون نضيف و ده اللي أقدر أفيدك بيه لأنه ده اللي أنا مجربه ..
تحياتي

[Amr_tika88]

ركب زينون يكون نوع نضيف من الاخر وابقي اطفيه في اللجان وبرضو يكون مخفي قدر الامكان

[Dr\Mohamed]

حاول تضبط مستوى الإضائة ممكن يكون الزاوية بتاعته مش مضبوطة

واتأكد برضه إن مستوى الفوانيس مضبوط

شكرا على الرد بس برجاء توضيح يعني ايه
1- مستوى الاضاءة
2- مستوى الفوانيس
وازاي اظبطهم

[MOTOR HEAD]

هل ده الازاز الصلى و جاى مع العربيه

و لا نوع مش اصلى عشان اتغير قبل كده

لانك مهما عملت فى النور عمر ما الرؤيا هتظبط غير لو الازاز اصلى

[Dr\Mohamed]

هل ده الازاز الصلى و جاى مع العربيه

و لا نوع مش اصلى عشان اتغير قبل كده

لانك مهما عملت فى النور عمر ما الرؤيا هتظبط غير لو الازاز اصلى

حضرتك تقصد زجاج الفانوس طبعا......مش الزجاج الأمامي للسيارة صح كده
أيوة الإثنين أصلي

[MOTOR HEAD]

لا انا قصدى الزجاج الأمامي للسيارة

بس طالما التنبن اصلى

تفتح كتالوج العربيه تشوف فين رجلاش النور

و حيطه ضلمه و ابتدى على اضائه الفانوس الامامى (يمين)

و ربنا معاك

[D . a .\ AYMAN]

شكرا على الرد بس برجاء توضيح يعني ايه
1- مستوى الاضاءة
2- مستوى الفوانيس
وازاي اظبطهم

كل فانوس بيكون ليه رجلاش بيعليه أو يوطيه حسب اتجاه الرؤية المضبوطة ... والمفروض يكون النور فارش على الأرض لأبعد مسافة ممكنة قدام العربية من غير ما يكون مستواه عالي لدرجة إنه يوصل لمستوى عين قائد السيارة اللى أمامك .. عشان النور ما يضايقهوش ... والفانوسين لازم يكونوا في مستوى واحد زي بعض

ممكن تروح لكهربائي يضبطهالك ... بس أنا أفضل تقرأ الكتالوج وتشوف الرجلاش فين وكيفية الضبط وتعملها بنفسك لأنك هاتوصل لأفضل مستوى إنت عايزه

[Dr\Mohamed]

كل فانوس بيكون ليه رجلاش بيعليه أو يوطيه حسب اتجاه الرؤية المضبوطة ... والمفروض يكون النور فارش على الأرض لأبعد مسافة ممكنة قدام العربية من غير ما يكون مستواه عالي لدرجة إنه يوصل لمستوى عين قائد السيارة اللى أمامك .. عشان النور ما يضايقهوش ... والفانوسين لازم يكونوا في مستوى واحد زي بعض

ممكن تروح لكهربائي يضبطهالك ... بس أنا أفضل تقرأ الكتالوج وتشوف الرجلاش فين وكيفية الضبط وتعملها بنفسك لأنك هاتوصل لأفضل مستوى إنت عايزه

شكرا لحضرتك أنا لقيته فعلا وحاولت أظبطه ..... إن شاء الله هسافر بكرة بليل هشوف النتيجة وربنا يستر